ಪುಟ:ಎಸ್ ಯು ಪಣಿಯಾಡಿ.pdf/೩೨

ಬೇತೆ ಪಾತೆರದಲ್ಲಾ ತುಳುನಾಡ್‌ಡ್‌ ಉಳ್ಳೆರ್. ಆಜನೆ ವಿಭಕ್ತಿ - ಅಧಿಕರಣ ತೋಜಿಪಾವರೆಗ್ ಈ ವಿಭಕ್ತಿ ಬರ್ಪುಂಡು - ಬಾರ್ಕೂರು ರಾಜಧಾನಿ ತುಳುನಾಡ್‌ಡ್ ಇತ್ತಿನಿ, ಕಾರಣನ್ ತೋಜಿಪಾವರೆಲಾ ಈ ವಿಭಕ್ತಿ ಬರ್ಪುಂಡು - `ಪರದೇಶಿ ಮೋಹಡ್ ಸ್ವದೇಶಿ ಪೋಂಡು'. ಏಳನ ವಿಭಕ್ತಿ- ಪಣ್, ಪಾತರ್‌, ಕೇಣ್, ನಟ್ಸ್, ಕೊರು, ಕೊಹ್ಲಿ, ಪಾಡ್, ನೆರ್, ಪೊಗಳ್, ನಡ್ ಧಾತುಳೆ ಪ್ರಯೋಗಡ್ ಕರ್ತೃದ ಪ್ರತಿ ವ್ಯಕ್ತಿಗ್ ಈ ವಿಭಕ್ತಿ ಬರ್ಪುಂಡು - ತುಳುನಾಡ್‌ದ ಉದ್ಧಾರ ಆವೊಡಾಂಡ ಪ್ರತಿ ಒರಿ ತುಳುವಡ ಪಣೋಡು, ಪಾತೆರೊಡು, ಕೇನೊಡು, ನನ್ನೊಡು. ಎಮ್ಮನೆ ವಿಭಕ್ತಿ. ಲೆಪ್ಪುನಗ ಸಂಬೋಧನೆನ್ ತೋಜಿಪಾವೆರೆಗ್ ಈ ವಿಭಕ್ತಿ ಬರ್ಪುಂಡು - ಓ ದೇವರ ? ತುಳುನಾಡ್‌ನ್ ಉದ್ಧಾರ ಮಳು' (ಪಣಿಯಾಡಿ - 1932, ಪುಟ 34) ಸಂಸ್ಕೃತೊಡು ಮಲ್ಲ ಪಂಡಿತೆರಾದಿತ್ತಿನ ಪಣಿಯಾಡಿದಾರ್ ತುಳು ವ್ಯಾಕರಣೆನು ಬರೆನಗ ಸಂಸ್ಕೃತದ ರಾಜಮಾರ್ಗೊಡು ತುಳುತ್ತ ಅಡ್ಡತಾದಿಗ್ ಬೈದಿನ ಗೊತ್ತಾಪುಂಡು. ಆರ್ ತುಳು ವ್ಯಾಕರಣದ ಮುನ್ನುಡಿಟ್ಸ್ ಬರೆದಿನ ಈ ಪಾತೆರೊನು ಮದಪ್ಪರ ಬಲ್ಕಿ - "ಸರಿಯಾದ್ ತೂಂಡ ದ್ರಾವಿಡ ಬಾಸೆಲೆಗ್ ವ್ಯಾಕರಣನು ಬರೆನಗ ಸಂಸ್ಕೃತ ವ್ಯಾಕರದೊಯ್ದು ಬೇತೆ ನಮೂನೆದ ರಚನಾಕ್ರಮೊನ್ ಒಂತೊಂತೆ ಅನುಸರಣೆ ಮಲ್ಲೊಡಾವುಂಡೂಂದ್ ಎನ್ನ ಅಭಿಪ್ರಾಯ" ತುಳು ನಿಘಂಟ್‌ ಪ್ರಧಾನ ಸಂಪಾದಕೆ, ಭಾಷಾಶಾಸ್ತ್ರಜ್ಞೆ, ಡಾ | ಯು.ಪಿ. ಉಪಾಧ್ಯಾಯ‌ ಪಲೆಕ್ಕ " ಈ ದೃಷ್ಟಿಡ್ ಪಣಿಯಾಡಿದಾರ್ ತುಳು ಧ್ವನಿಕುನ್ ಸರಿಯಾದ್ ತೂತೆರ್‌ಂದ್ ಪಣೋಲಿ. ಉಬೊಕ್ಕ ಎ ಕಾರೊಲೆನ ರಸ್ಟ್ ರೀತಿದ ಉಚ್ಚಾರಣೆಗೆ ಸ್ವತಂತ್ರ ಧ್ವನಿಕುಲೆ ಸ್ಥಾನೂನು ಕೊಯ್ದು ತನ್ನ ವಿವೇಚನಾ ಸಾಮರ್ಥ್ಯನು ತೋಜಾದರ್, ಋ, ಋ, ಅನುಸ್ವಾರ, ವಿಸರ್ಗ, ಜಿಹ್ವಾಮೂಲೀಯಲು, ಮಹಾಪ್ರಾಣೋಲು, ಶ ಷ ತುಳು ಬಾಸೆದ ಜಾಯಮಾನೊಗು ಸೇರಿನ ಅತ್‌ಂದ್ ನಿಷ್ಕರ್ಷ ಮದ್ ಪಣೆ‌, ಸಂಸ್ಕೃತ, ಕನ್ನಡೊಡ್ಡು ಕಣದಿನ ಶಬ್ದಲೆಗಾದ್ ಅಯ್ಯಲೆನ್ ಬರಹೊಡು ದೀವೊಲಿ, ಐ, ಔ – ತುಳು ಬಾಸೆದ ಧ್ವನಿಕುಲೆಗ್ ಸೇರಿನ ಅತ್ತ್ ಇನ್ಸಿನ ಅಭಿಪ್ರಾಯೊನ್ 50 ವರ್ಸೊಡು ಪಿರವು ನಾಡ್ಜ್ ಪಸ್‌ರ್‌, ಮೇರೆನ ಧ್ವನಿ ವಿಶ್ಲೇಷಣಾ ಸಾಮರ್ಥ್ಯನ್ ಇತ್ತೆದ ಭಾಷಾ ವಿಜ್ಞಾನಿಲುಲಾ ಪುಗರೊಡಾಪುಂಡು... ಪಣಿಯಾಡಿದಾರ್ ಧ್ವನಿ, ಸಂಧಿ, ಸಮಾಸ, ವಿಭಕ್ತಿಲೆನ ನಿರೂಪಣೆ ಅಂಚನೆ ಪ್ರಕೃತಿ ಪ್ರತ್ಯಯೊಲು ಸೇರಗ ಆಪುನ ಮಾರ್ಪಾಡುಲೆನ ಖಚಿತ ವಿಶ್ಲೇಷಣೆ ನೆಟ್ ಮಾತ ತನ್ನ ಪಾಂಡಿತ್ಯೋನ್ ತೋಜಾದರ್” (ಕು.ಶಿ. ಹರಿದಾಸ ಭಟ್‌ (ಸಂ) 1981) - 1 24