ಪುಟ:ಕಯ್ಯಾರೆರ್ನ ಕಬಿತೆಲು.pdf/೧೬

ವಂದನೆ ಧನ್ಯಯಿನರಜನ್ಮ ಜಯಜೀವೊ ಪದಿನನ್ನ ಪುಣ್ಯದಾ ಸಿರಿಪ್ರಾಯೊ ಪಡೆವೊಂದು ನಡತೊಂದು ಕಣ್ಣ ಕಟ್ಟುನ ಕಪ್ಪು ಕತ್ತಲೆನ್ ಕಳೆವೊಂದು ಬಲತೊಂದಿ ನಿಲೆ ನೆನೆತ್‌; ಎನ್ನವಂದನೆ ನಿತ್ಯ ಮದವೂರ ಗಣಪತಿಗ್ ಸನ್ನುತಿದಡೂರು ಕಣ್ಯರ ಕಾವು ದೇಬೆರೆಗ್ ಮಣ್ಣಿಡೀ ಮೆರೆವೊಂದಿ ರಾಜೊಂದದೈವೊಲೆಗ್ ತೋಜೊಂದಿ ಜಿಡೆದಾರಿಗ್. 2 ಮನಸ್‌ಡೆನ್ನಿದ್ ದೈವೊ ಪೂಜ್ಯ ಗುರುಹಿರಿಯರೆನ್ ನೆನೆತೊಂದು ಸಿರಿಪಾದೊ ನಂಬೊಂದು ತುಂಬೊಂದು ಬನತ ಲೆಕ್ಕೇಸಿರಿನ್ ದೂಮಾವತೀ ಕೊರತಿ ತೊಡಕಿನಾ‌ ಬೊಬ್ಬರ್ಯನ್; ನನಮಾತ ಗಂಡಗಣ ಸಿರಿನಾಗ ಬೆರ್ಮೆರೆನ್ ಘನದೇವಿದಾಸ ಜಯಭೂತಾಳಪಾಂಡ್ಯರೆನ್ ಮುನಿಮಧ್ವ ಗುಮಡೆರೆನ್‌ ಕಪಿಲವಿಕ್ರಮ ಭೋಜ ಕೀರ್ತಿಪಾರ್ತಿಸುಬ್ಬನ್ 3 ಹರಗಿರಿಜೆ, ಹರಿಲಕ್ಷ್ಮಿ, ವಾಗ್ಲೆವಿಬ್ರಹ್ಮರೆನ್ ಭರಿತಭಕ್ತಿಡೆ ಮೂಜಿ ಮಾಮಲ್ಲ ಮೂರ್ತಿಲೆನ್ ಸುರಲೋಕ ಸ್ವಾತಂತ್ರ್ಯ ಸತ್ಯಶಾಂತಿದ ನಾಡ್ ಪಡೆವೊಂದಿ ದೇವಗಣೇನ್; ತರೆಮಿತ್ತ ಸೊರ್ಗೊದಾ ಮಾತ ಮಾದೇಬೆರೆಗ್ ಸರಿರೊನೇ ತಗ್ಗಾದ್ ಭೂಮಿಗೇ ಬಗ್ಗಾದ್ ನರಕಬಿತೆ ಪಂಡೊನುವೆ ನರಮಾನಿ ರೀತಿಡೇ ನರಜನ್ನೊಗೀ ವಂದನೆ. 4 ಪುರಲಪ್ಪೆ ಪೊರ್ಲುದಾ ಪಾದೊದಡಿ ಪುರೆಲೊಂದು ಬರೆದೊಪ್ಪಿತ್‌ತೆ ತುಳುವ ತಿರ್ಲ್‌ನೇ ಮರ್ಲೊಂದು ಕಯ್ಯಾರೆರ ಕಬಿತೆಲು / 3