ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಗೋಮಟ ಪೊರ್ಲಕಂಟ್‌ದ ಮೈಮೆ ನಿನ್ನವು ಕಾರ್ಲದಾ ಸಿರಿ ಗೋಮಟ; ಏರ್ಲ ನಿನ್ನನ್ ತೂಪಿನಕ್ಷೆಗ್ ಮರ್ಲ್ ಮದಪನ ಗೋಮಟ? ವರ್ಸೊವರ್ಸೊದ ಬರ್ಸೊ ಬರ್ಸೋದ ತೆಡಿಲ್ ಮಿಂಚಿಡೆ ಮಿಂಚಿದ; ಧ್ಯಾನನಿಶ್ಚಲ ನಿತ್ಯಮೂರುತಿ ಇಂಚನಿಜ ನಿಲೆ ಸಾರ್‌ದ ಪಗೆಲ್ ದೊಂಬುಗು ರಾತ್ರಿ ಕತ್ತಲೆ ಗಾಳಿಚಳಿಕ್‌ಲ ಬತ್ತಲೆ; ನಿನ್ನ ಸಮ್ಯಕ್‌ ತತ್ವ ಜೈನೆರೆ ಬದ್ಕ್ ಭಾಗ್ಯಗೆ ಆಸರೆ. ದ‌ಬಲತ್‌ ತಿರ್ತ್‌ಮಿತ್ತಗ್ ಪತ್ತೆದಿಸ್ಕ್‌ಗ್ ಮುತ್ತುದ; ಕಾಮರೂಪಿ ದಿಗಂಬರಾಕೃತಿ ಮೌನಮಂತ್ರೋಡೆ ಉಂತುದ. ಏತ್ ವರ್ಸೊಗು ದುಂಬು, ರಾಮ ಸಮುದ್ರೆಡೀ ಮೂದಿತ್ತನ? ಏತ್ ಕಾಲೊಡು ಪ್ರಕೃತಿದೇವಿನ ಸತ್ಯಶಕ್ತಿಡ್ ಮೆರೆಯನ? ನಿನ್ನ ತುಳುವೆರೆ ಭಕ್ತಿ ಶಕ್ತಿದ ಕಡಲ್ ತೆರೆನುರೆಯೇರಡ್; ನಿನ್ನ ತುಳುವೆರೆ ಧೈರ್ಯಸಾಹಸ ಗಟ್ಟೋದಾ ತರೆಏರಡ್ ನಿನ್ನ ಗಟ್ಟಿದ ರಟ್ಟೆ ತುಳುವೆರೆ ಭೂಮಿ ಬದ್ಕ್ ಕಾಪೊಡು; ನಿನ್ನ ತಪಸ್‌ ಶಕ್ತಿ ಲೋಕೋದ ಭಾಗ್ಯಬುಳೆಪಿನ ತೂವೊಡು. ಕಯ್ಯಾರೆರ ಕಬಿತೆಲು / 13 (1932) -
