ಪುಟ:ತುಳು ಜನಪದ ಸಂಸ್ಕೃತಿಡ್ ಪುರುಬಾಲೆ.pdf/೧೦

ತುಳು ಜಾನಪದ ಸಂಸ್ಕೃತಿಡ್ ಪುರುಬಾಲೆ 1. ಸುಗಿತೋ ಸಮಾಜೊಡು ಪ್ರತಿಯೊಂಜಿ ಜನಾಂಗೊಗ್ಲಾ ಐತನೇ ಆತಿನ ವಿಶಿಷ್ಟ ಸಂಸ್ಕೃತಿ ಉಪ್ಪುಂಡು, ಸಂಸ್ಕೃತಿದ ಉದಿಪನ ಏಪ ಆಂಡ್? ಎಂಚ ಆಂಡ್? ಈ ಪ್ರಶ್ನೆಲೆಗ್ ಉತ್ತರ ದಾದಪಂಡ ಏಪ ನರಮಾನಿನ ಸೃಷ್ಟಿ ಆಂಡಾ ಆನಿದಿಂಚನೇ ಸಂಸ್ಕೃತಿದ ಉದಿಪನ ಆಂಡ್‌ಂದ್‌ ಪನೊಲಿ. ಒಂಜಿಮೇಲೆ ಜನಮಾನಿನ ಬದ್‌ಡ್ ಸಂಸ್ಕೃತಿ ಪುನ ಕಟ್ಟಪಾಡ್ ದಾಂತೆ ಇತ್ತದುಂಡ, ಆಕುಲು ಕಾಡ್‌ ಕ್ರೂರ ಮುರ್ಗತಲೆಕ್ಕ ಬಮ್ಮೊಂದಿತ್ತದ್ದೆ‌. ಈ ಸತ್ಯಗಾದ್ರ ಸಂಸ್ಕೃತಿದಾಂತಿನ ಜನಮಾನಿನ ಬದ್‌ನ್ ಶೂನ್ಯಂದ್ ಪನ್ಸೆರ್. ನಮ್ಮ ಬದೈನ್ ಸೊಲ್ಲುಕಂಟ್‌ಡ್ ತಿಲ್ಡ್ ಎಡ್ಡೆ ಮಾರ್ಗನ್ ಕನಪನ ನೀತಿದ ಪಾಠನೇ ಸಂಸ್ಕೃತಿ. ಉಂದೆನ್ ಇಂಚನೇಂದ್ ಸರುತವಾಯಿನ ಗೀಟ್ ಪಾಡ್ಜ್ ಲಪ್ಪರೆಗ್ ಸಾಧ್ಯ ಇಜ್ಜಿ. ದಾಯೆಪಂಡ ಜನಮಾನಿ ಪುಲ್ಯಕಾಂಡೆ ಲಕ್ಕದ್ ರಾತ್ರೆ ನಿದ್ರೆ ಮಲ್ಲುನ ಮುಟ್ಟ ಆಕುಲು ಮಲ್ಲುನಂಚಿನ ಬೇಲೆದ ವಿಧಿ-ವಿಧಾನದ ಸಂಸ್ಕಾರನ್ ಸಂಸ್ಕೃತಿಂದ್ ಪನೊಲಿ. ನನೊಂಜಿ ಮರ್ಗಿಲ್‌ಡ್ ಪನ್ಸುನಾಂಡ ಜನಮಾನಿ ಪುಟ್ಟುದ್ .. ಲೈನ ಮುಟ್ಟ ಮಲ್ಪುನಂಚಿನ ಕರಲೆನ ಪೆಲೇ ಸಂಸ್ಕೃತಿ. ಒಂಜಿ ರೀತಿಡ್ ಸಂಸ್ಕೃತಿ ಪಂಡ ಜನಮಾನಿನ ಬದ್‌ಗ್ ಪಾಡ್ಡಿನ ಗಟ್ಟಿದ ಒಕ್ಕನೂಲ್ ಅತ್ತಡ ತಡಮೆಂದ್ ಪನೋಲಿ, ಸಂಸ್ಕೃತಿ ಪುನವು .. ಎಪಲ ಪಲ್ಲಡ್ ಉಂತುದಿನ ಕೆರೆಂಚಿ ನೀರತ್ತೆ, ಜನಮಾನಿಡ್ಜ್ -ಜನಮಾನಿಗ್, ಕಾಲೊಡ್ - ಕಾಲೊಗ್ ಆಯಾ ಸಂದರ್ಭರ್ ಏಪಲ ಪರಪುನಂಚಿನ ಸುದೆತ ನೀರ್‌ದ ಲೆಕ್ಕ. ಅಂಚಾದ್ ಸಂಸ್ಕೃತಿನ್ ಭೂತಕಾಲೊದ ಮೊದಿಕೆಂದ್ ಎನ್ನಂಡಲಾ.. ಅವು ನಮನ್ ವರ್ತಮಾನ ಕಾಲಡ್ ಆಲಿಪುನವು ಸತ್ಯ. ದಾಯೆಪಂಡ ಸಂಸ್ಕೃತಿ ಪನ್ನುನವು.. ಸಾಮಾಜಿಕ, ರಾಜಕೀಯ, ಪ್ರಾದೇಶಿಕ, ಆರ್ಥಿಕ, ಚಾರಿತ್ರಿಕವಾದ್ ಬದಲಾವಣೆ ಆನಗ ... ಆ ಪ್ರದೇಶದ ಮೂಲ ಬೇರ್‌ಗ್ ಪೆಟ್ಸ್‌ ರ್ ಐತ ಗುರದಾಂತಿಲೆಕ್ಕ ಸಂಪೂರ್ಣ ಅರಿದ್ ಪೋಪುಂಡು. ಕೆಲಸರಿ ಸಮ್ಮಿಶ್ರ ಸಂಸ್ಕೃತಿ ಅಲ್ಪ ತೆಗಲ್‌ದಿಪ್ಪುಂಡು. ಮೂಲದ ಅರ್ಥ.. ಅರಿದ್ ಅನರ್ಥರ್ ಸಾದಿ ಮಲ್ತ್ ಕೊರುಂಡು. ಅಂಚಾದ್ ಜನಮಾನಿನ ಗುನತ ಮರ್ಜಿದ ಅಂಶನ್ ಪಡೆಯೊಂದಿನ ಸಂಸ್ಕೃತಿನ್ ಒಂಜೇ ದೃಷ್ಟಿಡ್ ಲ ವಿವರನೆ ಕೊರೆಗಾಪುಜ್ಜಿ. ಲೋಕೊದ ಜಾತಿ-ಧರ್ಮ, ನಂಬಿಕೆ, ದೇವರ್, ಭಾಷೆ, ಆಚಾರ ವಿಚಾರ, ಜ್ಞಾನ, ಅನುಭವ, ಉನಸು, ಸಂಪ್ರದಾಯ, ಕಲೆ-ಇಂಚಿನ ನಡಾವಲಿದ ಒಟ್ಟು ಮೊತ್ತವಾಯಿನ 9 -