1917ಡ್ ಕುಡ್ಲ ಬತ್ತಿ ಸತ್ಯಮೂರ್ತಿ ಬೊಕ್ಕ ಅನ್ನಿ ಬೆಸೆಂಟ್ ಮೊಗುಲು ಹೋಂ
ರೂಲ್ ಚಳವಳಿದ ಬಗ್ಗೆ ಜನೊಕ್ಲಗ್‌ ತೆರಿಪಾಯೆರ್. ಮೊಗಲ್ನ ಬಾಷಣೊಲೆ ಪ್ರಭಾವ
ಮಳ್ತಗಲೆಡ್ ಆಯಿಜಿಡಲಾ ಅವ್ವೇ ಸಮಯಯೊಡು ಸದಾಶಿವರಾಯರ್, ಕುದ್ಮುಲ್ ರಂಗರಾಯೆರ್ ಇಂಚಿತ್ತಿನಗಲ್ನ ನಾಯಕತ್ವೊಡು ಹೋಂ ರೂಲ್ ಚಳವಳಿ ಜಿಲ್ಲೆಡ್ ಸುರು ಅಂಡ್. 1920 ಅಗಸ್ಟ್ ತಿಂಗೊಲ್‌ಡ್ ಕುಡ್ಲಗ್ ಬತ್ತಿ ಗಾಂದೀಜಿ ಬಹಿರಂಗ ಸಭೆಟ್ ಅಸಹಕಾರ ಚಳವಳಿದ ಬಗ್ಗೆ ಪಾತೆರಿಯೆರ್. ಆನಿ ಭಾಷಣ ಕೇನಿಯರೆ ಬತ್ತಿತ್ತಿ ಮೊಂಜೋವುಲು ತನ್ಕುಲೆಡ ಇತ್ತಿ ಪದ್ದೆಯಿ ಬಂಗಾರ್‌ಳನ್ ದೆತ್ತ್ದ್ ಗಾಂದಿಜಿಡ ಕೊರುದು ರಾಷ್ಟ್ರೀಯ ನಿದಿತ್ತ ಕರ್ಚಿಗ್ ಅವೆನ್ ಉಪಯೋಗ ಮಲ್ತೊನ್ರೆ ಪಂಡರ್‌ಗೆ.
1921 ಡ್ ಉಡುಪಿಡ್ ಕಾಂಗ್ರೆಸ್ ಸಮಿತಿ ಒಂಜಿ ಅಂಡ್.ಉಂದುವೇ ಸಮಯೊಡು ಕಾರ್ನಾಡ್ ಸದಾಶಿವರಾಯೆರ್, ಕೋಟ ರಾಮಕೃಷ್ಣ ಕಾರಂತೆರ್, ಕಾಸರಗೋಡುದ ಶೆಡ್ಡೆ ಲಕ್ಷ್ಮಣ ರಾವ್, ಕಾರ್ಲದ ಪದ್ಮನಾಭ ಕಾಮತ್, ಉಡುಪಿದ ಕುಬೇರ ಪಾಂಡುರಂಗ ರಾವ್, ಕುಂದಾಪುರದ ಮಹಾಬಲ ಹೊಳ್ಳ ಇಂಚಿತ್ತಿನಕುಲು ತನ್ಕುಳೆ ವಕೀಲಿ ವೃತ್ತಿನ್ ಬುಡ್ಡು ಚಳವಳಿಗ್ ಜತ್ತೆರ್. ಸತ್ಯ ಮಿತ್ರ ಬಂಗೆರುಲಾ ಉಂದುವೆ ಸಮಯೊಡು ಮಾಸ್ತ್ರು ಬೇಲೆಗ್ ರಾಜಿ ಕೊರ್ದು ಚಳವಳಿಗೆ ಜತ್ತೆರ್. ಅಪಗ ಆರ್ ಮಿಶನ್ ಸಂಸ್ಥೆ ನಡಪಾವೊಂದಿತ್ತಿ ಶಾಲೆಡ್ ಮಾಸ್ಟು