ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಪನ್ನೆ ಒಂಜಿ ಸೊರೊಟು ಕೆಸರೆ ಗಂಗದ ತೀರ್ತೊ, ಬೆಗರೇ ಪಂಚಗವ್ಯದ ಪುಣ್ಯನೀರ್, ಕಾಡ್‌ಮುಳೇ ಪಾವಡೆದ ನಡೆ ದೊಂಬು ಬರ್ಸೊನೆ ಅಪ್ಪೆಪೇರ್. 2 ಕಲ್ಲರ್ತ್‌ ಮಣ್ಣಗರ್ತದ್ ಏರ್‌ತಿಗಲೆದ ಗಟ್ಟಿಡ್, ಬಾರ್‌ಬಂಗಾ ಕುರಲ್ ಬೆಂದೆರೆ ನೆತ್ತೆರುರ್ಕುನ ರಟ್ಟೆಡ್. 3 ತಾರೆತಾರಿದ ಅಮೃತಧಾರೆಡ್ ಬಂಜ ಬಾಜೆಲ್‌ ತೀರ್‌ಂಡ್, ಗಂಧಸಾಲೆದ ನುಪ್ಪು ಉಂಡ್‌ ಸಕ್ತಿ ಜೀವೊಗು ಸೇ‌ಂಡ್ 4 ತೆರೆತರೆನ್ ತೊರಿತೊಂದು ಒಚ್ಚಿದ್ ಓಡೊ ನೀರ್‌ಡೆ ನೀಂದ್ಯ, ಕಡಲಕಂಡೊದ ಬೆನ್ನಿ ಮೆಚ್ಚಿದ್ ಬಲೆಬುಲೆನ್ ಸಮೋ ಬೆಂದ 5 ಬಕುತಿ ಬೊಳ್ಳೆಯ್ ತುಲಿತ್‌ದುರ್ಕುಂಡು ಮಂತುಕಿಟ್ಟನ ಒಡಿಪುಡು; ಸಾರೊಕಮ್ಮೊದ ಬಸದಿ, ಗೊಮ್ಮಟ ರೂಪು ಶಿಲ್ಲೊದ ಪೊರ್ಲುಡು. 6 ಕಡಲಕಳುವೆರ್ ಪೊರ್ಚುಗೀಸೆ ಕುಡಲದೂರುಗು ಜತ್ತೆ ಕಯ್ಯಾರೆರ ಕಬಿತೆಲು / 32
