ಪುಟ:ಕಾವೇರಿ.pdf/೩೦

ಕಾವೇರಿ - ಕಾವೊದ ಪರಿಚಯೊ 23 ಕೆಲವು ವಿಶಿಷ್ಟ ಶಬ್ದಪ್ರಯೋಗೊಳು ತುಳುತ್ತ ಪೆರ್ಮೆದ ಕಾವೇರಿ ಕಾವೊಡು ಲೆಕ್ಕೊ ಇಜ್ಜಾಂದಿನಾತ್ ವಿಶಿಷ್ಟ ಶಬ್ದಳುಳ್ಳೋ, ಅಯಿಟ್ಸ್ ಕೆಲವೆನ ಅರ್ಥ ಬೇತೆ ಆತ್ಂಡ್; ಕೆಲವೆನ ರೂಪೊ ವೆತ್ಯಾಸ ಆತ್‌ಂಡ್; ಕೆಲವು ಪೊಸ ಶಬ್ದಳುಳ್ಳೋ. ಕಂಜಿ: ಇತ್ತೆದ ತುಳುಟ್ಟು 'ಕಂಜಿ' ಪಿ ಶಬ್ಧ ಪೆತ್ತ ಅಂಚನೆ ಎರ್ಮೆದ ಕಂಜಿಳೆಗ್ ಮಾತ್ರೆ ಉಪಯೋಗೊ, ಬುಕ್ಕೊ 'ಕೈಕಂಜಿ' ಪಟ್ಟಿ ಶಬ್ಲೊಡುಲ ಉಂದು ಉಂಡು. ಆಂಡ ಈ ಕಾವೊಡು ಉರೆತ್ತ ಕಿನ್ನಿಗ್ ಕಂಜು ಪಟ್ಟೆ ಶಬ್ಧ ಉಂಡು; “ಉರೆತ್ತ ಕಂಜಿಂದ್ ಇಂದನ ಅರ್ಥ. ಬಂಜಾರ: ಇತ್ತೆದ ತುಳುಟ್ಟು ಉಪ್ಪುನ ಈ ಶಬ್ದದ ಮೂಲರೂಪೋ ಬಂಜಮರ ಪಣ್ಣುನವುಂದ್ ಕಾವೇರಿ ಕಾವೊಡ್ ಗೊತ್ತಾಪುಂಡು. 'ಬಂಜಿ ಅಮರುನಾದ್ ಪುನವು ಇಂದೆನ ಅರ್ಥಾದಿಪೊಡು. ಮುಳ್ಳ ಶಬ್ದನ್ ಬೇಕೊ ಉಚ್ಚಾರ ಮಡುಂದು ಪನ ಉದ್ದೇಶೆಡು ನಡುತ್ತ ಅಕ್ಷರೊನ್‌ ಬುಡ್ಡು ಬುಡ್ಡುನವು ಮಾತ ಭಾಷೆಡ್‌ ಉಪ್ಪುನ ಕ್ರಮೊನೇ. ಅಂಚನೇ ಮುಳ್ಳದ 'ಮ' ಅಕ್ಷರೆ ಬುಡ್ ಪೋಂಡ್. ಅಯಿತ ಪಗರೊಗು 'ಜ' ಅಕ್ಷರೆ ದೀರ್ಘಾಕ್ಷರೊ ಆಂಡ್. ಭಾಷೆದ 'ಪರಿಹಾರ ದೀರ್ಘ' ಪಣ್ಣಿನ ನಿಯಮೊದ ಪ್ರಕಾರೊ ಇಂಚಾತ್‌ಂಡ್, ಒಂಜಿ ಅಕ್ಷರೂ ಲೋಪ ಆಂಡ ಆ ಅಕ್ಷರೂ ಇತ್ತಿನ ಜಾಗೆದ ಪಿರವುದ ಅಕ್ಷರೂ ದೀರ್ಘ ಆಪುನವೇ ಈ ನಿಯಮೊ. ಅಂಚನೆ ಸಾವಿರೊಗು ಇತ್ತೆದ ತುಳುಟ್ಟುಪ್ಪುನ 'ಸಾರ' ಪಟ್ಟೆ ಶಬ್ಧ ಕಾವೇರಿ ಕಾವೊಡುಲ ತಿಕ್ಕುಂಡು. ನಿಜೊಮಾಯೆರ್/ಮಾಜಿಯರ್: ಸಂಸ್ಕೃತೊಟ್ಟು 'ಪ್ರತ್ಯಕ್ಷ' ಪಟ್ಟೆ ಶಬ್ಲೊಗ್ ಕಾವೇರಿ ಕಾವೊಡು 'ನಿಜೊಂದ್‌ಲ 'ಮಾಯ' 'ಪಣ್ಣ ಶಬ್ಲೊಗ್ 'ಮಾಜಿಂದ್‌ ಪ್ರಯೋಗಾತ್‌ಂಡ್, 'ಪ್ರತ್ಯಕ್ಷಾಯ‌' ಪಣ್ಣುನೆನ್ ನಿಜೊಮಾಯೆರ್ ಬುಕ್ಕೊ 'ಮಾಯಾಯೆ‌' ಪಣ್ಣುನೆನ್ ಮಾಜಿಯರ್‌ಂದ್ ಕವಿ ಮುಳ್ಳ ಕೊರ್ತೆ. ಕುಂಬು: ಇತ್ತೆದ ತುಳುಟ್ಟು ಕುಂಬು ಪಂಡ ಸಾಮಾನ್ಯವಾದ್ ಮರ, ಕುಂಟು, ಕಾಗಜಿ ಮಾತ ಪರತ್ತಾದ್ ಶಕ್ತಿನ್ ಕಳೆವೊಂದು ಬೇಗ ಹಾಳಾದ್ ಪೋಪುನೆನ್ ತೆರಿಪ್ಪಾವುನ