ಅದಿತ್ತೆರ್. ಕೆನರಾ ಹೈಸ್ಕೂಲ್‌ ಮಾಸ್ಟು ಅರೆಬೈಲು ಬೋಜರಾಯೆ ರಾಜಿನಾಮೆ ಕೊರಿನದಗ ಅರೆನೊಟ್ಟುಗು 15 ಜನ ಶಾಲೆ ಕಲ್ಲು ಜೋಕುಲುಲಾ ಅರೆ ಬೆರಿಯೆ ಬತ್ತೆರ್‌ಗೆ ಉಡುಪಿದ ವಿ.ವಿ. ಬಾಳೀಗ, ಹಿರಿಯಡ್ಕ ರಾಮರಾಯ ಮಲ್ತೆರ್, ಶಾಲೆ ಬುಡಿಯೆರ್. 1930 ಎಪ್ರಿಲ್‌ಡ್ ಕುಡ್ಲಡ್ ಉಪ್ಪುದ ಸತ್ಯಾಗ್ರಹ ನಡತ್‌ಂಡ್. ಅಪಗ ಉಮೇಶರಾವ್, ಅರ್. ಕೆ. ಪ್ರಭು, ಶೇಕ್ ಉಸ್ತುಪ್, ಮೊಕಲ್ಪ ಬಂಧನ ಆಂಡ್. ಅವೇ ಸಮಯೊಡು ಮಲ್ಪೆ, ಪಡುಬಿದ್ರಿ, ಕುಂದಾಪುರ, ಕಾಪು, ಕುಂಬಳೆ, ಕಾಸರಗೊಡು, ಮಂಜೇಶ್ವರ, ಸುರತ್ಕಲ್, ಕಟಪಾಡಿ ಇಂಚಿತ್ತಿ ಕಡೆಟ್ಸ್ ಉಪ್ಪುದ ಸತ್ಯಾಗ್ರಹ ನಡತ್‌ಂಡ್. ಮುಲ್ಪ ಕೃಷ್ಣ ರಾವ್ ಕೊಡ್ಡಿ, ಅಣ್ಣಪ್ಪ ಕಾರಂತ, ಯಸ್‌. ಯು. ಪಣಿಯಾಡಿ, ರಾಮರಾಯ ಮಲ್ಯ, ಕಾರ್ನಾಡ್ ಸದಾಶಿವರಾಯೆರ್ ಇಂಚಿತ್ತಿನಕುಲು ಬಂದನ ಆಯೆರ್. ಅಪಗ ಜಿಲ್ಲೆದ ಸುಮಾರ್ 159 ಜನ ಬಂದನ ಆದಿತ್ತೆರ್, ಜಿಲ್ಲೆದ ಸ್ವಾತಂತ್ರ್ಯ ಚಳವಳಿಡ್ ಪೊಳಲಿ ಶೀನಪ್ಪ ಹೆಗ್ಗಡೆ, ಷರ್ಡಪ್ಪ ಕಾಮತ್, ಕೆ. ಆರ್. ಕಾರಂತ, ವೆಂಕಟರಾಯ ಬಾಳಿಗ, ಯು. ಎಸ್. ಮಲ್ಯ, ಎಸ್. ಎನ್. ಹೊಳ್ಳ, ಎನ್. ಎಸ್. ಕಿಲ್ಲೆ, ಎ. ಬಿ. ಶೆಟ್ಟಿ, ಕೆ. ಕೆ. ಶೆಟ್ಟಿ, ಕಯ್ಯಾರ ಕಿಞಣ್ಣ ರೈ, ಅಮ್ಮೆಂಬಳ ಬಾಳಪ್ಪ, ಯಡ್ತರೆ ಸುಬ್ಬಣ್ಣ ಶೆಟ್ಟಿ
124
ತುಳುನಾಡಿನಲ್ಲಿ ಬಾಸೆಲ್ ಮಿಶನ್ ಮತ್ತಿತರ ಲೇಖನಗಳು...
