ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಲೆಪ್ಪು? ಲೆಪ್ಪು? ಕೇನುಂಡೊಂಜಿ ಸೊರೊ! ಲಕ್ಕೂಲಕ್ಕ ಲಕ್ಕಲಣ್ಣ ಓಕೊನೊಡು ಒರೊ. ಎಂಚಿ ಮಿಂಚಿ ದನಿ! ಲೆಪ್ಪು ಪನಿ? 2 ಮೂಡಾಯಿಡ್ ಕೆಂಪುಬಣ್ ಪೊರ್ತುದ ಬಂಗಾರ್ ಕಣೋ? ತಾಮರೆ ಪೂ ಎಸಳೆಸಳ್‌ ಗಮಗಮಿಪುಂಡು ಪರಿಮಳೊಡು; ಅರಳ್‌ಂಡ್ ನಮ ಮನಸ್, ಉಂದು ಅಮೃತೊದ ವಣಸ್ ! 3 ಈ ಮೂರ್ತೋನು ತಪ್ಪವಡೆ ನಿದ್ರೆಡ್ ಕಳೆವೊನಡೆ ಮೈಕುಡ್ಕೊ ಲಕ್ಕೊನುಲೆ ನಿಮುರ್‌ದ್‌ ಉಂತೊನುಲೆ ಎಚ್ಚರಿಗೆನೆ ಬದ್‌ಕ್ ನಿದ್ರೆ ಸಾವು ಸರಿಕ್. 4 ಜೆತ್‌ದಿತ್ತಿ ಕರಿಕಾಲೊಡು ಇಲ್ಲದುಲಯಿ ನುರ್ಕೈ, ಕಣ್ಣೆಬುಡುದು ಸರಿತೂವೊಡು ನಮ ಮಣ್‌ಡ್ ಸೊರ್ಕೈರ್, ನನ ಜೆಪ್ಪಡೆ ನಿದ್ರೆಡ್ ಎಚ್ಚರಿಗೆನೆ ಉಪ್ಪಡ್ ಕಯ್ಯಾರೆಡ್ನ ಕಬಿತೆಲು / 38
