ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಗಾಂಧಿ ಅತ್ತ? ಈತರೆದೆರ್ತ ಲೋಕೋದ ಮಿತ್ತೆ, ನಿನ ನಿಜ ಕೀರ್ತಿಡ್, ಸತ್ಯಸಾದಿನೆ ಪತ್ತದುಂತಿನ ನಿತ್ಯಮಂಗಲ ಮೂರ್ತಿಡ್ 2 ಸತ್ಯಶಾಂತಿಸಮುದ್ರಮಥನೊಡು ಮಿತ್ ಬತ್ತನ? ಪುಣ್ಯಕಥನೊಡು ಜೆತ್ತಿ ಜನತೆದ ಜಾಗೃತಿದ ನಡು, ನಿತ್ಯ ಸತ್ಯಾಗ್ರಹೋದ ರೂಪೊಡು 3 ತಿರ್ತ್ ತಾರ್‌ನ ಸುಪ್ತ ಜನತೆಗ್ ಮಿತ್ತ ಮಹಿಮದ ತತ್ವ ತಿರ್ಲ್‌ನ್ ಬಿತ್ತನಾ ಕಾರದೊಡೆ ಇತ್ತೆಲ ಸುತ್ತು ಸಾರುಂಡಹಿಂಸತತ್ವಲ 4 ಧನ್ಯಜೀವಿಲೆ ಉನ್ನತೋನ್ನತ ಸನ್ನುತಿದ ಸಂಭ್ರಮೊನೆ ಸಾಧಿತ, ನಿನ್ನ ನೆನಪೇ ಸತ್ಯದಾ ಸುದೆ ಪುಣ್ಯಫಲಿತ್‌ನ ಸೊರ್ಗೊದಾ ಸುಧೆ 5 ನಿನ್ನ ದರ್ಶನೂ ದಿವ್ಯದರ್ಶನೊ, ಉನ್ನತೋನ್ನತ ಪುಣ್ಯಸ್ಪರ್ಶನೂ, ನಿನ್ನ ಈ ಗುಣೋ ಧನ್ಯ ಜೀವನೊ, ಎನ್ನ ಪ್ರಾಣೋಗು ನಿನ್ನ ಚೇತನೊ. (1934) ಕಯ್ಯಾರೆ ಕಬಿತೆಲು / 14
