ಪುಟ:ಕಯ್ಯಾರೆರ್ನ ಕಬಿತೆಲು.pdf/೬

ಕಯ್ಯಾರರ ತುಳು ಕಬಿತೆಲು ಕಯ್ಯಾರ ಕಿಞ್ಞಣ್ಣ ರೈಕುಲು ನಮ್ಮ ತುಳುನಾಡ್‌ದ ಮಲ್ಲ ಕವಿ ಬೊಕ್ಕ ಹೋರಾಟಗಾರೆರ್. ತುಳುನಾಡ್‌ಡ್ ಪುಟ್ಟುದು-ಬಳತ್‌-ಬಾಳಿನ ಆರ್ “ನರಮಾನಿ ನೂದು ವರ್ಸೊದ ಸಾರ್ಥಕ ಬಾಳ್ವೆ ಮಲ್ಲೊಡು” ಪನ್ನಿ ತನ್ನ ದಿಟ್ಟಿದಂಚನೆ ನೂದು ವರ್ಸೊದ ಸಾರ್ಥಕ ಬಾಳ್ವೆ ಮಲ್ತಿನ ಮಲ್ಲ ವ್ಯಕ್ತಿತ್ಪದಾರ್. ತನ್ನ ಆದರ್ಶ ನೀತಿ-ರೀತಿ, ನಡಾವಳಿಲೆನ್ ತನ್ನ ಬದ್ರುದ್ದೊಗು ನಿರಂತರ ದೀವೊಂದು ಒರಿ ನರಮಾನಿ ಎಂಚ ಎಡ್ಡೆಪುದ ಬದ್ಕ್ ಕಳ್ಕೊಡು-ಬದ್ಕ್ ಮಲ್ನೋಡು ಪನ್ನಿನೆಕ್ ಆರ್ ಮಲ್ಲ ಒಂಜಿ ನಿದರ್ಶನ ಆದುಲ್ಲೆರ್. ಆರ್ ಮುಲ್ಲದ ಗಾಳಿ-ನೀರ್- ಮಣ್‌ಗಾದ್ ಪೊ‌ಂಬಾಟ ಮಲ್ತದ್ ಬದ್ಕ್ ಕಟ್ಟಿಯೆರ್, ಅಪ್ಪೆ ಬಾಸೆ ತುಳುಕ್ಲಾ ತಾಂಗ್-ತ‌ದ್ ಬಳತೆ‌, ಒಟ್ಟಿಗೆ ಕನ್ನಡ ಸಾಹಿತ್ಯ ಲೋಕೊಡ್ತಾ ಮಲ್ಲ ಪುದಾರ್‌ದ ಕಬಿಯಾದ್ ಮೆರೆಯೆರ್. ಕಯ್ಯಾರೆ‌ ಪಂಡ ಕಯ್ಯಾರೆರೆ. ಆರೆಗ್ ಸರಿಗಟ್ಟುನ ವ್ಯಕ್ತಿತ್ವ ನಮಕ್ ಬೇತೆ ತಿರೆನೇ ಸಾಧ್ಯ ಇಜ್ಜಿ. ಇಂಚಿ ವ್ಯಕ್ತಿತ್ವದ ಕಯ್ಯಾರೆರ್ ತುಳುಟು ದಾದ ಮಲ್‌ದೆರ್ ಪನ್ನಿನೆನ್ ತೆರಿಪಾವೊಡು ಪನ್ನಿ ಉದ್ದೇಶೂಡೇ 'ಕಯ್ಯಾರರ ಕಬಿತೆಲೆನ್' ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಪ್ರಕಟ ಮಲ್ಲೊಂದುಂಡು. ಕಯ್ಯಾರರ್ ತುಳು ಬಾಸೆಡ್ ಬರೆಯಿನವು ಕಡಿಮೆನೆ. ಆಂಡ ಆರೆಗ್ ತುಳುಬಾಸೆ, ತುಳುನಾಡ್, ಮುಲ್ಪದ ನೆಲ, ನೀರ್, ಮಣ್, ಗಾಳಿದ ಬಗೆಟ್ ಅಪಾರ ಅಭಿಮಾನ ಇತ್ತಂಡ್. ಆರ್ ಮುಖ್ಯವಾದ್ ಕನ್ನಡ ಮಾಸ್ಟ್ ಆದ್ ಇತ್ತದ್, 1956ಟ್ಸ್ ಭಾಷಾವಾರು ಪ್ರಾಂತ್ಯ ರಚನೆ ಆನಗ ಅರೆನ ಪುಟ್ಟು ನೆಲ ಕಾಸರಗೋಡು ಕರ್ನಾಟಕೊಡ್ಡು ಕೇರಳಗೆ ಜಾರ್‌ನಗ, ತನ್ನ ಪುಟ್ಟು ನೆಲನ್ ಕರ್ನಾಟಕೊಗೇ ಸೇರಾವೊಡು ಪನ್ನಿ ಹಟ ಪುಟ್ಟುನಗ ಅರೆಗ್ ಕನ್ನಡೊನು ಬುಡ್ಡು ಉಂತೆರೆ ಆಯಿಜಿ. ಕರ್ನಾಟಕೊದ ಆಡಳಿತ ಬಾಸೆ, ಶಿಕ್ಷಣದ ಬಾಸೆ ಕನ್ನಡನೇ ಆಯಿನೆಡ್ಡಾವರ ಆರ್ ಕನ್ನಡೊಡೇ ಬರೆವೊಡಾದ್ ಬತ್ತ್ಂಡ್, ಆಂಡ vii