ಅಕ್ಕೆನ ಪುಚ್ಚೆ
അക്കെന പുച്ചെ
ಎಚ್.ಎಸ್. ಬೊಳ್ಮಾಡಿ
എച് .എസ് .ബൊള്മാഡി
ಪುಚ್ಚೆ ಪುಚ್ಚೆ ಓ ಪುಚ್ಚೆ ಇಡೆಗೊರ ಬಲಗೆ ಓ ಪುಚ್ಚೆ ದಾಯೆಗ್ ಬರೊಡು ಓ ಅಕ್ಕೆ ? ದೆಂಗೊಡು ಜೈದೆ ತೂಲೆಕ್ಕೆ
പുച്ചെ പുച്ചെ ഓ പുച്ചെ ഇഡെഗൊര ബലഗെ ഓ പുച്ചെ ദായെഗ് ബരൊഡു ഓ അക്കെ ? ദെംഗൊഡു ജൈദെ തൂലെക്കെ
ಅಟ್ಟೊಡು ಎಲಿ ಉಂಡು ಓ ಪುಚ್ಚೆ ಪತ್ತ್‌ಲಾ ಅವೆನ್ ಪೋ ಪುಚ್ಚೆ ಅಟ್ಟೊ ಎತ್ತರ ಓ ಅಕ್ಕೆ ಬರ್ತುನಿ ಎಂಚ ಪನ್ಲೆಕ್ಕೆ
അട്ടൊഡു എലി ഉംഡു ഓ പുച്ചെ പത്ത്ലാ അവെന് പോ പുച്ചെ അട്ടൊ എത്തര ഓ അക്കെ ബര്തുനി എംച പന്ലെക്കെ
ಲೆಂಚಿ ಉಂಡು ಓ ಪುಚ್ಚೆ, ಅಂಚೆನೆ ಬರ್ತ್‌ಲ ಈ ಪುಚ್ಚೆ ಲೆಂಚಿಡ್ ತಿರ್ಬೆ ಓ ಅಕ್ಕೆ, ಕಂತ್ಂಡ ಒಟ್ಟೆ ಕಾರಕ್ಕೆ
ലെംചി ഉംഡു ഓ പുച്ചെ, അംചെനെ ബര്ത്ല ഈ പുച്ചെ ലെംചിഡ് തിര്ബെ ഓ അക്കെ, കംത്ംഡ ഒട്ടെ കാരക്കെ
ಬರ್ತುನ ಬೊರ್ಚಿ ಓ ಪುಚ್ಚೆ ದೆರ್ತ್‌ದ್ ಕುಲ್ಲವೆ ಪೋ ಪುಚ್ಚೆ ಅಟ್ಟೊಡು ಕತ್ತಲೆ ಓ ಅಕ್ಕೆ ಪತ್ತುನಿ ಎಂಚ ಎಲಿನಕ್ಕೆ
ബര്തുന ബൊര്ചി ഓ പുച്ചെ ദെര്ത്ദ് കുല്ലവേ പോ പുച്ചെ അട്ടൊഡു കത്തലെ ഓ അക്കെ പത്തുനി എംച എലിനക്കെ
ಆಂಡ್ ಬೊರ್ಚಿ ಓ ಪುಚ್ಚೆ ಪೇರ್ ಪರ್ಪನಾ ಬಲ ಪುಚ್ಚೆ ಬೊರ್ಚಿ ಪನುವೆನಾ ಓ ಅಕ್ಕೆ ಬೇಗ ಕೊರ್ಲೆ ಈರಕ್ಕೆ
ആംഡ് ബൊര്ചി ഓ പുച്ചെ പേര് പര്പനാ ബല പുച്ചെ ബൊര്ചി പനുവെനാ ഓ അക്കെ ബേഗ കൊര്ലെ ഈരക്കെ
ಒಯಿಟ್ ಕೊರೊಡು ಓ ಪುಚ್ಚೆ ಗಿನ್ನಲ್‌ಡಾವಾ ಪನ್ ಪುಚ್ಚೆ ಬಟ್ಟಲ್‌ಡ್ ಕೊರ್ಲೆ ಓ ಅಕ್ಕೆ ಗಿನ್ನಲ್‌ಡ್ ಮೈತ್ಂಡ ತಮೆಲಕ್ಕೆ
ഒയിട് കൊരൊഡു ഓ പുച്ചെ ഗിന്നല്ഡാവാ പന് പുച്ചെ ബട്ടല്ഡ് കൊര്ലെ ഓ അക്കെ ഗിന്നല്ഡ് മൈത്ംഡ തമെലക്കെ
ಬಟ್ಟಲ್‌ಡತ್ತ್ ಓ ಪುಚ್ಚೆ ಬಡುಟ್ಟು ಕೊರ್ಪೆ ಬಲ ಪುಚ್ಚೆ ಬಡುಟ್ಟು ಬುಡಡೆ ಓ ಅಕ್ಕೆ ಎಲಿನೊಂತೆ ಪತ್ತ್‌ದ್ ಬರ್ಪೆಕ್ಕೆ !
ബട്ടല്ഡത്ത് ഓ പുച്ചെ ബഡുട്ടു കൊര്പെ ബല പുച്ചെ ബഡുട്ടു ബുഡഡെ ഓ അക്കെ എലിനൊംതേ പത്ത്ദ് ബറപെക്കെ !
ಜೋಕುಲೆ ಉಜ್ಜಾಲ್
31
