ಪುಟ:ಜೋಕುಲೆ ಉಜ್ಜಾಲ್ - ಜೋಕುಲೆ ಪದಜೊಂಕುಲಿ.pdf/150

ತುಳುನು ಜೋಕೆ ಮದ್ದೊಡ್ಡೆ ಬುಳೆಪಾವುನ, ಆಧುನಿಕ ತಂತ್ರಜ್ಞಾನ ಬೊಕ್ಕ ಮಾಧ್ಯಮೊಲೆನ್ ಗಳಸೊಂದು ತುಳುನು ಪಸೆರುನ ಮಲ್ಲ ಬೇಲೆಗ್ ಕೈ ಪಾಡಿನ ಸತೀಶ್‌ ಅಡ್ವಲ ಬೊಕ್ಕ ಅರೆನ ತಂಡ, ಅಯಿಕ್ ತಾಂಗ್ ಕೊರಿನ ತುಳುವೆರೆ ಚಾವಡಿ ಬೆಂಗಳೂರು ಮೊಕ್ಕು ತುಳುಟು ಈ ಮಾದರಿಡ್ ತುಳು ಜೋಕ್ಲ ಪ್ರಾಸ ಪದ ಬೊಕ್ಕ ಜೋಕ್ಲ ಪದೊಕುಲೆನ ಬೂಕು ಪ್ರಕಟ ಮಲ್ಲೊಂದಿಪ್ಪುನವು ಬೊಕ್ಕ ಜೋಕ್ಲಡನೇ ಪನ್ಸಾದ್ ರೆಕಾಡಿರ್ಂಗ್ ಮಲ್ತ್‌ದ್ ಆಧುನಿಕ ಮಾಧ್ಯಮೊಲೆಡ್ ಅವು ಮಾತೆರೆಗ್ಲಾ ತಿಕ್ಕುನಂಚನೆ ಮಲ್ಪುನ ಈ ಯೋಚನೆ ಬೊಕ್ತ ಯೋಜನೆ ತುಳು ಸಾಹಿತ್ಯ ಚರಿತ್ರೆಡೇ ದಾಖಲಾದ್ ಉಂತುನ ಬಾರೀ ಮಲ್ಲ ಬೇಲೆ, ಅಗತ್ಯವಾದ್ ಆವೊಡಾದಿತ್ತಿನ ಬೇಲೆ. ಅಂಚಿನ ಬೇಲೆ ಈ "ಜೋಕ್ಲ ಉಜ್ಜಾಲ್ "ದ ಮುಕಾಂತ್ರ ಆತ್‌ಂಡ್ ಪನ್ನಿನವು ನಮ ತುಳುವೆರ್ ಪೂರೆಲ್ಲ ಅಭಿಮಾನ ಪಡೆವೊಡಾಯಿನ ಸಂಗತಿ. . “ಜೋಕ್ಲ ಉಜ್ಜಾಲ್ಡ್ ಬೇತೆ ಬೇತೆ ಕಬಿ-ಕಬಿಯತ್ರಿಯೆ‌ ಬರೆಯಿನ ನಾನಾ ನಮೂನೆದ ಪದ-ಪ್ರಾಸೋಲು-ಪದ್ಯೋಲು ಉಂಡು. ಉಂದು ಪೂರಾ ಜೋಕೆಗ್ಲಾ ಬಾಸೆನ್ ಮೋಕೆ ಮಲ್ಲೊಡಾಯಿನ, ಕಲ್ಲೊಡಾಯಿನ, ಉಮೇದ್ ಪುಟ್ಟಾವುನ ಮಾದರಿಡ್ ಬಾರೀ ಪೊಲ್ಲುಡು ಮೂಡ್ಡು ಬಯ್ಲೆಂಡ್. ಈ ಕೋಪೆನ್ ತುಳುತ್ತ ಪುದರ್ ಪೋಯಿ ಕುಕುಲು ಬೊಕ್ಕ ಇಂಚಿಪದ ಪೊಸಕಬಿಕ್ಲು ಸೇರೊಂದು ಕಟ್ಟನವು ವಿಸೇಸ, ತುಳು ಜೋಕೆ ಪದ್ಯೋಲೆಗ್ ಪೊಸ ಮಾದರಿಲೆನ್ ಕೊರ್ಪುನ, ಪೊಸ ಅಲಚನೆಲೆನ್ ಕೊರ್ಪುನ, ಪೊಸ ವಿಚಾರೊಲೆನ್ ದಿಂಜಾವುನ, ಪೊಸ ಪೊಸ ಮಾದರಿದ ರಚನೆಲು ಮೂಲು ಬಾರೀ ಸೋಕು-ದೇಕಿ-ವಜನಡ್ ಮೂಡ್ಡು ಬತ್ತ್ದ್ ತುಳುತ್ತ ಕಮ್ಮೆನೊನು ನಾಲೂರುಗು ಪಸೆರುನಂಚ ಉಂಡು, ತುಳುತ್ತ ಜೋಕ್ಲು "ಜೋಕೆ ಉಜ್ಜಾಲ್ಡ್ ಕುಲ್ಲುದು, ತೂಂಕೊಡು, ತುಳು ಪನ್ನಿನವು ತೂಂಕನದ ಉಜ್ಜಾಲಾವೊಡು ಪನ್ದಿನ ಆಶಯ ದಿಂಜಿ ಮುಲ್ಲದ ಜೋಕೆ ಪದ್ಯೋಲು ಮಾತಾ ಬಂಧುಲೆಗ್ಲಾ ಬಾಸೆದ ಬಗ್ಗೆ ಮೋಕೆ-ಜೋಕೆನ್ ಪುಟ್ಟಾವುಂಡು. ಉಂದೆಡ್ಡಾದ್ ತುಳುಕು - ತುಳು ಜನೊಲ್ಲೆಗ್ ಎಡ್ಡೆ ಆವಡ್. ರಘು ಇಡಿದು 2 ತುಳುವರ ತುಳುವೆರೆ ಚಾವಡಿ (ಲ) ಬೆಂಗಳೂರು ನಂ.761, 8ನೇ ಅಡ್ಡರಸ್ತೆ, 5ನೇ ಮುಖ್ಯರಸ್ತೆ, ಎಂ.ಸಿ. ಬಡಾವಣೆ ವಿಜಯನಗರ, ಬೆಂಗಳೂರು-560 040