ದೇಸೊಡು, ಜಾತಿಡ್ ಮೇಲ್, ನೀತಿಡ್ ಮಲ್ಲೇ, ಸತ್ತೊಡು ಮಿಗಿಲಾದ್, ಊರುಗು ಅರಸಾದ್ ಇತ್ತೆನಾ ಭೂಮಿ ಪುತ್ರ ಬಲಿಯೇಂದ್ರೆ, 2. ಬಲಿಯೇಂದ್ರನ ದುಸ್ತು ಪದ್ದೆಯಿ : www ಭೂಮಿಪುತ್ರ ಬಲಿಯೇಂದ್ರ ಭೂಮಧ್ಯ ದೇಸೊಡು, ನಾಮಂದ ತುದೆ ಸಾಲ್‌ಡ್, ಪುಣ್ಯ ಜಾಗೆಡ್, ಕರೊಗು ಓಮ, ಧರೊಗು ನೇಮ ಮಾವೊಡಿಂದಗೇ, ನೇರನ ಕಾಂಡೆ ಲಕ್ಕಿಯೆಗೆ, ಸುದ್ಯೋಗು ಜಲಕಾವೊಡಿಂದೆಗೇ, ಸಾರ ಕಂದೆಲ್ ಬೆಂದ್, ಸಾರ ಕಂದೆಲ್ ಚಂಡಿ ತರೆಕ್ ಮೆಯಿಕ್ ಮಯಿಪಾಯೆಗೇ, ಸಿರಿಮುಡಿ ಗಟ್ಟಿಯರ ಕಾವೂರ ಕರಿಯ ಪಟ್ಟೆ, ಬೋಳೂರ ಬೊಲಿಯ ಪಟ್ಟೆ, ಮಣೇಲ ಮಂಜಲ್ ಪಟ್ಟೆ, ಇಷ್ಟೇಲ ಪಚ್ಚೆ ಪಟ್ಟೆ, ಕಾಸಿ ಕಂಬಾಯಿ, ಈರ ಮದರ ಪಟ್ಟೆ, ಪರೇಸಿ ಪಟ್ಟೆ, ಕಣ್ಣ ನೀರ್‌ಡ್ ನೆನೆಪಿ ಕಾಂಚಿ ಪಟ್ಟೆ, ಉಗುರುದಿಡೆಟ್ ದಂಗು ಮದವೂರ ಪಟ್ಟಿ ತ‌ಾಯರ್‌ಗೇ ಯೇಲ್ ಪೆಟ್ಟಿಗೆದ ಪಟ್ಟೆ ಕುಂಟುಲೆನ್ ಕೊಂಡತ್ತೆರ್‌ಗೇ, ಭೂಮಿಪುತ್ರ ಬಲಿಯೇಂದ್ರೆ ಬಗ್ಲಿಗ್ ಬುಗುತಿ ಪೂಜಿದ್ ಪೊರುಗು ಗಂದ ಅಂದೊಗು ಚಂದನ ಪೂಜೆಂಡೆಗೇ ಎದೆಕ್ ಪದಕ, ಕೆಕ್ಕಿಲ್‌ಗ್ ಚಕ್ರಸರ, ಪೊರುಗು ನೆಲ್ಲಿ ಮಾಲೆ, ಗೆಲವುಗು ಗೆಲವಂದ ಮಾಲೆ ಏರಾವೊಂಡೆಗೇ ನಡುಕು ಒಡ್ಯಾಣ, ಕಯಿಟ್ ದಂಡೆ, ಬಳೆ, ಸರಪೊಳಿ, ಸರಿಯ ದೀವೊಂಡೆಗೇ, ಕೆಬಿಕ್ ಮುತ್ತು ಮಾಣಿಕದ ಚೌಕುಳಿ ಬಾವೊಲಿ, ಬಿರೆಲ್‌ಗ್ ಸುರಿಯ ಮುತ್ತು ಮುದುರೆದ ಉಂಗಿಲೊ ಗತೊಂಡೆಗೇ, ಬಂಟಕತ್ತಿ ಬಿರುಪಗರಿ ಕೈಟ್ ಪತ್ತೊಂಡೆಗೇ, ಬಂಗಾರ್ ಸಿಂಗಾರ ಆದ್ ಓಲಗದ ಚಾವಡಿಡ್ ಗದ್ದಿಗೆಡ್ ಕುಲ್ಲುದು ಬುದ್ಯಂತ ಪೆರದಾನಿಗ್ ಮಾನಿ ಬುಡುದು ತರ್ಪಾಯಗ 3. ವಾಮನನ ಅಬತಾರ ಹೊ! ಜಂಬೂ ಉಡೇಂಡ್‌, ನೀರ್ ನಿಡ್‌ಗೆ, ಪೇರ್ ಪರ್‌ಂಡ್‌, ಕೆಸ ಕೆ‌ಂಡ್‌, ಬೂಮಿ ಬುಲೆಂಡ್‌, ಆವಾ ಸಮಯೊಡು ಕರಿಮಿನಾ ಸಾಲೆಡ್, ಪೂವಿನಾ ಬಿತ್ತಲ್‌ಡ್, ಮುತ್ತು ತಾಮರದಾ ಕೆರೆಟ್, ಪಾಲಿ ಕುಲೊಟು, ಬೊಲಿಯ ತಾಮರದ ಪೂಟು, ಆಜಿ ಎಸಲ್‌ಡ್, ಮೂಜಿ ಕುಸುಮೊಡು, ಉದಿಯಕೊಂದು ಜನ್ಮಯರ್‌ಗೇ ಇಂದ್‌ದ್ ಪನ್ನಗಾ ಉದಿಯಕೊಂದು ಬಂದರಪ್ಪಾ ಅಂಗಯಿಡ್ ಆಜಿ ಅಚ್ಚರ ಮುಂಗಯಿಡ್ ಮೂಜಿ 29
ಪುಟ:ತುಳುವಾಲೆ ಎನ್.ಎ. ಶೀನಪ್ಪ ಹೆಗ್ಗಡ್ರ್ ಪೊಳಲಿ.pdf/೩೩
ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
