ಪುಟ:ಜೋಕುಲೆ ಉಜ್ಜಾಲ್ - ಜೋಕುಲೆ ಪದಜೊಂಕುಲಿ.pdf/149

ಪದ್ಯೊಲು ಬಾರೀ ಮುಕ್ಯ ಆಪ. ಜೋಕ್ಲೆಗ್ ಪದ್ಯೋಲೆನ್ ಪಂಡ್‌ದ್ ಕೊರುಂಡ ಆ ಜೋಕ್ಲು ಪದ್ಯೋದ ಮುಕಾಂತ್ರ ಬಾಸೆನ್ ಆಯಿನಾತ್ ಬೇಗ ಗ್ರಹಿತೊನುವೆರ್. ನಲಿತೊಂದು- ತೆಲಿತೊಂದು, ಮೈ-ಕೈ ಬಗ್ಗಾವೊಂದು ಬಾಸೆನ್ ಕಲ್ಪುನ ಒಂಜಿ ಪಾಟೊ ಜೋಕ್ಲೆ ಪದ್ಯೊಲೆಡ್ ತಿಕ್ಕುಂಡ್. ಅಂಚನೆ ಜೋಕ್ಲೆ ಪದ್ಯೋಲೆಡಿಪ್ಟಿನ ನೀತಿ-ನಿಯತ್ತನ್ ಕಲ್ತ್‌ದ್ ಎಡ್ಡೆ ಗುಣನಡಕೆನ್ ರೂಢಿಸಾವೊನುನ ಪಾಟೊಲ ಜೋಕೆಗ್ ತಿಕ್ಕುಂಡು.
ಈ ನಿಲೆಟ್ ತುಳುನು ಜೋಕೆ ಮಟ್ಟೊಡ್ಡೆ ಬುಳಪಾವುನ, ಆಧುನಿಕ ತಂತ್ರಜ್ಞಾನ ಬೊಕ್ಕ ಮಾಧ್ಯಮೊಲೆನ್ ಗಳಸೊಂದು ತುಳುನು ಪಸೆರುನ ಮಲ್ಲ ಬೇಲೆಗ್ ಕೈ ಪಾಡಿನ ಸತೀಶ್ ಅಗ್ಗಲ ಬೊಕ್ಕ ಅರೆನ ತಂಡ, ಅಯಿಕ್ ತಾಂಗ್ ಕೊರಿನ ತುಳುವೆರೆ ಚಾವಡಿ ಬೆಂಗಳೂರು ಮೊಕ್ಕು ತುಳುಟು ಸುರುತ್ತಾದ್ ಈ ಮಾದರಿಡ್ ತುಳು ಜೋಕ್ಲ ಪ್ರಾಸ ಪದ ಬೊಕ್ಕ ಜೋಕ್ಲ ಪದೊಕುಲೆನ ಬೂಕು ಪ್ರಕಟ ಮತ್ತೊಂದಿಷ್ಣುನವು ಬೊಕ್ಕ ಜೋಕೆಡನೇ ಪನ್ಸಾದ್‌ ರೆಕಾರ್ಡಿಂಗ್ ಮಲ್ತ್‌ದ್ ಆಧುನಿಕ ಮಾಧ್ಯಮೊಲೆಡ್ ಅವು ಮಾತೆರೆಗ್ಲಾ ತಿಕ್ಕುನಂಚನೆ ಮಲ್ಲುನ ಈ ಯೋಚನೆ ಬೊಕ್ಕ ಯೋಜನೆ ತುಳು ಸಾಹಿತ್ಯ ಚರಿತ್ರೆಡೇ ದಾಖಲಾದ್ ಉಂತುನ ಬಾರೀ ಮಲ್ಲ ಬೇಲೆ, ಅಗತ್ಯವಾದ್ ಆವೊಡಾದಿತ್ತಿನ ಬೇಲೆ. ಅ೦ಚಿನ ಬೇಲೆ ಈ "ಜೋಕ್ಸ್ ಉಜ್ವಾಲ್‌ ಮುಕಾಂತ್ರ ಆತ್‌ಂಡ್ ಪನ್ನಿನವು ನಮ ತುಳುವೆರ್ ಸೂರಲ್ಲ ಅಭಿಮಾನ ಪಡೆವೊಡಾಯಿನ ಸಂಗತಿ. "ಜೋಕ್ಲ ಉಜ್ಜಾಲ್ಡ್ ಬೇತೆ ಬೇತೆ ಕ-ಕಯತ್ರಿಯೆ‌ ಬರೆಯಿನ ನಾನಾ ನಮೂನೆದ ಪದ-ಪ್ರಾಸೋಲು-ಪದ್ಯೋಲು ಉಂಡು. ಉಂದು ಪೂರಾ ಜೋಕ್ಲಗ್ಲಾ ಬಾಸೆನ್ ಮೋಕೆ ಮಲ್ಲೊಡಾಯಿನ, ಕಲ್ಲೊಡಾಯಿನ, ಉಮೇದ್ ಪುಟ್ಟಾವುನ ಮಾದರಿಡ್ ಬಾರೀ ಪೊಯ್ದುಡು ಮೂಡ್ಡು ಬಯ್‌ಂಡ್. ಈ ಕೋಪೆನ್ ತುಳುತ್ತ ಪುದರ್ ಪೊಯಿ ಕುಕುಲು ಬೊಕ್ಕ ಇಂಚಿಪದ ಪೊಸಕಕ್ಕು ಸೇರೊಂದು ಕಟ್ಟನವು ವಿಸೇಸ, ತುಳು ಜೋಕ್ಲ ಪದ್ಯೋಲೆಗ್ ಪೊಸ ಮಾದರಿಲೆನ್ ಕೊರ್ಪುನ, ಹೊಸ ಅಲಚನೆಲೆನ್ ಕೊರ್ಪುನ, ಪೊಸ ವಿಚಾರೊಲೆನ್ ದಿಂಜಾವುನ, ಹೊಸ ಹೊಸ ಮಾದರಿದ ರಚನೆಲು ಮೂಲು ಬಾರೀ ಸೋಕು-ದೇಕಿ-ವಜನಡ್ ಮೂಡ್ಡು ಬತ್ತ ತುಳುತ್ತ ಕಮ್ಮೆನೊನು ನಾಲೂರುಗು ಪಸರುನಂಚ ಉಂಡು. ತುಳುತ್ತ ಜೋಕು ಜೋಕ್ಲ ಉಜ್ಜಾಲ್ಡ್ ಕುಲ್ಲುದು, ತೂಕೊಡು, ತುಳು ಪನ್ನಿನವು ತೂಂಕನದ ಉಜ್ಜಾಲಾವೊಡು ಪನ್ನಿನ ಆಶಯ ದಿಂಜಿ ಮುಲ್ಲದ ಜೋಕ್ಸ್‌ ಪದ್ಯೋಲು ಮಾತಾ ಬಂಧುಲೆಗ್ಲಾ ಬಾಸೆದ ಬಗ್ಗೆ ಮೋಕೆ-ಜೋಕೆನ್‌ ಪುಟ್ಟಾವುಂಡು. ಉಂದೆಡ್ಡಾದ್ ತುಳುಕು - ತುಳು ಜನೊಲ್ಲೆಗ್ ಎಡ್ಡೆ ಆವಡ್. ರಘು ಇಡ್ತಿದು 128 ಜೋಕುಲೆ ಉಚ್ಚಾರ