ಪುಟ:ಕಾವೇರಿ.pdf/೭

ಎನ್ನ ಪುಣ್ಯಂದೇ ಎಣ್ಣುವ, ದಾಯೆಗ್‌ಂದ್ ಪಂಡ, 'ಶ್ರೀಭಾಗವತೊ'ನ್ ತುಳು ನಿಘಂಟ್‌ಗ್ ಶಬ್ದ ಪೆಜ್ಯರೆ ಬೋಡಾದ್, 'ದೇವೀಮಹಾತ್ಮ'ನ್ ಕರಡ್ ತಿದರೆ ಬೋಡಾದ್, 'ಮಹಾಭಾರತೊನ್ ಬರೆವಣಿಗೆ ಬುಕ್ಕೊ ಅಚ್ಚಿಮಲ್ಪುನ ಸಂದರ್ಭೋಡ್ ಸುರುಡ್ಸ್ ಅಕೇರಿ ಮುಟ್ಟ ಓಡ್‌ದ್ರೆ, ಅರ್ಥ ಮಣಿಯೆರೆ ಪುಣೆತ, ಆಂಡ 'ಕಾವೇರಿ' ಕಾವೊನ್ ತುಳು ನಿಘಂಟ್‌ಗ್ ಬೋಡಾದ್ ಓದ್‌ಂಡಲಾ ರಸಾಸ್ವಾದನೆ ಮಳ್ಳುನ ಸಂದರ್ಭ ಬತ್ತಿಜ್ಜಿ, ತುಳು ಸಾಹಿತ್ಯ ಅಕಾಡೆಮಿ ಎಂಕ್ ವಯಿಸಾದ್ ಕೊರ್‌ನ ಈ ಪುಣ್ಯದ ಕೆಲಸೊಡು ಎಂಕ್ ಆ ಸಂದರ್ಭೋಲಾ ತಿಳ್ಕೊಂಡ್. 0 ಇಂಚ, ತುಳುತ್ತ ಈ ಕಾವೊಳೆನ್ ಪೂರ ಓದುನ, ಅಧ್ಯಯನೊ ಮಣುನ ಅವಕಾಶೋ, ಭಾಗ್ಯ ಎಂಕ್ ಬೇತೆಬೇತೆ ರೀತಿಡ್ ತಿಕ್ಸ್‌ನೆಟ್ ಪ್ರಾಕ್‌ದ ತುಳು ಕಾವೊಳೆನ ಬಗೆಟ್ ಎನ್ನ ತಿಳಿವಳಿಕೆ ಹೆಚ್ಚಾಂಡ್ಂದ್‌ ಪಣೋಲಿ. ತುಳುಟ್ಟು ಬೇತೆಬೇತೆ ಊರುಡು ಬೇತೆಬೇತೆ ರೂಪೊಳು ಉಳ್ಳೋ. ಇಂದೆಟ್ಸ್ ಯಾನ್ ಉಪಯೋಗೊ ಮಲ್ಸ್‌ನವು ಕಾಸರಗೋಡ್-ಪುತ್ತೂರು ಕಡೆತ ತುಳುರೂಪೊ. ಕಾವೇರಿ ಕಾವೊಡು ಕಾಸರಗೋಡ್ ಕಡೆತ್ತ ರೂಪೊ ಇಪ್ಪುನೆನ್ ತೂವೊಲಿ. ಈ 'ಕಾವೇರಿ' ಕಾವ್ಯದ ಬಗೆಟ್ ಪರಿಚಯೊದ ರೀತಿಡ್ ಬರೆಯರೆ ಅವಕಾಶ ಮಣ್ಣಿ ಕೊರ್‌ ಬೊಳ್ಳುಗ್ ಕೊಂಡತ್‌ನ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷೆರಾಯಿನ ಶ್ರೀ ಎಮ್. ಕೆ. ಸೀತಾರಾಮ್ ಕುಲಾಲ್ ಇಂಬೆರೆಗ್ ಬುಕ್ಕೊ ರಿಜಿಸ್ಟ್ರಾರ್ ಶ್ರೀ ಎಸ್. ಎಚ್. ಶಿವರುದ್ರಪ್ಪೆರೆಗ್ ಯಾನ್ ಮನಸ್‌ದಿಂಜಿ ಕೃತಜ್ಞತೆಳೆನ್ ಸಂದಾಪೆ. ಅಂಚನೆ, ಈ ಕೆಲಸೊಡು ಎಂಕ್ ಪ್ರೋತ್ಸಾಹೊ ಕೊರ್‌ನ ಡಾ| ಗಣನಾಥ ಎಕ್ಕಾರ್ ಇಂಬೆರೆಗ್‌ ಎನ್ನ ಧನ್ಯವಾದೊಳು. ಈ ಎಲ್ಯ ಪರಿಚಯೊದ ಕೃತಿನ್ ಬರೆಯಿನಗ ಸಹಕಾರೊ ಕೊರ್‌ನ ಎನ್ನ ಬುಡೆದಿ ಸ್ವರ್ಣಲತಕ್ ಉಡಲ್‌ದಿಂಜಿ ಕೃತಜ್ಞತೆಳು. ಈ ಪುಸ್ತಕೊ ಬರೆಯಿನಗ ಯಾನ್ ಡಾ| ಕಬ್ಬಿನಾಲೆ ವಸಂತ ಭಾರದ್ವಾಜ ಇಂಬೆರೆನ 'ಪಳಂತುಳು ಕಾವ್ಯ' ಬೂಕುದ ಬೆರಿಸಾಯೊ ದೆತ್ತೊಂದೆ. ಆರೆಗ್‌ ಎನ್ನ ಧನ್ಯವಾದೊಳು. ಮಾತೆಡ್‌ಲ ಹೆಚ್ಚ, ಎನ್ನ ಈ ಕೃತಿಕ್ ಮೂಲಕಾರಣಕರ್ತೆರಾಯಿನ 'ಕಾವೇರಿ ಕಾವೊದ ಅಜ್ಞಾತಕವಿಣ್ಲ ಕಾವೊನ್ ಸಂಪಲಿ ಕೊರ್‌ನ ಡಾ| ವೆಂಕಟರಾಜ ಪುಣಿಂಚತ್ತಾಯೆರೆಗ್‌ ಎನ್ನ ಗೌರವಪೂರ್ವಕ ನಮಸ್ಕಾರೊಳು. ಉಡುಪಿ ಶುಭೋ ವರ್ಧಿಗನೀಕಥೆ ವಿಸ್ತರಿತ್ ಕೊಂಡಾರ್ಡ್‌ಾಯಾ ಶುಭೋ ವರ್ಧಿಗ ಸನ್ಮನಿತಾದರಿತಿ ಕೇಂಡ್ ಜೆನೊಂಕಾ ಶುಭೋ ವರ್ಧಿಗ ವಿಸ್ತರಿತೀ ಕವಿಕಾ ಅನುಕೂಲಜೆನೊಂಕಾ ಶುಭೋ ವರ್ಧಿಗ ಸರ್ವ ಜೆರ್ಗಾ ಕಾವೇರಿಟ ಕೂಡಾ - - ಕಾವೇರಿ, ಅ. ೧೦, ೫೮, ಡಾ| ಪದ್ಮನಾಭ ಕೇಕುಣ್ಣಾಯ