ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಮಂಗಳಾವತಾರ ಮಾಮಲ್ಲ ಭೂಮಾತೆ ಭೂಮಿಭಾರೊಗು ಭೀತೆ ಗೋಮಾತೆ ತಾನಾದ್‌ ಸುರನಿಕರ ಸೇರಾದ್ ಸ್ವಾಮಿದೇಬೆರೆ ವಿಷ್ಣುವೈಕುಂಠಗೇ ಪೋದ್ ಪಾದೊಪತ್‌ಡ್ಡಬೂರ್ದ್; “ಶ್ರೀ ಮಾಧವಾ, ದೇವ, ನಾರಾಯಣಾ, ಕೇಟ್ಲಿ ಆಮಹಾರಕ್ಕಸೆರ್ ಪಾಕೊಜನ ಲಕ್ಸ್‌ ತಾಮಸೀಚರೆರಕುಲು ಅನ್ಯಾಯ ಆಪತ್ತೆ ಕಷ್ಟೊನೇ ಕೊರಿಯೆರೆಂಕ್" 2 “ದಿನನಿತ್ಯ ಲೋಕಕಂಟಕೆರಾದ್ ಬಲತೊಂದು, ಜನಮಾನಿಕಂಟೆಲ್‌ಗ್ ಕತ್ತಿನೇ ಕೋತೊಂದು, ಪನಿತ್ ದಯೆದಾಕ್ಷಿಣ್ಯ ಮಾತಲಾ ಮದತೊಂದು, ನೆನೆಪಂದೆ ರೀತಿ ನೀತಿ, ಎನ ಪುಣ್ಯ ಪೊನ್ನುಲೆನ್ ಕಂಡೊಂದು ಕೊಂಡೊಪೆರ್, ಎನಮಾನ ಮರ್ಯಾದಿ ನಿಟ್ಟೆ ನಿಲೆ ಸೆಟ್ಟಯರ್, ಎನ ಬಂಜಿಬಾಲೆಲೆಗ್ ಬಂಜ್‌ನೇ ಕೊ‌ಕೊರ್‌ದ್ ಎನಕರ್ಲ್ ಕುರಕುರೆಯೆರ್; 3 “ಈ ರಕ್ಕಸೆರೆನ್ ಗಿಡೆದೇರೆನನ್ ಕಾತೊನೊಡು? ಈರೆ ಸಿರಿದಯದೀದ್ ಮಾರಿಲೆನ್ ಮಾಜವೊಡು ಈ ರೀತಿನೀತಿ ಪತ್‌ದೆನ್ನನುದ್ದರಿಪುನಾ ಈರೊರಿಯೆ ಮಂಗಳಾತ್ಮ ಈರೆನೇ ನಂಬೊಂದೆ ನಿತ್ಯ ನಿಲೆ ನೆನೆತೊಂದೆ ಈರೆಡನೆ ಪಂಡೊಂಡೆ, ಎನಕಷ್ಟ ಕೇಂಡೊಂದು ಈ ಅಧರ್ಮೊನು ಕಲೆದ್ ಧರ್ಮಸಂಸ್ಥಾಪನೆಗೆ ಅವತಾರ ಪತ್‌ದ್ ಬರೊಡು” ಕಯ್ಯಾರರ ಕಬಿತೆಲು / 23
