ಪುಟ:ಎಸ್ ಯು ಪಣಿಯಾಡಿ.pdf/೪೦

ಮನಸ್ಸಿನಿ ಸಂಪೂರ್ಣ ನಾಸ್ತಿಕ ಮಾರ್ಗಂಟು ಕೊಂಡು ಪೋವರಗ್ ಬಲ್ಲಿ. ಪ್ರಕೃತ ವಿದ್ಯಾಭ್ಯಾಸತ್ತಾವರ ಅನೇಕ ಜನಂಕುಳು ಮೋಸ ಬೂಳೋರ್, ಎಂಚೆಂಚಿತ್ಕಾಯ್ ನಮ ದೇಶಂಕು ಬತ್ತ್ ವೇದಾಗಮಂಕೈಗ್ ಪ್ರತಿಯಾತ್ ಬೇತೆ ಮತನಿ ಸ್ಥಾಪನೆಂಪೆನ್ನಗ ಆನದ್ದಿ, ಸಾಕ್ಷಾತ್ ವಿಷ್ಣು ಅವತಾರಂತ್ ಪಡ್ಕೊಂಡುತಿಪ್ಪಿ ಗೌತಮ ಬುದ್ಧನೇ ಬತ್ತ್ ಪೊಸ ಮತನಿ ಸೃಷ್ಟಿಯಂತ್ಂಡಲಾ ಅವು ಮೂಳು ಹೆಚ್ಚು ಪೊಳ್ಳು ಎಂತಂತೆ ಹಿಂದೂಸ್ಥಾನತ್ ಪಿದಯೇ ಪೋನು. ಇಂದನ್ನೇ ಆರ್ಯ ಜನಂಕೈ ಗುಣಾಂಶಂಟು ನಿಷ್ಪಕ್ಷಪಾತನಿಲಾ ತತ್ವಜ್ಞಾನಂಟಿಪ್ಪಿ ಶಕ್ತಿ ವೈಚಿತ್ರ್ಯನಿಲಾ ಸೂವೊಳಿ, ಜಾಯೆಗನ್ನಗ ಗೌತಮನ ತ್ಯಾಗ ಶಕ್ತಿನಿಲಾ ವೈರಾಗ್ಯನಿಲಾ ಸೂನು ಆಯೆ ಮಹಾವಿಷ್ಣು ದಶಾವತಾರಂಡ್ ಒಂಜಿ ಅವತಾರಂತ್ ಒಪ್ಪಿತ್‌ಂಡಲಾ ಉಪದೇಶ ತತ್ವಜ್ಞಾನಂಕು ಸರಿಯಾತ್ ಪತ್ತುರಿಂತ್ ಅವೈನಿ ಗೇತೋದ್ಯ‌, ಆಯನಿ ಪೂಜೆಂಪ‌. ಆಯ ಪಾತೆರನಿ ಮಾತ್ರ ನಂಬುರಿಯರ್. ಸೂಲೆ ಆರ್ಯಕ್ಕೆ ಶಕ್ತಿ ವೈಚಿತ್ರ್ಯನಿ. ಪ್ರಿಯ ಮಹಾಶಯರೆ ನಮ್ಮ ಪ್ರಾಚೀನ ಋಷಿಕ್ಕು ಇಡೀ ಆಯುಷ್ಯನಿ ಕಳೆವೋಂಡುತು ನಾಡ್ ಪಸ್‌ದಿ ಸನಾತನ ದರ್ಮ ಮಾರ್ಗನೆ ನಮಳು ಶಾಶ್ವತ ಆಂತು. ಇಂದೆಕ್ ಪ್ರತಿಯಾವೊಂಡು ತಿತ್ತಿ ಏರ ಆಶಂಕುಳು ಬತ್ತ್ಂಡಲಾ ಗಾಳಿಗ್ ಪಾರ್‌ ಪೋಪುಣಿ, ಆಂಡ ಆ ಮಾರ್ಗನಿನಾವು ಹಾಳಂತೆಂತು ಪಣೆಕ್ ಮಾತ್ರ ಕಣ್‌ನೀರ್ ಬುಡೊಡಾಪುಣು, ನಮ ಕರ್ಮಮಾರ್ಗ ಪೂರಲ ನಾಟಕಂತಕ್ಕ ಆವೋತನು. - ಇನಿಯಾತಡ ಎಲ್ಲೆ ಪುನರುಜೀವನ ಆವಂತೆ ಕುತೋಣಾನ್ ಸೂಲೆ ನಮ ನಾರಾಯಣರಾಯ ಇತಮುಟ್ಟ ಮಂತಸುಳ್ಳುಂತು ಪಣೋಂಡುತ್ತಿತ್ತ್ತ್ ಇನಿ ಮೆಲ್ಲ ಬ ಕೇರೆಗ್ ಕಚ್ಚಕಟೈರ್, ಅಂತು ಬೊಕಾರ ಆಜಿಗಂಟೆ ಆವೊಡುತ್ತು ದುಂಬು ರಾಮಸ್ವಾಮಿ ಶಾಸ್ತ್ರಿ ಇಲ್ಲಾಗ್ ಪೋಯೆ, ಆ ಶಾಸ್ತ್ರಿಗ್ ಜಾಲ ಗೊತ್ತುದ್ದಿ. ಆಂಡ, ಬಹು ಬುದ್ದಿವಂತೆ. ಜನಂನಿ ಮೋಸಂತ್‌ತೆ ಸಾಮುದ್ರಿಕ, ಪ್ರಶ್ನೆ ಇತ್ಯಾದಿಳನ್ ಪಣೆ- ಆಯಗ್ ಬೇತೆ ಜಾಲ ವೃತ್ತಿದಾಂತೆ ಇತಾವರ ಉಂದೆನಿಯೆ ಗಟ್ಟಿಯಾತ್ ಪಸ್‌ದೆ. ಪಣ್ಣುಟ್ ಪತೈಕ್ ಐನ್ ಸರಿಯಾವೊಂಡು ತಿತಾವರ ಪುದಾರ್ ಹೆಚ್ ಬರ್ತ್‌ನ್, ಐಟ್ರೋಲಾ ಸಾದಾರಣ ಜನಂಕ್ಕೆ ವರ್ಗತ್ ಮಲ್ಲೊ ಪುದಾರ್ ಕೇಣ್ದೆ. ಆಯ ಪುದಾರ್ ತಿರುವಲ್ಲಕೇಣುಡ್ ಮಂತೆರೆಗ್‌ಲಾ ಗೊತ್ತುಂಡು. ಆನೈತಾವರನೆ ನಮ ರಾಯೆರ್‌ಲಾ ಮೆಲ್ಲ ಸವಾರಿ ಬುಡೈರ್ ಮೋಕೆ ಅಂಗಿ ಇಜಾರ ಹೇಟ್ ಬೂಟ್ಟು ಸೂತು ಇನಿತ ಅಶನಂತ ಕಾಸ್‌ಗ್ ಮೋಸ ಇದ್ರಿಂತ್ ಯೋಚನೆಂತೆ, ರಾಯೆರ್ ಪ್ರಶ್ನೆ ಆವೊಡುಂತು ಪತಾವರ ಶಾಸ್ತ್ರಿಳು ರಾಶಿ ಕುಂಡಲಿನಿ ಪಾಡ್‌ತ್ ರಾಯರ ಮೋಣೆನಿಲಾ ಅಟ್ಟನಿಲಾ ಸೂವರೆಗೆ ಸುರುವಂತೆ‌. ರಾಮಸ್ವಾಮಿ - ರಾಯರೆ ಈ ಕುಂಡಲಿಳೆಡ್ ಒಯಿಟಾಂಡಲ ಒಂಜೈತಮಿತ್ ನಿಂಕ್ಷೆ ಇಷ್ಟ ದೇವರೆನಿ ನೆನೆತೋಂಡುತು ಬಂಗಾರ್ ಅತವಾ ಬೊಳ್ಳಿದೊ ಕಾಣಿಕೆ ನಿಜಿ. 32