ಪುಟ:ಎಸ್ ಯು ಪಣಿಯಾಡಿ.pdf/೬

ಅಧ್ಯಕ್ಷೆರೆನ ಪಾತೆರೊ ತುಳುನಾಡ್, ತುಳುಬಾಸೆ, ಸಾಹಿತ್ಯ, ಸಂಸ್ಕೃತಿ ಉಂದೆತ ಬುಳೆಚಿಲ್‌ಗಾದ್ ಎಡ್ಡೆನ ಬೇಲೆ ಬೆಂದಿನ ನಮ್ಮ ಹಿರಿಯಕುಲೆನ ಸಾದನೆಲೆನ್ ಅಕುಲು ತುಳುಕು ಸಂದಾಯಿನ ಕಾನಿಗೆಲೆನ್ ಮಾತೆರೆಗ್ಲಾ ತೆರಿಪಾದ್ ಕೊರ್ಪಿನ ಉದ್ದೇಶೆಡು ಮದಪ್ಪಿಯೆರಾವಂದಿ ತುಳುವರ್ ಪತ್ನಿ ಬೂಕುಲೆ ಸರಮಾಲೆನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ನಿಕುಲೆ ಮಟ್ಟೆಲ್‌ಗ್ ಪಾಡೊಂದುಂಡು. ತುಳುಬಾಸೆ, ಸಾಹಿತ್ಯ, ಸಂಸ್ಕೃತಿ, ತುಳುನಾಡ್ ನನ್ನ ಮಿತ್ ಈ ಹಿರಿಯಕುಲೆಗ್ ಇತ್ತಿ ಮೋಕ ಅಬಿಮಾನೊಲೆನ್ ಈ ಬೂಕುಲೆಡ್ಸ್ ನಮ ತರಿಯನೊಲಿ, ತುಳುತ ಬುಳೆಚಿಲ್‌ ಬೋಡಾದ್ ನನ ಮಿತ್ತೊಗ್ ನಮೊ ಎಂಚೆಂಚಿ ಕಟ್ಟೋಲೆನ್ ಮಲ್ಲೊಲಿ, ಎಂಚ ದುಂಬು ಪೋವೊಲಿ ಪನ್ಸಿನನ್ ಈ ಬೂಕುಲು ತೋಜಿಪಾದ್ ಕೊರ್ಪೂ. ಅಕುಲೆನ ಉಮೇದ್ ಉರ್ಕು ಉಲ್ಲಾಸೊಲೆನ್ ಅಕುಲ್ ನಡತಿ ಸಾದಿಲೆನ್ ತೋಜಿಪಾವುನ ಹೂಡಲು ಈ ಬೂಕುಲು, ತುಳುನಾಡ ತುಳು ಚಳವಳಿನ್ ಸುರು ಮಲ್ತಿನಾರ್, ತುಳು ಸಾಹಿತ್ಯದ ಬುಳೆಚಿಲ್‌ಗ್ ಬೋಡಾದ್ ವ್ಯಾಕರಣ ಕಾದಂಬರಿ ಬರೆಯಿನಾರ್, ತನ್ನ ಒಟ್ಟಿಗೆ ಇತ್ತಿನಕುಲೆಡ ತುಳುಟು ಬರೆಪಾದ್ ತನ್ನ ತುಳು ಸಾಹಿತ್ಯ ಮಾಲೆಡ್ ಅಚ್ಚಿ ಮಲ್ಪಯಿನಾರ್, ತುಳು ಬಾಸ ಸಾಹಿತ್ಯದ ಬುಳೆಚೆಲ್‌ಗ್ ಬೋಡಾದ್ ತನ್ನ ಸರ್ವಸ್ಟೋನು ಕಳೆವೊನ್ನಾರ್ ಒಡಿಪುದ ಪಣಿಯಾಡಿ ಶ್ರೀನಿವಾಸ ಉಪಾಧ್ಯರ್. 1997ಗ್ ಆರ್ ಪುಟ್ಟುದು ಸರಿ ನೂರು ವರ್ಸೊ ಆಪುಂಡು, ಇಂಚಿತಿ ಅಮುರ್ತೊಗಳಿಗೆಡ್ ಪಣಿಯಾಡಿದಾರೆನ ವಿಷಯೊಡು ದಿಂಜ ಸಂಗತಿಲೆನ್ ಒಟ್ಟು ಮಲ್ತ್‌ದ್ ಪೂರ್ಲುದ ಬೂಕು ಬರಯಿನ ಶ್ರೀ ಮುರಳೀಧರ ಉಪಾಧ್ಯರಗ್ ತುಳು ಸಾಹಿತ್ಯ ಅಕಾಡೆಮಿತ ಸೊಲು. ಈ ಬೂಕುನು ಪೊರ್ಲು ಪೊಲಿಕೆಡ್ ಅಚ್ಚಿ ಮಲ್ಲಿನ ಪ್ರತಿಮಾ ಪ್ರಿಂಟ‌ದ ಯಜಮಾನಿ ಶ್ರೀ ಜಯರಾಮ ಶೆಟ್ ಬೊಕ್ಕ ಆರೆನ ಸೇರಿಗೆದಕುಲೆನ್ ಅಕಾಡೆಮಿ ನೆನೆತೊಂಡು. ಪ್ರೊ. ಬಿ.ಎ. ವಿವೇಕ ರೈ ಅಧ್ಯಕ್ಷೆ‌ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