ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೧೦೦

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ ಕಾರ್ನಿಕದ ದೈವ ದೇವೆರ ಖಂಡಗ್ ಬಾಲೆ ಮಲ್ಲಾಯಿ ಬೊಕ್ಕ ಎಂತಿಣ ತುಪ್ಪು ತುಂಬಿದ್ ಪಾಪ್ಪಾವಂದ್ ಮಲ್ಲಣ್ಣು ಪರಕೆ ಪಂಡೊನ್ವೆರ್. ಉರ್ದಾಮೆಗ್ ನೆಲ್ಯಾಡಿದ ಕೋರಿಜಾತ್ರೆ ಛದಿಕ್ ತೊಪ್ಪೆ ಮರ್ದ್‌ಂದ್ ವಾಡಿಕೆದ ಪಾತೆರ ಉಂಡು, ಅಲ್ಪದ ಶ್ರೀ ವೈದ್ಯನಾಥೇಶ್ವರ ದೇವಸ್ಥಾನದ ಖಂಡಡ್ ಧರ್ನುಮಾಸದ ಸುರುತ ದಿನ ಕೋರಿ ಜಾತ್ರೆ ನಡಪುಂಡು. ಅಪಗ ದೇವೆರ ಖಂಡಗ್ ತೊಪ್ಪು ತುಂಬುದ್ ಸೇವೆ ಸಂದಾವಂದ್ ಪನ್ನಿನ ಕ್ಷಣಂಟ್ ಬಾಲೆಲು ಬು ರಂಪ ಮಲ್ಪಂದೆ ಕುಶಿಟ್ ಉಪ್ಪೆರ್‌ಂದ್ ತುಳು ಜನಪದರನ ನಂಬಲಿಕೆ. ದಿಟ್ಟ ಗೆಪ್ಪುನ ನನೊಂಜಿ ಕ್ರಮ: 0 ಮೂಜಿಕೋಡಿ ಕತ್ತಲೆಡ್ ಬಾಲೆನ್ ತಡ್ಯಡ್ ಕುಲ್ಲಾದ್ ತರೆಡ್ ಕಾರ್ ಪೂಜಿದ್ ನೆಲಕ್ ಬಿರೆಲ್‌ನ್ ಒತ್ತುದು ನೆಟ್ಟಿ ದೆಪ್ಪೆರ್, ಅದಗ ಒಂಜಿ ಲಟ-ಲಟ ಸಭೆ ಆನಗ.. ಬಾಲೆಗ್ ದಿಟ್ಟಿ ಕಂತ್‌ದೇ ಪೋತುಂಡುಂದ್ ಎನ್‌ವೇರ್. ಅದಗದ ಮಂತ್ರ: ಗಾಲಿ ದಿಟ್ಟಿ ಬೋಲಿ ದಿಟ್ಟ, ಕಲ್ಪ ದಿಟ್ಟ, ಹಾಲ್ ದಿಟ್ಟಿ, ಕಾಲೇ ದಿಟ್ಟ ನಿನನ್ ತೂಯಿನಾನ ಅಂಗಲಾಪುದ ದಿಟ್ಟಿ ಕಿಚ್ಚಿ-ಮಚ್ಚರದ ದಿಟ್ಟ ಮಾತಾ ಪಟ ಪಟ ಪುಡಾದ್ ಪೋವಡ್. 8 ಕೊರಗೆರೆಗ್ ಬಾಲೆನ್ ದಾನ ಕೊರ್ಪುನ ಕ್ರಮ: ಬಾಲೆ ಒಬ್ಬಾ ಸೀಕ್‌ಡ್ ರೆಂಕೊಂದು ನಕ್ಕೊಂದು ಬದುಕುನ ಆಸೆ ಒರಿಯಂದೆ ಉಪ್ಪುನಗ ಕೊರಗೆರೆನ್ (ಪೊಂಜೊವೆನ್) ಲೆಪುಡಾದ್ ಆಕುಲೆಗ್ ತಮ್ಮನದ ಉನಸ್ ಪಾಡ್ ಕೈ ನಿಲ್ಕೆ ಉಡುಗೊರೆ ಕೊರ್ದು ಬಾಲೆನ್ ಅಲ್ಲಿನ ಕೈಕ್ ದಾನ ಕೊರ್ನಗ ಅಕುಲು ಭೂಮಿಡ್ ಒಂಜಿ ತೋಡು ಗರ್ತದ್ ಐಕ್ ಪಾಲೆಡಿತ್ತಿನ ಬಾಲೆನ್ ದೀದ್ ಮೂಜಿ ಚಿಮಿಟಿ ಮಣ್ ಪಾಡ್ ಬೊಕ್ಕ ಕುಡ ಬಾಲೆನ್ ದೆರ್ತ್‌ಾಕ್ಲು ಐತ ಕೆಬಿಟ್ ಅಕುಲೆನ ಜಾತಿದ ಒಂಜಿ ಪುದರ್ ದೀದ್ ಮೂಜಿ ಸರ್ತಿ ಲೆತ್‌ ಬಾಲೆನ್ ಪಿರ ಕೊರ್ಪೆರ್, ದಿಕ್ಕೆ, ಪಿಜಿನ್, ಕಕ್ಕೆ, ಕೂಕ್ತ, ಕೇಪು, ಪುದ್ದೆ, ಪುಚ್ಚೆ ಇಂಚಿನ ಪುದರ್ ದೀಪೆರ್, ದೀತಿನ ಪುದಾರ್ನ್ ದಿನಕ್ಕೆ ಮೂಜಿ ಸರ್ತಿ ಆಂಡಲಾ ಲೆಪೊಡುಗೆ, ಇಂಚ ಮಲ್ಗೊಂಡ ಬಾಲೆಗ್ ಕುಡ ಜೀವ ಬತ್ತದ್ ಪುನರ್ಜನ್ಮ ತಿಕ್ಕಿಲೆಕ್ಕಗೆ. ದುಂಬು ಈ ಕ್ರಮಟ್ ಏತೋ ಜೋಕುಲು ಉಶಾರಾತಿನ ಉದಾರ್ಮೆಲುಂಡುಗೆ, ಇಂಚ ಎನ್ನ ಅಪ್ಪೆನ ಕೈಟ್ ಜಿಂಜ ಜೋಕುಲು ಬದ್‌ದೆ‌ಂದ್ ಕಾರ್ಕಳ ತಾಲೂಕುದ ಕನಂಜಾ‌ ಗ್ರಾಮೊದ ನಕ್ಕು‌ ಪೊಂಜೋವ್ ಪಂತೆರ್. ಈ ಕ್ರಮನ್ ಬಾಲೆಗ್ ಶನಿಗೆರಚಾರ ಉಪ್ಪುನಗಲ ನಮ ಬಾಲೆನ್ ಪೊಸ ತಟ್ಟೆಡ್ ದಾನ ದೆತೊನ್ನ , ಇಂಚನೆ ಅಮಾಸೆ ಬದೆದಾನಿ ಬಾಲೆ ಪುಟ್ಟುಂಡ ದೆತ್ತಿನಾಕು 99