ಆವಡ್‌ಂದ್ ಭಕ್ತಿಡ್ ನಟ್ಟೋನುನ ಶಕ್ತಿ ಕಬಿತೆಯಾದ್ ಮೂಡ್ಡು ಬತ್ತದ್‌ಂಡ್. ದುನ್ನ ಬನ್ನನು ಕಳೆದ್ ಕಾಪುಲ | ಬುಳೆವಡೀ ತುಳು ಚಳವಳ | ಪಾತೆರಡ್ ತುಳು ಬಾಸೆಲ ಏರಡೀ ತುಳುನಾಡ್‌ | ಪಂದ್ ದೇವೆರೆ ಭಕ್ತಿದ ಒಟ್ಟಿಗೆ ತುಳುನಾಡ್ಡ ಬಗೆಟ್‌ ಭಕ್ತಿಡ್ ನಟ್ಟೋನುನ ರೀತಿನ್ ತೂವೊಲಿ. 'ತುಳುಗೀತೆ'ಲಾ ತುಳು ಚಳವಳಿದ ಪಿನ್ನೆಲೆಡೇ ಮೂಡ್ಡು ಬತ್ತದಿನವು. ಕಯ್ಯಾರೆ ಸಹಜವಾದ್ ಬೆನ್ನಿದಾರಾಯಿನೆಡ್ - ಬೆನ್ನಿ ಬೇಲೆ ಸ್ವತಃ ತಾನೇ ಮಲ್ತಿನಾರಾಯಿನೆಡ್ “ತುಳುನಾಡ ಬುಳೆಗಾದ್ ನುಗ ನಾಯೆರ್‌ಗೆ ಆದ್ ಎನ್ನ ಕಾಯೊ ಕೊರುವೆ” ಪಂದ್ ಪಂಡಿನವು ಅರ್ಥಪೂರ್ಣವಾದುಂಡು.
ಭಜನೆ ಬೊಕ್ಕ ಬಿಸುಕಣಿ ಪನ್ನಿ ರಡ್ ಕಬಿತೆ 1931ಟ್ ಬರೆಯೆರ್, 'ಭಜನೆ' ಪ ಭಕ್ತಿದ ರಚನೆ ಗಣಪತಿ ದೇವೆರೆನ್ ಸ್ತುತಿ ಮಲ್ಪುನ ರಚನೆಯಾದ್ ಬಾರೀ ಪೊಲ್ಲುಡು ಮೂಡ್ಡು ಬಂಡ್, ಕನ್ನಡದ 'ಮೊದಲೊಂದಿಪೆ ನಿನಗೆ ಗಣನಾಥ' ಸನ್ನಿ ಭಕ್ತಿ ರಚನೆನ್ ದೀವೊಂದು ಬರೆಯಿನ ಈ ಕಬಿತೆ ಕಯ್ಯಾರೆ ತುಳುತ್ತವೇ ರಚನೆ ಪಲಕ್ಕ ಬಾರೀ ಪೊಲ್ಲುಡು ತುಳುತ್ತ ಸತ್ತೊಡು ಮುಡೆದ ಕೊರ್ತೆರ್.
ಬಿಸು ತುಳುವೆರೆಗ್ ಮಲ್ಲ ಪರ್ಬ ತುಳುವೆರೆನ ಪೊಸ ವರ್ಸ ಸುರುವಾಪುನಿ ಬಿಸುಡ್ಡು, ಐನ್ ತುಳುವೆರ್ ಸಂಭ್ರಮೊಡು ಇನಿಕ್ಕಲಾ ಆಚರಣೆ ಮಲ್ಲುಬೆರ್. 'ಬಿಸುಕಣಿ' ಕಬಿತೆಡ್ ಬಿಸು ಆಚರಣೆ ಮಲ್ಪುನ ಸಂದರ್ಭೋದ ವಿವರದೊಟ್ಟುಗು ಇಡೀ ತುಳುನಾಡ್‌ದ ಸಾಂಸ್ಕೃತಿಕ, ಸಾಹಿತ್ಯಕ, ಸಾಮಾಜಿಕ ವಿವರೊಲೆನ್ ಬಾರೀ ಪೊಲ್ಲುಡು ದಾಖಲೆ ಮದರ್, 'ತುಳುವೆರ್' ಕಬಿತೆಡ್ ತುಳುವೆರೆನ ರೀತಿ-ನೀತಿ, ಬದ್-ಬಾಗ್ಯೂನು ಬಾರೀ ಅಭಿಮಾನೊಡು ಪಂಡೊಂದು ಪೋತೆರ್. 'ಗೊಮ್ಮಟ' ಕಬಿತೆಡ್ ಕಾರ್ಲದ ಗೊಮ್ಮಟನ ಸ್ತುತಿ ಮಲ್ಲೊಂದು ಗೊಮ್ಮಟಡ ಮುಲ್ತ ಜನೊಕ್ಲನ್ ನಿನ್ನ ಗಟ್ಟಿದ ರಟ್ಟೆ ತುಳುವೆರ್‌ಂದ್ ಪಂಡಿನವು ಕವಿನ ದೃಷ್ಟಿ-ಧೋರಣೆನ್ ತೆರಿಪಾವುಂಡು.
ಕಯ್ಯಾರೆ ಗಾಂಧೀವಾದಿ. ಗಾಂಧಿನ ಕಟ್ಟಾ ಅನುಯಾಯಿ. ಅಂಚಾದ್ ಆ ಗಾಂಧಿನ್ ತೂಯಿನ ದಿವ್ಯದರ್ಶನೊದ ಫಲವಾದ್ ಮೂಡ್ಡು ಬತ್ತಿನ ಕಬಿತೆ 'ಗಾಂಧಿ'. ಉಂದೆಟ್ಸ್ ಗಾಂಧಿನ ವ್ಯಕ್ತಿತ್ತೋನು ಅಭಿವ್ಯಕ್ತಿ ಮದರ್, ಜೋ...ಜೋ... ಪದೊತ್ತ ಮಾದರಿಡ್ ಸಾಗುನ “ಸಿರಿ ಕಿಟ್ಟ ದೇಬೆರ್” ಕಬಿತೆ ಕೃಷ್ಣನ ಲೀಲೆನ್, ಮಹಿಮೆನ್ ವರ್ಣನೆ ಮಲ್ಲೊಂದು ಪೋಪುಂಡು, 'ಪೆತ್ತ' ಪಶ್ಚಿ ಕಬಿತೆ ಪೆತ್ತದ ಮೇಲೆನ್ (ಶ್ರೇಷ್ಠತೆ) ಪನ್ನುಂಡು, 'ಪೆತ್ತ ಈ ಅಪ್ಪೆತ್ತ?'ಂದ್ ಕಯ್ಯಾರೆರ್ ಪನ್ನಗನೇ ನಮ್ಮ ಮೈಟೊಂಜಿ ಶಕ್ತಿ ಸಂಚಾರ ಆಪುಂಡು. ಉಂದೆತ್ತ ನಾಲ್ ಸಾಲ್ ಮದಪೆರಾವಂದಿನವು- 'ತೂದು ಮಡ್ಡಿದ ಮಾತಾ ರುಚಿನ್ | ಮೇದ್ ಗುಡ್ಡೆದ ಪಂತಿ ಪಜಿರ್‌ನ್ – ಹೇ ದಯಾ ನಿಧಿ ಕೊರಿಯ ಒಯಿನ್ ಸ್ವಾದ ಸ್ವಾದುದ ಪೇರ್ ನೆಯಿನ್ | ಆಹಾ... ಓಲುಂಡು ಉಂದೆಕ್ ಸರಿಗಟ್ಟುನ ಸಾಲ್?
'ಶಕ್ತಿಗೀತೆ' ಒಂಜಿ ಸ್ಪೂರ್ತಿ ದಿಂಜಾವುನ ಕಬಿತೆಯಾದ್, ತುಳು ಜನ ಮಾನಿಲೆನ್ ಎಚ್ಚರ ಮಲ್ಪುನ ಶಕ್ತಿದವಾದುಂಡು. 'ಪುಣ್ಯಕೋಟಿ' ಕಬಿತೆ ಕನ್ನಡದ 'ಗೋವಿನ ಹಾಡು' ix
