ದಿಕ್ಕ್‌ದೆಸೆ ತೋಜಾವೊಂದೇ ಉಪ್ಪುವ. ಅಂಚ
ಅರೆನ ಸಾಹಿತ್ಯದ ಸಿರಿತುಪ್ಪೆನ್ ನಮ ದಿಂಜ
ಜಾಗ್‌ರ್ತೆಡ್ ಕಾತೊನೊಡಾಪುಂಡು..
ಇನಿತ ದಿನಮಾನೊಲೆಡ್ ಬೂಕು
ಪತೊಂದು ಇಸ್ಟೊದ ಕೋಡಿಡ್ ಕುಲ್ಲೊಂದು
ಓದುನ ಕುಸಿ ಅನ್ವೇಸುನಕುಲು ಕಮ್ಮಿ
ಆವೊಂದುಲ್ಲೆರ್. ಆಂಡ ಕಯ್ಯಾರೆರೆನ
ಬರವುಲೆನ್, ಅಯಿಟ್ಲಾ ಕಬಿತೆಲೆನ್ ನಾಡ್ದ್,
ರಾಗರಂಗಿತೊದ ನಿಲೆಟ್ ಅವ್ವೆನ್ ಪಣೊಂದು,
ರಿತಿರುಚಿ ಸಬಿಪುನಕಲ್ನ ಸಂಕೆ ಕಮ್ಮಿ ಆತ್‌ಜಿ.
ಅಂಚಿನಕಲ್ನ ಕಯಿಕ್ ಅಕುಲು ಬಯಕುನ
ಕಬಿತೆಲೆನ್ ಸುಲಬೊಡು ಎತ್ತಾವುನ ಯತ್ತನ
ಮಲ್ಪ್ಯೆರೆದುಂಬಾತೆರ್ ಶ್ರೀ ರಘು ಇಡಿದು.
ಕಯ್ಯಾರೆರೆನ ಜನಮೆಚ್ಚಿಗೆದ ತುಳು ಬೊಕ್ಕ ಕನ್ನಡ
ಕಬಿತೆಲೆನ್ ಒಟ್ಟು ಪಾಡ್ದ್ ಆರ್ ಉಮೇದ್‌‍ಡ್
ಸಂಪಲಿತಿನ ಬೂಕು. “ಕಯ್ಯಾರೆರೆನ ಕಬಿತೆಲ್”.
ಈ ಬೂಕುಡ್ಡು ಕಯ್ಯಾರೆರೆನ ಅಭಿಮಾನಿಲೆಗ್
ದಿಂಜ ಉಪಕಾರ ಆಪುನ ಗ್ರಯಿಕೆ ಆರೆನವು.
ಅಕಾಡೆಮಿಗ್ಲಾ ಈ ಬೂಕುದ ಪ್ರಕಟಣೆ ಕುಸಿತ
ಬೇಲೆನೇ.
ಈ ಪೊರ್ತುಡು ಈ ಬೂಕುನ್
ಸಂಪೊಲಿನ ಅಕಾಡೆಮಿದ ಸದಸ್ಯೆ, ಶ್ರೀ ರಘು
ಇಡಿದು ಮೆರೆಗ್, ಬೂಕುನ್ ಅರ್ತಿಡ್
ತರ್ಕೊಂಬಿನಕ್ಲೆಗ್, ಪ್ರಕಾಶಕೆರ್ ಶ್ರೀ ಚಂದ್ರಹಾಸ
ರೈಕ್ಲೆಗ್, ಅಕಾಡೆಮಿದ ಮಾತ ಸದಸ್ಯೆರೆಗ್, ಅಚ್ಚಿದ
ಬೇಲೆ ಬೆಂದಿನ ಆಕೃತಿ ಪ್ರಿಂಟ್ಸ್‌ ಕಲ್ಲೂರು
ನಾಗೇಶೆರೆಗ್ ಕರ್ನಾಟಕ ತುಳು ಸಾಹಿತ್ಯ
ಅಕಾಡೆಮಿದ ಪುದರ್ ಪಂಡೊಂದು ಸೊ
ಸಂದಾವೆ.
ಎಮ್. ಜಾನಕಿ ಬ್ರಹ್ಮಾವರ
ಅಧ್ಯಕ್ಷೆ‌ರ್
vi
