ಕಣ್ಣೀರು', ಪಂಜೆನ ಬಗೆಟ್ 'ನವೋದಯ ಋಷಿ', ಎಂ.ಗೋವಿಂದ ಪೈಕುಲೆ ಬಗೆಟ್ ಬರೆಯಿನ 'ರಾಷ್ಟ್ರಕವಿ' ಪತ್ನಿ ಕಬಿತೆಲೆನ್ ಸೇರಾವೊಂದ. 'ಈ ನಾಡು' ಪತ್ನಿ ಕಬಿತೆ ತುಳುನಾಡ್‌ದ ವೈಭವೊನು ಪಂಡೊಂದು ಇನಿ ಆ ವೈಭವೊ ಮೂಲು ತೋಜೊಂದಿಜ್ಜಿ ಪ ವ್ಯಥೆನ್ ಪಸ್ಪುಂಡು. 'ಗೆರೆ ತಪ್ಪದಿರೆ ಬರೆವೆ' ಎಲ್ಯ ಕಬಿತೆಯಾಂಡಲ ಐಟೊಂಜಿ ಮಲ್ಲ ನೆಲೆ ಉಂಡು, ಈ ಕಬಿತೆಡ್ ತುಳು ಸಂಸ್ಕೃತಿ ದಾದ ತೋಜುಂಡುಂದು ಓದುಗರ್ ಕೇನ್ವರ್. ಉಂದೆಟ್ ರೈಕುಲೆನ ಬದ್ಕ್ ಬೊಕ್ಕ ಬರವು ಉಂಡು ಪನವೇ ಮೂಲು ಮುಖ್ಯ. “ನೇಗಿಲಿನ ಸಮಕೆ ಲೇಖನಿ ಹಿಡಿದ ಕೈಯಲ್ಲಿ 1 ಗೆರೆ ತಪ್ಪದಿರೆ ಬರೆವೆ ಭೂಪಟದಿ, ಪುಟದಿ; ತಲೆಯ ತೂಗಿತು ತೆನೆಯ ಭಾರದಲಿ ನವಶಾಲಿ | ಅರಳಿ ಬಂದಿತೊ ಕವಿತೆ, ಹೊಸತು ಸಂಪುಟದಿ 1 ಪಂದ್ ಬರೆಯಿನ ಈ ಸಾಲ್‌ಡ್ ರೈಕುಲೆನ ಬೆನ್ನಿ ಬೊಕ್ಕ ಸಾಹಿತ್ಯ ಬೆನ್ನಿದ ದುನಿಪು ಈ ಕಬಿತೆಡ್ ಗಟ್ಟಿಯಾದ್ ಮೂಡ್ಡು ಬತ್ತದ್‌ಂಡ್.
ಇಂಚ 'ಕಯ್ಯಾರೆ ಕಬಿತೆಲು' ಪನ್ನಿ ಈ ಸಂಪೊಲಿಕೆದ ಕೋಪೆಡ್ ತುಳುನಾಡ್, ತುಳು ಭಾಷೆ, ತುಳು ಸಂಸ್ಕೃತಿ, ತುಳು ಪರಿಸರ, ತುಳು ಜನ, ಆಚಾರ-ಇಚಾರೊಲು, ತುಳುತ್ತ ಬಹುಮುಖೀ ಆಲೋಚನೆಲು ನೆಗ ತೋಜುಂಡು, ಅಲ್ಪಲ್ಪ ಕಯ್ಯಾರರ ಭಕ್ತಿದ ಭಾವೊಲು ಉರ್ಕುದು ತೋಜುನೆನ್ ತೂವೊಲಿ. ಗೇಯತೆದ ಗುಣ ಇಪ್ಪುನ ಅರೆನ ಕಬಿತೆಲು ಜನ ಸಾಮಾನ್ಯರೆಲ್ಲಾ ಅರ್ಥ ಆಪಿನವು, ಒಂಜಿ ನಾಡ್‌ ಕಟ್ಟುನ ಸಂದರ್ಭೋಡು, ಬಾಸೆ ಒರಿಪುನ ಸಂದರ್ಭೋಡು ಜನ ಸಾಮಾನ್ಯರೆಲ್ಲಾ ವಿಚಾರೊಲು ತಡ್ಕೊಂಡನೇ ಅವು ಸಾರ್ಥಕತೆ ಪಡೆಯೊನುನು. ಈ ದಿಟ್ಟಿಡ್ ನಮ ಕಯಾರರ ತುಳು ಕಬಿತೆಲೆನ್ ತೂವೊಡಾಪುಂಡು.
ಸೊಲೆ ಸಂದಾಯ: ಕಯ್ಯಾರೆ ಕಬಿತೆಲೆ ಬೂಕುನೊಂಜಿ ಇಂಚ ಮಲ್ಲುಗ ಪನ್ನಗ ಎಂಕ್ಲನ ಅಕಾಡೆಮಿದ ಮಾತೆಲ್ಲ ಉಂದು ನಮ್ಮ ಕಯ್ಯಾರೆರೆಗ್ ಅಕಾಡೆಮಿ ಕೊಪ್ಪುನ ಗೌರವೊ ಪಂದ್ ಸಂತೋಸುಡೆ ಒತ್ತೊಂದರ್, ಕರ್ನಾಟಕ ಸಾಹಿತ್ಯ ಅಕಾಡೆಮಿದ ಅಧ್ಯಕ್ಷೆ ಶ್ರೀಮತಿ ಎಮ್. ಜಾನಕಿ ಬ್ರಹ್ಮಾವರ, ರಿಜಿಸ್ಟ್ರಾರ್ ಶ್ರೀ ಬಿ. ಚಂದ್ರಹಾಸ ರೈಕುಲು ಅಂಚನೆ ಅಕಾಡೆಮಿದ ಸರ್ವ ಸದಸ್ಯೆರೆಗ್ಲಾ ಮೋಕೆಡ್ ಸೊಲೆ ಸಂದಾಯ ಮಲ್ಲೊನುವೆ. ಅಂಚನೆ ಕಯಾರೆರ ಈ ಬೇಲೆಡ್ ಎಂಕ್ ಸಕಾಯೊ ಮಲ್ತಿನ ಎನ್ನ ಗುರು ಸಮಾನೆರಾಯಿನ ಶ್ರೀ ಯು. ದಿವಾಕರ ರೈ ಮಂಜೇಶ್ವರ ದಾರೆಗ್, ಕಯ್ಯಾರರ ಕುಟುಮೊದಲ್ಲೆಲ್ಲಾ ಸೊಲ್ನಲು, ಪೊರುಡು ಅಚ್ಚಿ ಮಸ್ತ್ ಕೊರಿನ ಆಕೃತಿ ಪ್ರಿಂಟ್ಸ್‌ ಕಲ್ಲೂರು ನಾಗೇಶ ಬೊಕ್ಕ ಅರೆನ ಬಳಗದಗ್ ಅಂಚನೆ ಮಾತಾ ತುಳುವ ಬಂಧುಲೆಗ್ಲಾ ಅರ್ತಿಡ್-ಪಿರ್ತಿಡ್ ಸೋಲ್ಯೂತ್‌ ಸೊ ಸಂದಾವೆ.
09-08-2016 ರಘು ಇಡಿದು ಸಂಪಾದಕೆ
xii
