ಸಂಶೋಧನೆತ್ತ ಕಳೊಟ್ಟು ಸಾಹಿತ್ಯ ಸಾಧನೆ ಯೆಲ್ಯ ಪ್ರಾಯೊಡ್ಡ ತಮ್ಮಲೆ ಅಮ್ಮುಂಜ ಗುತ್ತುದ ಸಂಕು ಶೆನ ಒಟ್ಟಿಗೆ ಮದಿಮೆ ಮಸಿರಿಲೆಗ್ ಪೋದು ಅಲ್ಪ ನಡಪುನ ರೀತಿ ರಿವಾಜಿನ್ ಮೇರ್ ಮನಸ್‌ರು ತೂವೊಂದಿತ್ತೆರ್. ಅವರ ಮಾತ ಕಡೆಟ್‌ಲಾ ಭೂತಾಳ ಪಾಂಡ್ಯನ ಪುದರ್ ಕೇನೊಂದಿತ್ತ್ಂಡ್, ತೆರಿನಡ ಕೇಂಡರ್, ಅಕುಲು ಬಾರ್ಕೂರು ತುಳುನಾಡ್‌ದ ರಾಜಧಾನಿ, ಭೂತಾಳ ಪಾಂಡ್ಯಲಾ ಅವುಲೇ ಯಿತ್ತಿನಾಯೆಂದ್ ತೆರಿಪಾಯರ್, ಸರಿ, ಬಾರ್ಕೂರುಗು ಪೋಯರ್, ಒರಿಯಡ ಪಾತರ್‌ಂಡ ಆಯತನ್ ತೆರಿನಾನ್ ಪಂಡೆ. ನನೊರಿಯನ ಪುದರ್ ಪಂಡ, ಮೇರ್ ಅಡೆಗ್ ಪೋಯರ್ ಅಲ್ ಕುಡೊರಿಯನಡೆಗ್ ಒಂಜಿ ಊರುಡ್ಡು ಕುಡೊಂಜಿ ಊರುಗು, ಅಲ್ ನನೊಂಜಿ ಊರುಗು ಇಂಚ ಸಂಚಾರ ಸುರುವಾಂಡ್, ಪುಗೆಲ್‌ಗ್ ಪಾಡಿ ಚೀರವುಡು ದಿಂಜಾದಿ ಕಾಕಜಿಲೆಡ್ ಒಟ್ಟುಮ ಬರೆದ್ ದೀಯಿ ಸಂಗ್ರಹೋದ ದುನ್ನ ಎಚ್ಯಾವೊಂದು ಪೊಂಡು, ತನ್ನ ಇರುವ ಐನನೇ ಒರೊದ ಪಿರಯೊಡು ಆರ್ ಒಟ್ಟು ಮಲ್‌ದಿನ ಮಾಹಿತಿಲೆನ್ ಒಂಜಿ ಬೂಕುದ ರೂಪುಡು ಬರೆಯರ್, ಗುರು ಬಡಕಬಯಿಲ್‌ದಾಗ್ ತೋಜಾಯ. ಆರ್ ಅವೆನ್‌ದ್ ದ್ ಒಪ್ಪ ಮಲ್ತ್ ಕೊರಿಯರ್. 'ದ. ಕ. ಜಿಲ್ಲೆಯ ಚರಿತ್ರೆ ಮತ್ತು ಭೂತಾಳ ಪಾಂಡ್ಯ ರಾಮನ ಅಳಿಯಕಟ್ಟು ೧೯೧೫ ಇಸವಿಡ್ ಬೊಲ್ಪುಗು ಬಡ್, ಈ ಬೂಕು ಛಾಪೆ ಆವೊಡಾಂಡ ಅಯಿಕ್ ಹೆಗ್ಗಡ್ ಬತ್ತಿ ಬದ್ದೋನು ಇತ್ತೆ ನೆನೆಪುನಗ ನಂಕ್ ಚೋಜಿಗ ಆಪುಂಡು, ಕಾಂಡ ಲಕ್‌ದ್ ಪುರಾಲ್‌ಡ್ ಗುರುಪುರ ಮುಟ್ಟ ಮೂಜಿ ಮೈಲ್ ನಡಪು, ಅಲ್‌ಡ್ ಒಂಜಿ ಸೈಕಲ್‌ನ್ ಕುಡಲಮುಟ್ಟ ತೊರಿಪು, ಬಯ್ಯದ್ ಅಂಚೆನೇ ಪಿರ, ಐನ್ ನಿಮಿಸೊಗೊಂಜಿ ಬಸ್‌ ಉಪ್ಪುನ ಇನಿತ ಸ್ಥಿತಿ ಎಂಚಿನ ? ಆನಿದ ಆ ದಿನೊಕ್ಕುಲೆಡ ಇಂಚಿನ ಪುಣಪಾಟ ಮಲ್ಲಿನ ಹೆಗ್ಗಡ್ರೆನ್ ಜನೊಕ್ಕು ವಿಚಿತ್ತೊಡು ತೂಯರ್, ಆ ಬೂಕುಷ್ಪಾತ್ರ ಹೆಗ್ಗಡೆನ ಪುದರ್ ತುಳುನಾಡ್‌ದ ಕೊಡಿಮುದಲ್‌ಡ್ ಮಾತೆರೆಗ್‌ಲ ತೆರಿಂಜ್. ಅರೆಗ್‌ ಅ‌ಲ್ಲಿ ಕೆಲಸ ಏತ್‌ಮಲ್ಲ ಪಂಡ್‌ದ್ ಗೊತ್ತು ಇಜ್ಜಂದ ಉಪ್ಪರೆಯಾರು! ಆಂಡ, ಇತ್ತ ತೆರಿದಿ ವಿದ್ವಾಂಸರ ಕುಲು ಆರ ಬೇಲೆದ ಮಹತ್ತೂನು ಬುಡು ಉಡಲ್‌ಡ್ ಪುಗರೊಂದುಲ್ಲೆರ್. ಆರೋ ಏಕಾಂಗ ಸಾಹಸೊಡ್ತಾತ್ರ ಆರ್ ನಮ್ಮ ದೇಶೂಡೇ ಒಂಜಿ ಜಿಲ್ಲೆದ ಚರಿತ್ರೆನ್ ಬರೆಯಿನ ಸುರುತ್ತ ದೇಶೀಯ ಸಂಶೋಧಕ ಪಳ್ ಪುದರ್ ಪಡೆಯರ್, ಮೇರ ಬೂಕು ಅಚ್ಚಾಯಿಬೊಕ್ಕ ಏತೋ ಜನ ವಿದ್ವಾಂಸೆರ್ ಕಣ್ ಬುಲಾದ್ ಜಿಲ್ಲೆದ ಚರಿತ್ರೆ -ಸಂಶೋಧನೆಗ್ ಜತ್ತೆರ್, ಆ ಬೂಕುಡು ಆರ್ ನಾಡ್‌ತ್‌ದ್ ತೆರಿಪಾಯಿ ಸಂಗತಿಲು ಇನಿಲಾ ಸಂಶೋಧನೆ ಮಲ್ಪುನಕ್‌ಲೆಗ್ ಬಾರಿ ಪ್ರೇಜನೊಗು ಬೂರುಂಡುಂದು ವಿದ್ವಾಂಸ ಪುಗರ್‌ದ. 14
ಪುಟ:ತುಳುವಾಲೆ ಎನ್.ಎ. ಶೀನಪ್ಪ ಹೆಗ್ಗಡ್ರ್ ಪೊಳಲಿ.pdf/೧೮
ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
