ಪುಟ:ಕಾವೇರಿ.pdf/೨೦

ಕಾವೇರಿ - ಕಾವ್ಯದ ಪರಿಚಯೋ 13 ನೀ‌ ಉಡಲ್‌ ಅಂಗೊಳೆನ್ ಸುದ್ದ ಮಳ್ಳು; ಮನಸ್ಸನ್ ಮಂತ್ರೋ ಸುದ್ದ ಮಳ್ಳು (ಮಂತ್ರ ಪಂಡ್ಂಡ ಮನಸ್ಸೇ ಸುದ್ದಾಪುಂಡು); ಭಸ್ಮ ಪಟ್ಟಿ ನೀರ್‌ಡ್ ಮೀಂಡ (ಭ• ಪೂಜೆಂಡ) ಜೂವೊಗೆಡ್ಡೆ (ಜುವೊದ ಪಾಪೊಳು ಪೋವೊ); ದೇವೆರೆನ ತೀರ್ಥೋಡು ಪರಮಾತ್ಮ ಸುದ್ದಾಪುಂಡು ಬುಕ್ಕೊ ಜ್ಞಾನೋ ಪಟ್ಟೆ ನೀರ್ ದೆತ್ತೊಂಡ (ತೀರ್‌ನಾತ್ ಜ್ಞಾನಸಂಪಾದನೆ ಮಳ್ಕೊಂಡ) ಸರ್ವಾತ್ಮಲ ಸುದ್ದಾಪೊ. ಬುಕ್ಕೊ ಈ ಅಯಿನ್ ಬಗೆತ್ತ ಮೀಪಾಟೊಳು ಒಂಜೆಡ್ ಬುಕ್ಕೊಂಜಿ ಎಡ್ಡೆಂದ್ ವಿವರವಾಡ್ ಪರ್. ನೀರ್‌ಡ್ ಮೀಪುನೆಡ್ ಭಕ್ಕೊಡು ಮೀಪುನವು ಪಾಲ್ ಎಡ್ಡೆ; ಭಸ್ಕೊಡ್ಡು ಮಂತ್ರಾನೊಗ್ ಎರಟ್ಟಿ (ರಡ್ ಪಾಲ್) ಫಲೊ; ಅಯಿಡ್ ಎರಟ್ಟಿ ಫಲೊ ವಿಷ್ಣುನ ತೀರ್ಥೋಗ್; ಆಂಡ ಜ್ಞಾನಾನೊಗ್ ಮಂತೆಲ್ಡ್ ಹೆಚ್ಚ ಫಲೊ ಅಂಚಾಯಿನೆಡ್ ಅವು ಮಂತೆಡ್‌ ಮುಖ್ಯವಾಯಿನವುಂದ್ ಪಾರ್ವತಿಗೆ ಶಿವ ಇಂಚ ಉಪ್ಪುನಗ ಸುರುತ ಬಗೆ ಮೀಯಾಟೊ(ಜಲಸ್ಟಾನೊ)ಗ್ ಕಾವೇರಿನದಿತ್ತ ನೀರ್ ಬಾರೀ ಎಡ್ಡೆ. ಅವು ಮಾಂತ ಗುಣನುಲ ಕೊರುಂದ್ ಪಂಡ್‌ದ್, ಏಪೊ ಬುಕ್ಕೊ ಎಂಚ ಕಾವೇರಿದ ನೀರ್‌ಡ್ ಮೀಯೊಡು (ಸ್ನಾನವಿಧಿ) ಪುನೆನ್ ವಿವರವಾದ್ ಪರ್. ಬುಕ್ಕೊ ಕೃಷ್ಣದೇವೆರ್ ರುಕ್ಷ್ಮಿಣಿಗ್ ಪಂಡಿನ ಕುಕಲ ಪ ರಕ್ಕಸನ ಕತೆನ್ ಪರ್. ಒರಿ ಕುಕಲೆ ಪಣ್ಣ ರಕ್ಕಸೆ ಋಷಿನ ವೇಟೊ ಪಾಡೊಂದು ಜನೊಕೈಗೆ ಪೀಡೆ ಕೊರೊಂದು ತಿರ್ಗೊಂದು ಅಗಮುನಿನ್ ಪತ್ತೊಯ್ಯುವೆ. ಅಗಸ್ಯೆ ಬಲೊಟ್ಟು ತೊರ್ಪುನಗ ಕುಕಲೆ ಬ್ರಹ್ಮಕುಂಡೊಗು ಬೂರ್‌ನ್ ಸಯ್ಕೆ, ಆಯಗ್ ಸೊರ್ಗೊ ಸಿಕ್ಕುಂಡು. ಇಂದೆಕ್ಕೆ ಈ ಕಾವೇರಿ ಸುದತ್ತ ಗುಣನೇ ಕಾರ. ಈತ್ ಮಾತ್ರತ್ ನಾನೊಂಜಿ ಕತೆ ಉಂಡು: ಸಹ್ಯಾದ್ರಿಡ್ ಸಾದಿ ಸಾದಿ ತತ್ತ್ ತಿರ್ಗೊಂದಿತ್ತಿ ಬ್ರಾಣೆ ಒರಿಯೆ ಬಡವು ತಡೆಯರಾವಂದೆ ತರೆ ತಿರ್ಗ್‌ ಬರ್‌. ಆತಾನಗ ವಿರಟೆ ಪಟ್ಟಿ ಒಂಜಿ ಮಂಗೆ ಆಯನ ಸೂಕ್ಷ್ಮವಾದ್ ತೂದ್ ನನಲಾ ಪ್ರಾಣೋ ಪೋತ್‌ಜ್ಜಿಂದ್ ತೆರಿದ್ ಆಯನ ಉಡಲ್‌ಗಿಡೀ ನೀರ್ ತಲಿಪ್ಪುವೆ. ಮಾತ್ರತ್ತಂದೆ ಆಯನ ಬಾಯಿನ್ ಅಂಗಾವುನಂಚನೆ ಮಳ್‌ ಎಡ್ಡೆ ಪ‌ಂದ್‌ನ್‌ ಮಾತ ತಿನ್ನಾಯೆ; ಸಪ್ಪುಡ್ ಗಾಳಿಬೀಜಿದ್ ತಂಪು ಮಳೆ. ಈತ್ ಉಪಚಾರೊ ಮಾಯಿನಗ ಆ ಬ್ರಾಣೆ ಲಕ್ಕ ಕುಳ್ಳದ್ ಏರ್‌ಲಾ ಲಕ್ದ್ ತೋಜಂದೆ ಒಂಜಿ ಮಂಗ ತನ್ನ ಅರುಟ್ ಉಪ್ಪುನೆನ್ ತೂದು, ಆಯಡ 'ಈ ಏರ್? ಮಂಗನ ವೇಷೋ ಪಾಡೊಂಡಿನ ದೇವೆರಾ? ಕಿನ್ನರೆನಾ? ಗಂಧರ್ವೆನಾ? ಅಡ ಯಕ್ಷೆನಾ? ಅತ್ ಬ್ರಹ್ಮವಿಷ್ಣುಶಿವನಾಕ್‌ಡ್ ಏರಾಂಡಲ ಒರಿಯೆನಾ?'ಂದ್ ಮಾಂತ ಕೇಂಡೆ. ಆತಾನಗ- 'ಯಾನ್ ನಿಜವಾದ್‌ ಒರಿಯೆ ಮಂಗೆನೇ, ಬೇತೆ ಏರ್‌ ಅತ್ ದುಂಬುದ ಜನ್ನೊಡು ಯಾನ್ ಏತೋ ಕೆಟ್ಟ ಕೆಲಸೊಳೆನ್ ಮಳ್ಕೊಡ್ ಈ ಮಂಗನ