ಪುಟ:ತುಳುವಾಲೆ ಎನ್.ಎ. ಶೀನಪ್ಪ ಹೆಗ್ಗಡ್ರ್ ಪೊಳಲಿ.pdf/೩೨

ಅನುಬಂಧ ೨ I. ತುಳುವಾಲ ಬಲಿಯೇಂದ್ರ ಹೆಗ್ಗಡ್ ಬರೆತಿನ ಬೂಕುಲೆಡ್ ಇತ್ತೆಲಾ ತಿಕ್ಕುನವು ತುಳು ಬಲಿಯೇಂದ್ರೆ ಪ ಖಂಡ ಕಾವ್ಯ ಬೊಕ್ಕ ಮಿತ್ಯ ನಾರಾಯಣ ಕತೆ ಪಿ ಕಾದಂಬರಿ. ಬಲಿಯೇಂದ್ರ ಪಾಡ್ಡನೊಲೆದ ದಾಟಿಡ್ ಬರೆತಿನ ಕಾವ್ಯ. ಮುದ್ದಣೆ ರಾಮಾಶ್ವಮೇಧ ಕಾವೊನು ತಾನೇ ಬರೆದ್‌ ಬೇತೆಕುಲು ಬರೆತಿನಿಂದ್ ಪಂಡೆ. ಅಂಚನೇ, ತಾನೇ ಬರೆಂಡಲಾ ಅವು ಸಂಗ್ರಹ ಮಲ್ಲಿನ ಬೂಕುಂದು ಹೆಗ್ಗಡ್ ಪಂಡೆರ್, ಆಂಡ ಸೂಕ್ಷ್ಮವಾದ್ ಪರೀಕ್ಷೆ ಮಂಡ ಆರನೇ ಸ್ವಂತರಚನೆಂದ್ ತೆರಿಯುಂಡುಂದು ತುಳು ಮಹಾಕವಿ ಮಂದಾರ ಕೇಶವ ಬಟ್ ಅಬಿಪ್ರಾಯ ಪಟ್ಕರ್. ವಾಮನಾವತಾರದ ಕತೆನ್ ಆಧಾರ ಪತೊಂದು ಬರೆತಿನ ಈ ಖಂಡ ಕಾವೊಡು ಬನ್ನಿ ಬಲಿ ಚಕ್ರವರಿ ಸಜ್ಜನೆ. ಆಯನ ರಾಜ್ಯ ತುಳುನಾಡ್, ದೇವತೆಲು ಆಯನ ರಾಜೇನು ಹಾಟ್‌ಮಲ್ಪೆರೆ ಕಲಿನ್ ಕಡಪುಡುವೆರ್. ಆ ಕಲಿನ್ ಅಟ್ಟೆಮುಟ್ಟೆ ಕಟ್ಟಿ ಪಾಡುವ, ಬೊಕ್ಕ ನಾಲ್ಕಯಿತ ನಾರಾಯಣ ದೇವ‌ ವಾಮನ ಮಾಣಿಯಾದ್ ಬತ್ತ್ದ್ ಮೂಜಿ ಹೆಜ್ಜೆ ಜಾಗ್ ನಟ್ಟುವೆ. ಒಂಜೆ ಭೂಮಿ, ನನೊಂಜೆಟ್ಸ್ ಬಾನ ಲತ್ತ್ ಮೂಜನೇ ಕಾರ್‌ನ್ ಬಲಿನ ತರೆತ ಮಿತ್ತ್ ದೀಪ. ಯೀ ಬೂಕುನು ಓದಿಯೆರೆ ಸುರುಮಲ್ತ್‌ಂಡ ಈತ್ ಬೇಗ ಮುಗಿಂಡತ್ತಾ ಪಂಡ್‌ದ್ ಬೇಜಾರಾ ಪುಂಡುಂದು ಆಕಾಲದ ವಿದ್ಯಾಧಿಕಾರಿ ಬೊಕ್ಕ ಮಲ್ಲ ವಿದ್ವಾಂಸೆ ದಿ ತಾತಾಚಾರ್ ಪಣಿನೆಟ್ನ ದಾಲಾ ಅತಿ ಶಯೋಕ್ತಿ ಇಜ್ಜಿ. ತುಳುವಾಲ ಬಲಿಯೇಂದ್ರ ಕತೆನ್ ಮೂಲ ದೆತೊಟ್ಟು ಯಕ್ಷಗಾನ ಪ್ರಸಂಗ, ನಾಟಕ, ನೃತ್ಯ ನಾಟಕೊನು ತೆರಿದಿನಾಕುಲು ರಚನೆ ಮಲ್ತ್‌ದೆರ್, ಈ ಕಾವೊದ ಕನ್ನಡ ಅನುವಾದೊನು ಈ ಲೇಖಕ ಮಲ್ಲೊ ಅವು ಹೆಗ್ಗಡೆನ ಶತಾಬ್ದ ಉಚ್ಚಯದಪಗ ಬೊಲ್ಪುಗು ಬತ್ತ್ಂಡ್. ನೆಟ್ ಬರಿ ಬೇತೆ ಬೇತೆ ವರ್ಣನೆಲು ಓದುನಕ್‌ಲೆನ್ ಮರ್ ಕಟ್ಟಾವುಂಡು, ತುಳುವಾಲ ಬಲಿಯೇಂದ್ರದ ರೀತಿ ಎಂಚ ಉಂಡುಂದು ತೆರಿಪಾಯರೆಗಾಸ್ಕ್‌ನಾಲ್ ಪದೊನ್ ಪಜಿದ್ ಕೊಟ್ರೆ, ಇಡೀ ಕಾವೊನು ಓದುಂಡ ತಮ್ಮನದ ಒಣಸ್ ಉಂಡಿಲೆಕ ಒಣಸ್‌ ಕಮ್ಮನ ಉಂಡುದಾದ್ ಯೇತೋ ಪೊರು ಮುಟ್ಟ ಒರಿಯುಂಡು. ಅಂಚನೇ ಉಂದೆನ್ ಓದಿನ ಸಂತೋಸು ಮನಸ್ಸಡ್ ಜಿಂಜ ದಿನ ತಮೆಲುಂಡು. 1. ಬಲಿಚಕ್ರವರಿನ ರಾಜ್ಯ: ಜಂಬೂದೀಪೊಡು, ಭಾರತ ದೇಶೂಡು, ನೀರ್ ಕಡಲ್, ಪೇರ್‌ಡಲ್, ಅತ್ಮೀ ಕಡಲ್, ಸುಲ್ಲಿ ಕಡಲ್, ನೆತ್ತೆರ್ ಕಡಲ್, ಮಂಜಿ ಕಡಲ್, ಕಡಲಾ ನಡುಟುಪ್ಪು 28