ಕಾವೇರಿ - ಕಾವ್ಯದ ಪರಿಚಯೋ 19 ಪಣ್ಣನವು ಬಾರೀ ಪೊರ್ಲುಂಡು, ಕವಿನ ಲೆಕ್ಕೊಡು 'ಚೆಪ್ಪು', 'ಬಯಿ', 'ಚಟ್ಟುಕೊ' (ಸಟ್ಟುಗೊ), 'ಮೇಲರಿ' (ಹೋಮೊಗು ಪಾಡುನ ಕಣಕ್) -ಇಂದು ಮಾತ್ರ ದಾನೊಗ್ ಆಪುನವೇ. ಇಂದೆನ್ ದಾನೊ ಕೊರ್‌ನೆಟ್‌ಲ ಎಡ್ಡೆ ಫಲೊ ಉಂಡುಗೆ, ಮಾತ್ರತ್ತಂದೆ, ಮಂ, ಮರ್ದ್, ವಿದ್ಯೆ, ಬಗೆಬಗೆ ಆಟೊಳೆನ್ ಪಂಡ್‌ರ್ಪುನೆ, ಬರವು ಕಲ್ಪಾಪುನೆ, ಬುಕೊರ್ಯನ ಮಾತ ಕಷ್ಟೊಳೆ ಪರಿಹಾರೊ ಮಳ್ವುನೆ ಇಂದು ಮಾತ ದಾನೊಳೆ ಆಪೊ. ಉಂದು ನಮ ಸಂಸ್ಕೃತಿ, ಬುಕ್ಕೋರ್ಯಗ್ ಒವು ಬೋಡೋ ಅಯಿನೇ ಆಯ ಕೊರ್‌ಂಡ ಆಯಗ್ ತಿಕ್ಕುನ ಸಂತೋಷನೇ ನಂಕ್ ತಿಕ್ಕುನ ಪುಣ್ಯ. ಅಂಚಾಯಿನೆಡ್ ಮಾತ ವಸ್ತುವಿಷಯೊಳುಲಾ ದಾನೊಗಾಪುನವುಂದ್ ಕವಿ ಪಣ್ಣುನೆಟ್ ಸತ್ಯ ಉಂಡು. ಜೀವೊ ಯಮಲೋಕೊಗು ಪೋಯಿನಗ ಅಲ್ಪ ನಡಪ್ಪನ ಘಟನೆದ ಚಿತ್ರಣೋ ದುಂಬೊರಿ ಮಾಮಲ್ಲ ಪಾತಕಿ ಲೋಕೊಡು ಲೆಕ್ಕೋ ಇಜ್ಜಾಂದಿನಾತ್ ಜಂತುಳೆಗೆ, ಸಾವಿರೊಗಟ್ಟಲೆ ಬ್ರಾಣೆರೆಗ್ ಹಿಂಸೆ ಕೊರ್‌ದಿತ್ತೆ, ಸಾವಿರಗಟ್ಟಲೆ ಪೆತ್ತಳೆನ್ ಕೆರ್‌ದಿತ್ತೆ. ಅತ್ತಂದೆ ಬೇತೆ ಏತ್ ಪಾತಕೊಳೆನ್ ಮತ್ತೆಂದ್ ಪಣ್ಯರ ಸಾಧ್ಯ ಇಜ್ಜಿ. ಭೂಮಿಡ್ ಕಣ್ಣಿಗ್ ಬೂರ್‌ನ, ಕಾಡ್‌ಡ್, ಗುಹೆಡ್ ಉಪ್ಪುನ, ತಿರ್ಗೊಂದುಪ್ಪುನ ಮಾತೆಕ್‌ ಹಿಂಸೆ ಕೊರ್‌ದಿತ್ತೆ. ಇಂಚನೇ ದಿನೊ ಪೋವೊಂದಿತ್ತಂಡ್. ಒಂಜಿ ದಿನೊ ಅರೆಗ್ಗಾಲೊಡು ಬೇಂಕೆನ್ ತಡೆಯರಾವಂದೆ ಕಾವೇರಿ ಸುದೆತ್ತ ನೀರ್‌ಡ್ ಮುರ್‌ಂಗ್‌ ಕಾಡ್‌ ಬರೊಂದುಪ್ಪುನಗ ಒಂಜಿ ಉಚ್ಚು ಜೆಡೆ ದೇರ್ತ ತುಚ್ಚಿದ್ ಆಯೆ ಸಮ್ಪ. ಆಯನ ಜುವೊ ಯಮಲೋಕೊಗು ಪೋಂಡ್, ಅಲ್ಪ ಯಮದೂತೆ ದಾನೆ ಮಳೆ? ಮಲ್ಲ ದಬ್ಬ ಮೂಕ್ ಕೊಡ್‌ಸ್ಟ್ (ಅಗ್ನಿ)ಟ್ ಚುಡಿಯಾಕುಳು ಘಲ್ಲಿತ್ ಫಲುವಾರೋ ಮರ್ದಿತ್ ಮರ್ದಿತ್ ಭಟಮಾರ್ಕುಳು ಮಲ್ಲ ನಾಯಿತ ಮಧೂಂಟೇ ಒಯಿತೌರ್ತ್ ಪ್ರೇತವರಾಜನಾ ಇಲ್ಲಕೊಂಡೊಸ್ಟ್ ನುಂಬಟಾಕೊಸ್ಟ್ ಸೈಂದ ಕೊಂಡತೊಮೆಂದರ್ | - 6.00, . 90. ಆ ಜುವೊದ ಮೂಂಕ್‌ಗ್ ಮಲ್ಲ ದಬ್ಬಣೆ ಕುತ್ತಿಯೆ, ಸೂಟ್ ಪೊತ್ತಾಯೆರ್, ಯಮದೂತರ್ ವಾರಗಟ್ಟಲೆ ಮರ್ದನೊ ಮಲ್ತದ್, ಮಲ್ಲ ನಾಯಿದ ನಡುಟೆನೇ ಒಯಿತ್ತೊಂದ್ ಬತ್ತ ಯಮರಾಜನ ಇಲ್ಲಡೆಗ್ (ಅರಮನೆಕ್) ಕೊಂಡೋದ್ ಆಯನ ಎದ್‌‌ಡುಂತಾಯೆರ್. ಚಿತ್ರಗುಪ್ತಟ ಚೋದಿಪಾಪಳೆ ಪುಣ್ಯಪಾಪೊ ಫಲೊಂಕುಳೆ ಪತ್ರೋ ಕೊಂಡತ್ ದೆಂಡಪಾಣಿ ಮುಖಂತವೂಳಿಜಿ ವೋದಿಯೇ ಪೃಥ್ವಿಟ್ ಜೆನಿತೀತ್ ಕಾಲೋಲ ವೆಂದಿ ದೋಷಸಮುದ್ರೋಮಿನ್ ಪತ್ತ ಪಣ್‌ಣೆಕೆನ್ಸ್ ತೀರನ್ ಧರ್ಮರಾಯ ನಮೋಸ್ತುತೇ || ಕ - ಅ. ೧೦, ಪ. ೪೧.
ಪುಟ:ಕಾವೇರಿ.pdf/೨೬
ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
