ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೧೦೩

ಕಟ್‌ಂಡ ಭೂತ ತುಳು ಜಾನಪದ ಸಂಸ್ಕೃತಿಡ್ ಪ್ರರುಬಾಲೆ ನುಂಗಾದ್ ಪೊಡಿ ಮಲ್ತ್‌ದ್ ಉರ್‌ ಕುಡು ಮಂತ್ರವಾದಿಲು ಜಿಂಜಾದ್ ಬಾಲೆದ ಕಕ್ಕಿಲ್‌ಗ್ ಪ್ರೇತ-ಕುಲೆತ ಬಾಧೆ ಬರ್ಪುಜ್ಜಿಗೆ, ಈ ಕ್ರಮನ್ ಮಸನಡ್ ರಾತ್ರೆದ ಪೊರ್ತು (ಅಮಾಸೆ, ಐತಾರ) ಮಲ್ತ್ ಕೊರೊಂದಿತ್ತೆರ್‌ಗೆ ದೇವರೆನ ತೀರ್ಥ ತಲಿಪಾವೆ‌, ಹೋಮದ ಭಸ್ಮನ್ ದೇವೆರೆನ ಗಂಧಪುರುಸಾದನ್ ಮುಂಡಗ್ ಮುಟ್ಟಾವರ್, ಗೆರಚಾರ ದೋಷರ್ ಶಾಂತಿದ ಹೋಮ ಮಲ್ಲಾವರ್. 2. ಆಚಾರಿ, ಮೂಲ್ಯ, ಮಲೆ‌, ಭಂಡಾರಿ, ಓಡಾರಿ, ದೇವಾಡಿಗರ್ ಇಂಚ ಏಲ್ ವರ್ಗದಲ್ಲಿನ ದಿಕ್ಕೆಲ್ಲ ಬೋನ್ಯನ್ ಕನತ ಐಕ್ ರಂಗೋಲಿ ಪುಡಿ ಬೊರ್ಕಲ್ಯ ಪುಡಿನ್ ಬೆರಕಾದ್ ಬಾಲೆನ್ ಪಾಲೆಡ್ ಜಪಡಾದ್ ಸುತ್ತ ಬೆರಕೆ ಮಲ್ಲಿನ ಪುಡಿಟ್ ಮಂಡಲ ಪಾಡ್.. ಪೂಜೆ ಮಲ್ತ್‌ದ್ ಸುಗಿಕೊಂಡ ಆ ಬಾಲೆಗ್ ದಾದೆಲ ಉಪದ್ರ ಬರ್ಪುಜ್ಜಿಗೆ. 3. ಅಂಚನೆ ಬಾಲೆಗ್ ಪಿಲಿತ ಉಗುರು ಬೊಕ್ಕ ಐತ ಕೂಲಿದ ಪದಕ, ಆನೆ ಬೀಲದ ಚವರಿ (ರೋಮದ) ಕಾಜಿ, ಬಣ್ಣ ಬಣ್ಣದ ಮಲ್ಲ ಮಲ್ಲ ಮನಿತ ಸರ, ಪಂಚ ಲೋಹದ ಕಡಗ, ಕರ್ಬದ ಕಾಜಿ, ಕುದುರೆಲಾಳ ಮಲ್ಲಿನ, ಖಂಡ ದಪ್ಪುನ ಪನೊರಿಮುನೆತ ಕಾಜಿ-ಉಂಗಿಲ ಮಲ್ಕ್ ಪಾಡ್‌ಂಡ ದಿಟ್ಟ ಬೂರಂದ್‌ಗೆ, ಶನಿನ ಗೆರಚಾರ ದೋಷ, ದುಷ್ಟ ಶಕ್ತಿಲೆನ ಉಪದ್ರ ಬರಂದ್‌, ಬಾಲೆದ ಕೆಬಿತ್ ರಸಿ ಬರೊಂದಿತ್ತಂಡ ಕೆಬಿತುಲಾ ಅರನೆದ ಬೀಲ ಡ್ ಕೆಬಿತುಲಾಯಿ ಬುಡ್ಡು ಗರ-ಗರ ತಿರ್ಗಾಂಡ ಗುನ ಅಪುಂಡುಗೆ ನಿದಿರೆದಾಂತೆ ಬುಲಿಪುನ ಬಾಲೆಗ್ ಐನ್ ಎಕ್ಕಂಬರೆ ಇರೆಡ್ ದೊನ್ನೆದ ಲೆಕ್ಕ ಕುತ್ತುದ್ ಅವ ತಿನ್ನುನ ಬಡವು ಅತ್ತಡ ನುಪ್ಪುನು ಕುಂಕುಮ ಮಂಜಲ್ ಪಾಡ್ ಐನ್ ಬಗೆತ ಪುರ್ಪಡ್ ಪೂಜೆ ಮಲ್ತ ಬಾಲೆಗ್ ತೊರತ್‌ ಮೂಜಿ ದಿಕ್ಕಗ್ ತೋಜಾದ್ ಮೂಜಿ ತಾದಿ ಸೇರುನಲ್ಪ ದೀದ್ ಪಿರ ತೂವಂದೆ ಬಂಡ ಬಾಲೆದ ಛದಿಕ್ ಪಿರಿಕಟ್ಟೆ ಆಪುಂಡ್‌ಗೆ. ಬಾಲೆ ಪೋಡಿದ್ ಕಿರ್‌ ಕಟ್ಟಿದ್ ಬುಲ್ಲೊಂದಿತ್ತಂಡ.. ಊರ್ದ ಬಲೆದ ಭಟ್ರೆ, ಕೈತಲ್ ಪೋದು ಭಸ್ಮನ್ ಮಂತ್ರಿದ್ ಕನತ್‌ದ್ ಬಾಲೆದ ಮುಂಡಗ್ ಮುಟ್ಟಾವರ್. ತಾಳೆದ ಗರಿಟ್ ಮಂತ್ರ ಬರೆಪಾದ್, ಸುಂದ್‌ ಅಮಾಸೆಗ್ ಬದಲ್ ಮಳ್ಕೊಡುಗೆ. ಪಟ್ಟೆನೂಲುಡು ಕಿಕ್ಕಿಲ್‌ಗ್ ಕಟ್ಟಾವರ್, ಮಂತ್ರೋಡು ಗಂಟೆ ಪಾಡಿನ ಕರಿಯ ಪಟ್ಟೆನೂಲುನು ತಗಡ್‌ಡ್ ಮಂತ್ರಿದ್, ಉರ್ಕುಗು ಪಾಡ್ಜ್ ಬಾಲೆದ ಸೊಂಟಗ್, ಕೈಕ್, ಕೆಕ್ಕಿಲ್‌ಗ್ ಕಟ್ಟಾವರ್. 3 ಬಾಲೆದ ಜರ ಬುಡಂದೆ ಪೋಂಡ ಇಲ್ಲದ ಕೋರಿನ್ ತೊರತ್‌ದ್ ದೈವಲೆಗ್ ಬುಡ್ಲೆರ್, ಬಾಲೆಗ್ ತೊರತಿನ ನುಪ್ಪುನು ಕೊರಗೆರೆಗ್ ಕೊರ್ಪೆರ್, ಕಕ್ಕೆಗ್ ಪಾಡ್ಡೆರ್. 102