ಈ ಪುಟೊನು ಪ್ರಕಟಿಸದ್ ಆಂಡ್
ರಡ್ದ್ ಪಾತೆರ
ಉಂದು ಒಂಜಿ ಬೇತೆನೆ ನಮೂನೆದ
ಕಬಿತೆಲೆ ಗೊಂಚಿಲ್, ಸಂಸ್ಕೃತದ ನಾಟಕಕಾರೆ
ಭಾಸ ಮಹಾಕವಿನ 'ಬಾಲಚರಿತ' ನಾಟಕೊದ
ಕೆಲವು ಶ್ಲೋಕೊಳೆನ ಪ್ರೇರಣೆಡ್ ಬರೆಯಿ
ಬರವುಳುಂದು. ಈ ಕವಿತೆಲು, ಅನುವಾದ ಅತ್ತ್,
ತರ್ಜುಮೆ ಅತ್ತ್, ರೂಪಾಂತರಲಾ ಅತ್ತ್.
ಅರ್ಥಾಂತರ, ಅನುಸೃಷ್ಟಿ ಅಂದ್ ಪಣೊಲ್ಯಾ
ದಾನ್ನ ಈ ರೀತಿದ ಒಂಜಿ ಪ್ರಯತ್ನ ತುಳುಟ್ಟು
ಉಂದೇ ಬಹುಶಃ ಸುರುತ್ತವು.
ಯಾನ್ ತುಳುಟ್ಟ್ ಬರೆಯಿನ ಕಡಮ್ಮೆ.
1970ನೇ ದಶಕೊಡೊಂಜಿ ನಾಲ್ ಪದ ಬರೆದಿತ್ತೆ.
ಒಂಜಿ ರಡ್ಡ್ ಲೇಖನ ಬರೆತೆ. ತುಳು ಮಹಾಕವಿ
ಮಂದಾರ ಕೇಶವ ಬಟ್ರ್ ರಾಮಾಯಣ
ಬರೆವೊಂದಿತ್ತಿ ಲೆಕ್ಕನೇ ಎಂಕ್ ಓದ್‌ದ್ ಪಂಡ್‌ದ್
ಅಭಿಪ್ರಾಯ ಕೇನೊಂದಿತ್ತೆರ್. ಅದಗ ಆರ್‌ಲಾ,
ದಿ. ಪೊಳಲಿ ಬಾಲಕೃಷ್ಣ ಶೆಟ್ರ್‌ಲಾ – ತುಳುಟ್ಟು
ಬರೆಲಾ, ನಿಕ್ಕ್ ಆ ಸಾಮರ್ತಿಗೆ ಉಂಡು
ಪಂಡೊಂದಿತ್ತೆರ್. ಅಕ್ಲೆನ್ ಈ ಸಂದರ್ಬೊಡು
ನೆನವರಿಕೆ ಮಲ್ಪುವೆ.
v
