ಪುಟ:ಕಾವೇರಿ.pdf/೧೦

ಕಾವೇರಿ - ಕಾವೊದ ಪರಿಚಯೊ 3 ಲೆಡ್ ಕೊರ್ತಿನಾತ್ ವಿಸ್ತಾರೊದ ಕತೆ 'ಕಾವೇರಿ ಮಹಾತ್ಮ'. ಬಹುಶಃ ತುಳುಟ್ಬಲ ಕವಿ ಈತೇ ಮಲ್ಲ ಕಾವೊನ್ ಬರೆದಿಪೊಡು. ಆಂಡ ನಂಕ್ ತಿಕ್ಕನ ಮೂಲೊದ ಸುಮಾ‌ ಮೂಜನೇ ಒಂಜಿ ಭಾಗೊ ಮಾತ್ರೆ. ಆಜನೇ ಅಧ್ಯಾಯೊದ ಅಕೇರಿ, ಏಳ್-ಎಣ್ಮನೆ ಅಧ್ಯಾಯೊಳು ಪೂರ, ಒರ್‌ಂಬನೆ ಅಧ್ಯಾಯೊದ ಸುಮಾರ್ ಮುಕ್ಕಾಲ್ ಭಾಗೊ ಪತ್ತನೇ ಅಧ್ಯಾಯೊದ ಅಕೇರಿದ ಭಾಗೊ, ಬುಕ್ಕೊ ಪತ್ತೊಂಜನೇ ಅಧ್ಯಾಯೊದ ಆಜಿ ಪದೊಳು ಮಾತ್ರೆ ತಿಳ್ಕೊಂಡಾತೆ. ಪಂಡ ತಿಕ್ಕನ ಒಟ್ಸ್ ಆಜಿ ಅಧ್ಯಾಯೊಳೆಡ್ ಏಳ್ಯ, ಎಷ್ಟೋ - ಈ ರಡ್ ಅಧ್ಯಾಯೊಳು ನಂಕ್ ಇಡಿಯಾದ್ ತಿಳಿದೂ, ಒರಿನ ಅಧ್ಯಾ ಯೊಳೆನ ಒಂತೆ ಒಂತೆ ಪದ್ಯೋಳು ತಿಕ್ಕನವು ಒಟ್ಸ್ ಸೇರಾಂಡ, ಆಜನೆ ಅಧ್ಯಾಯೊಡ್ಡ ಪತ್ತೊಂಜನೆ ಅಧ್ಯಾಯೊ ಮುಟ್ಟ ಒಟ್ಟಿಗ್ ೩೪೩ ಪದ್ಯೋಳು ತಿಳ್ಕೊಂಡ್ಂದ್ ಪಣೋಲಿ. - ತುಳು 'ಕಾವೇರಿ' ಕಾವೈದ ಕತೆ ಮೂಲ ಸಂಸ್ಕೃತೊದವೇ ಆಂಡಲ ಆ ಕಾವೊದ ಸರಿ ಅನುವಾದೊ ಅತ್ತೆ, ಇಂದೆನ್ ಬರೆಯಿನ ಕವಿ ಮೂಲ ಕತೆತ್ತ ಆಧಾರೊಡು ಕಾವೊ ಬರೆಯಿನಗ ತನ್ನ ಮನಸ್ ಬತ್ತಿನಂಚನೆ ಕೆಲವು ಕಡೆಟ್ಸ್ ಕತೆನ್ ಬುಡ್ಡಾ‌ ಕೆಲವು ಕಡೆಟ್ ಎಲೆ ಮಳ್‌ ಪಣ್ಣುನವು ತೋಜುಂಡು. ಅಂತೂ, ಕವಿ ಮುಳ್ಳ ಒಂಜಿ ರೀತಿಡ್ ಕತೆ ಪಣ್ಯರೆ ಬೋಡಾಯಿನ ಸ್ವಾತಂತ್ರ್ಯನು ಉಪಯೋಗೊ ಮಳ್ಕೊಂಡಿನವು ತೋಜುಂಡು. ಕಾವೇರಿ ಕತೆತ್ತ ಸಾರಾಂಶ ತುಳುಟ್ಸ್ ತಿಕ್ಕನ 'ಕಾವೇರಿ' ಕತೆ ಪೂರ ಇಜ್ಜಂದಿನೆದ್ದಾವರೊ ಇಪ್ಪುನ ಒಂತೊಂತೆ ಕತೆನ್, ವಿವರೊಳೆನ್ ತಿಕ್ಸ್‌ನ ಅಧ್ಯಾಯೊಳನ ಆಧಾರೊಡು ಕೋತ್‌ ಪಡೊಡಾತೆ. ತುಳು 'ಕಾವೇರಿ' ಕತೆನ್ ಪೂರ ತೆರಿಯೊಣ್ಯರೆ ತುಳು ಕಾವೊಡು ಇಜ್ಜಂದಿನ ಸಂಸ್ಕೃತೊದ ಮೂಲ ಕತೆ 'ಕಾವೇರಿಮಹಾತ್ಮ'ದ ಸುರುತ ಅಧ್ಯಾಯೊಳೆನ ಕಥಾಸಾರಾಂಶೆನ್ ಸುರುಟ್ ತೆರಿಯೊಣುನ ಎಡ್ಡೆ. ತುಳು 'ಕಾವೇರಿ' ಕಾವೊಡು ತಿಕ್ಕಂದಿನ ಸುರುತ ಐನ್ ಅಧ್ಯಾಯೊಳೆನ ಕಥಾ ಸಾರಾಂಶೆ ಸಂಸ್ಕೃತೊಡು ಇಂಚ ಉಂಡು: ಒಂಜನದ ಅಧ್ಯಾಯ: ನೈಮಿಷಾರಣ್ಯಡು ಋಷಿಕ್ಕಳ್ ಪೂರಾ ನೂತನ ಅರುಣ್ ಬತ್ತದ್- 'ಎಂಕ್‌ಲ್ ಗಂಗೆನ ಮಹಿಮೆನ್ ನಿನ್ನ ಬಾಯಿಡ್ ಕೇಂಡ್ದ್ ತೆರಿಯೊ, ಇತ್ತೆ ಎಂಕ್ರೆಗ್ ಈ ಕಾವೇರಿನ ಕತೆನ್ ಪಡೊಡುಂದ್ ಕೇಂಡೊಂಡೆರ್, ಸೂತೆ ಪರ್ 'ಒರೊ ಕೈಲಾಸೊಡು, ಪರ್ವತೊದ ಕೊಡಿಟ್ ಶಿವದೇವೆರ್ ಕುಲ್ಸ್‌ದಿತ್ತೆರ್. ಆತನಗ ಪಾರ್ವತಿ ಬತ್ತ 'ಎಂಕ್ ಸಂದವನೊನು ತೂವೊಡುಂದ್ ಆಸೆ ಆವೊಂದುಂಡು' ಪಂಡೆರ್. ಅಯಿಕ್ ಶಿವದೇವೆರ್ ನಂದಿನ ಮಿತ್ತ ಕುಳ್ಳಪಾವೊಂದು ಪಾರ್ವತಿನ್ ಲೆತ್ತೊಂದು ಸಂದವನೊಕ್ಸ್ ಪೋದ್, 'ತೂಲ, ಉಂದುವೇ ಸಂದವನೆ, ಈಡೆಗ್ ಇತ್ತೆ