ಪುಟ:ಕಯ್ಯಾರೆರ್ನ ಕಬಿತೆಲು.pdf/೧೭

ಒರಿದುಪ್ಪು ತಪ್ಪುಲೆನ್ನಪ್ಪೆ ಸಿರಿದಯೆ ದೀದ್ ಉಜ್ವಾಡೊಕ್ಕೊಡೆನನ್; ಮರಮಟ್ಟೆ ಬಿದೆ ಬಿತ್ ನೆಲಯಿಲ್ಲಿ ಕಾಡುಡ್ಡೆ ಸಿರಿಗುಂಡೂ ಬದಿದೇವತಾನೊ ಗುಡಿಗೋಪುರೊಡು ಒರಿದುಪೊಡೆನನಾಡ್ ಜನಪ್ರೀತೆ ತುಳುಮಾತೆ ನಿನಾ ಪತ್ರ ಬರೆತೆ 5 ಕಣ್ಣೆದಾಕಪ್ಪುಕಲೆ, ಕಣ್ಣಿಗವು ತೋಜಂದ್, ಎನ್ನ ಬರವುದ ತಪ್ಪು ಎಂಕಾದೆ ತೆರಿಯಂದ್, ಮನ್ನಣೆದ ಕವಿಮಾಲೆ ತಿದ್ದಿದೇ ತೆರಿಪಾಲೆ ಯಾನೊರಿಯೆ ಕಿನ್ನಿಬಾಲೆ; ಎನ್ನ ತುಳುನಾಡ್‌ಡ್‌, ಎನ್ನ ತುಳುಬಾಸೆಡ್‌ಲ ಎನ್ನ ಪಿರ್ತಿನ್ ಬರೆದ್ ಬರೆದಿಂಚ ತೆರಿಪಾದೆ ಎನ್ನವೀ ತುಳುವಸಾಹಿತ್ಯ ಸಾಮ್ರಾಜ್ಯೋಗೇ ವಂದನದ ಸುರುತ ಸೇವೆ 6 ಏರೇರ್ ಶ್ರೀ ಭಾರತಾಂಬೆ ಬಂಟೌನ್ ಗಿರೆಡ್ ಸೇರ್‌ದೆರೊ ಸ್ವಾತಂತ್ರ್ಯದಾಭಾಗ್ಯಬಂಧನೊಗ್‌ ಧೀರಗಾಂಧಿಮಹಾತ್ಮ ಪೂಜ್ಯಮೋಹನದಾಸ ಸತ್ಯಶಕ್ತಿನ್ ನಂಬುದು; ಏರೇರ್ ನಮ ರಾಷ್ಟ್ರದಾ ಪತಾಕೆನ್ ಪತ್‌ದ್ ನೂರೊಂದು ನುರ್ಕೊಂದು ಕಡಲುಪ್ಪು ಕಡೆವೊಂದು ಸಾರೈರೋ ಶಾಂತ್ಯಮೃತ ಭಾರತೇಯೆರೆಗಕುಲೆ ಗಾ ವೀರೆರೆಗೆ ವಂದನೆ. 7 ವ್ಯಾಸವಾಲ್ಮೀಕಿ ಭಾರವಿಭಟ್ಟಿ ಶ್ರೀ ಕಾಳಿ - ದಾಸ ವಾಮನ ಮಾಘ ಹರ್ಷ ಶೂದ್ರಕ ದಂಡಿ ಭಾಸ ಶ್ರೀ ಭಟ್ಟನಾರಾಯಣಾ ಭವಭೂತಿ ಭರ್ತೃಹರಿ ಬಾಣಾದ್ಯೆರ್; ಆಸಮಸ್ತ ಪುನೀತ ಗೀರ್ವಾಣ ಕವಿಕುಲೊಕೆ ಲೇಸಾದ್ ಸಂಪೂರ್ಣ ಸೊಲೆನೇ ಸಂದಾವೆ, ಬಾಸೆ ತುಳುವಾಂಡಲಾ ಭಾರತದ ಭಾಗ್ಯದಾ ಸಂಸ್ಕೃತದ ಸಾಯೊ ಪತ್‌ದೆ. ಕಯ್ಯಾರೆಡ್ನ ಕಬಿತೆಲು / 4