ಪುಟ:ಕಯ್ಯಾರೆರ್ನ ಕಬಿತೆಲು.pdf/೮೮

ಕಯ್ಯಾರೆ‌ ತುಳುಟು ದಾದ ಮಲ್ಪೆದೆರ್ ಪನ್ದಿನೆನ್ ತೆರಿಪಾವೊಡು ಪನ್ಸಿ ಉದ್ದೇಶೂಡೇ 'ಕಯ್ಯಾರೆಡ್ನ ಕಬಿತೆಲೆನ್' ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಪ್ರಕಟ ಮಲ್ಲೊಂದುಂಡು. ಈ ಬೂಕುಡಿಪ್ಪಿ ಕಬಿತೆಲೆಡ್ ಪೂರಾ ಕಯ್ಯಾರೆ‌ ತುಳುನಾಡ್, ತುಳು ಬಾಸೆ, ತುಳು ನೆಲತ್ತ ಬಗೆಟಪ್ಪಿ ಮೋಕೆ, ಸ್ವಾತಂತ್ರ್ಯ, ದೇಶಭಕ್ತಿದ ಕಲ್ಪನೆಲೆನ್ ಕಟ್ ಕೊರೆ‌. ಉಂದುವೇ ಅತ್ತಾಂದೆ ಕನ್ನಡ ಬಾಸೆಡ್ಡಾ ತುಳು ನೆಲತ್ತ ಬಗೆಟ್, ತುಳು ಸಂಸ್ಕೃತಿದ ಬಗೆಟ್ ಕೆಲವು ಕಬಿತೆಲೆನ್ ಬರೆತೆ‌, ಈತೇ ಅತ್ತಾಂದೆ ಕನ್ನಡ ಬಾಸೆಡ್ ತುಳು ಬಾಸೆ ಸಂಸ್ಕೃತಿದ ಬಗೆಟ್, ತುಳುನಾಡ್ಡ ವ್ಯಕ್ತಿಲೆನ ಬಗೆಟ್ ಮಸ್ ಲೇಖನೊಲೆನ್ತಾ ಅಪಗಪಗಂದ್ ಬೇತೆ ಬೇತೆ ಪತ್ರಿಕೆಲೆಡ್, ಸ್ಮರಣ ಸಂಚಿಕೆಲೆಡ್, ವಿಶೇಷಾಂಕೊಲೆಡ್ ಬರೆತೆರ್. ಅಯಿನ್ಹಾ ಸಂಪಾದನೆ ಮಲ್ಗೊಂಡ ಪ್ರತ್ಯೇಕವಾಯಿನ ಮಲ್ಲ ಒಂಜಿ ಬೂಕು ಅವು ಆವು. ಅತ್ತಾಂದೆ ಸಂಶೋಧಕೆರೆಗ್‌ ಪ್ರಯೋಜನಗ್ತಾ ಬರು. ಅಂಚಾದ್ ಕೈಯಾರೆರೆನ್ ತುಳುತ್ತ ಬಗೆಟ್ ನಮ ಪ್ರಶ್ನೆ ಮಲ್ಲುಲಕ್ಕ ಇಜ್ಜಿ. ರಘು ಇಡಿದು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ತುಳುಭವನ, ಉರ್ವಸ್ಟೋರ್, ಮಂಗಳೂರು 56. 90