ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಬತ್ತನೋ ಈ ಬರ್ಪನೋ? ಏತ್‌ಕಾಲೊಡ್‌ದಿಂಚಿ ಕಾಪುವೆ ಬತ್ತನೋ ಈ ಬರ್ಪನೋ? ಜಾಲ್‌ಜತ್ತನ್ ಪಗೆಲ್ ತೂಪೆ, ರಾತ್ರೆ ಬಾಕಿಲ್‌ದೆತ್ತ್ ದೀಪ, ಕತ್ತಲೆಡ್‌ಲಾ ಕಣ್ ಬುಡುಪೆ ಬತ್ತನೋ ಈ ಬರ್ಪನೋ? ಕಣ್ ಕೂರುಜಿ ಇರ್ಲ್ ಪಗೆಲ್ ರೂಪೊಪೋರ್ಲುನು ತೂವೊಡೇ; ಉಪ್ಪ, ಪಜ್ಜೆದ ಕೆಬಿನ್ ಕೊರ್‌ ದನಿಲ ಕೇನುಜಿ - ಕಾಪೊಡೇ. - ಕನಟ್ ಆಂಡಲ ನೆನಪೆ ನಿನ್ನವು ಮನಸ್‌ಡುರಿವುರಿಯೇರುಂಡು; ಬೊಲ್ವುಗಾದೇ ದೊಂಬುಡುಂತೆ ಪಿದಯುಳಯಿ ಮೈಬೈಪುಂಡು. ಪೋಂಡು ಪುಣ್ಣಿಮೆ, ಮುಗಿಂಡ್ ಮಾರ್ನಮಿ ಕರಿಂಡ್ ಪರ್ಬೊಲ ಕಾತ್‌ದ್, ಕಣ್ಣನೀರ್‌ಡೆ ಮೀದ್ ಉಂತ್‌ ನಿನ್ನ ಪೊರ್ಲುಗು ಸೋತ್‌ದ್‌. ಮೆಂಚಿದೊಂಜೇ ಗೆರೆಲ ಬೂರುಜಿ ಮುಗಲ್‌ ಬಾನೊಡು ತೋಜುಜಿ ಕಾರ್ತೆಲಾಂಡಲ ಬರ್ಸೊ ಬರ್ಪುಜಿ ತಣ್ಣು ಜೀವೊಗು ಕೊಯ್ಸುಜಿ ಏಪೊ ಬರ್ಪನೋ? ಬತ್ತೊಂದುಲ್ಲನೋ? ಬರ್ಪಿತಾದಿಲ ದೂರೊನೊ? ಎನ್ನ ಒಡಲ್‌ ಉರಿನ್ ಪಿಂದನೊ? ಬತ್ತನೋ ಈ ಬರ್ಪನೋ? ಏತ್ ಕಾಲೊಡ್‌ದಿಂಚಿ ಕಾಪುವೆ ಬತ್ತನೋ ಈ ಬರ್ಪನೋ? (1989) ಕಯ್ಯಾರೆರ ಕಬಿತೆಲು / 37
