ಪುಟ:ಎಸ್ ಯು ಪಣಿಯಾಡಿ.pdf/೧೮

ه ಅಪಭ್ರಂಶ ಪಣಿ ಕೆಲವೆರೆನ ಕಲ್ಪನೆಗ್ ಅಡಿಮುದಲ್ ಇಜ್ಜಿ, ದ್ರಾವಿಡ ಬಾಸೆಲೆನ ಚರಿತ್ರೆನ್ ವಿಮರ್ಶೆ ಮಲ್ತ್‌ಂಡಲಾ, ಭಾಷಾಶಾಸ್ತ್ರದ ದೃಷ್ಟಿಡ್ ವಿಮರ್ಶೆ ಮಲ್ತ್‌ಂಡಲಾ ಒಯಿತಲಾ ಅಪಭ್ರಂಶ ಅತ್ಯಂದ್, ತಮಿಳ್, ಕರ್ನಾಟಕ, ಆಂಧ್ರ, ಮಲಯಾಳ ಲಕ್ಕನೇ, ಸ್ವತಂತ್ರ ಬಾಸೆಂದ್ರಾ, ಮಾತ ಬಾಸೆಲಾ ಮೂಲದ್ರಾವಿಡ ಬಾಸೆಡ್ಜ್ ಪುಟ್ಟುದಿನಂಾ ಭಾಷಾ ವಿಜ್ಞಾನಿಲು ತೆರಿಯಂದಿನ ಸಂಗತಿ ಅತ್ತ್. ಉಂದುಲಾ ಅತ್ತಂದೆ, ಉಚ್ಚಾರಣೆದ ವ್ಯತ್ಯಾಸೊಡ್ಡು ಒಂಜೇ ಶಬ್ಲೊಗು ಅರ್ತ ಬೇತೆ ಆಪಿನ ಇಚಿತ್ರನ್ ತೂಂಡ ತುಳುಬಾಸೆದ ವೈಶಿಷ್ಟ್ಯ ತೋಜುಂಡು, ತುಳುಬಾಸೆನ್ ಶಾಸ್ತ್ರೀಯ ದೃಷ್ಟಿಡ್ ಕಲ್ಪಂದೆ ಆಯಿತ ಪೊರು ತೋಜಿಬರಂದ್. ನನ ತುಳು ಬಾಸೆದ ಸಾಹಿತ್ಯೋಡು ಇಂಚಪದ ಒಂತೆ ಬೂಕುಲು ಅತ್ತಂದೆ ಬೇತೆ ಓವ್‌ಲಾ ತಿಕ್ಕುಜ್ಜಿ, ನೆತ್ತ ಪ್ರಾಕ್‌ರ ಸಾಹಿತ್ಯದ ವಿಚಾರೊಡು ಭಾಷಾಶಾಸ್ತ್ರಜ್ಞೆರೆನ ಅಭಿಪ್ರಾಯೊಲು ಬೇತೆ ಬೇತೆ ಉಂಡು, ತುಳುಕು ಪ್ರತ್ಯೇಕ ಲಿಪಿಲಾ ಉಂಡು. ಕನ್ನಡ ತೆಲುಗು ಲಿಪಿಕುಲೆಗ್ ಇಪ್ಪುನಾತೇ ಎತ್ಯಾಸ ತುಳು ಮಲಯಾಳ ಲಿಪಿಕ್‌ಲಾ ಉಂಡು, ಪ್ರಾಕ್‌ದ ಸಾಹಿತ್ಯ ತಿಕ್ಕದಿಜ್ಜಿ ಇನ್ಸಿ ಕಾರಣಡ್ ದುಂಬಗ್ ಸಾಹಿತ್ಯನ್ ಬುಲೆಪಾವರೆ ಬಂದ್ ದಾಲ ಇಜ್ಜಿ. ನನ, ಮಿತ್ ಪಣ್ಣಿನ ಸಂಗತಿಲೆನ ಬಗ್ಗೆ ಇಚಾರ ಮಲ್ಲುಗ ತುಳುವರನ ಇತ್ತದಸ್ಥಿತಿ:ತುಳುವೆರ್ ತಂಕುಲೆಡ ಇತ್ತಿನೆನ್ ಮಾತನ್‌ಲಾ ಕಲೆವೊಂದಿಪ್ಪುನಾವರ ಅಗಲೆಡ ಸ್ವಾಭಿಮಾನ ಚಿಹ್ನೆ ಇಜ್ಜಿಂದ್ ಆತ್‌ಂಡ್, ಇಲ್ಲಡ್ ಪಾತರಿನ ಬಾಸೆ ಒಂಜಿ, ಪಿದಾಯಿ ವ್ಯವಹಾರ ಮಲ್ನೋಡಾಯಿನ ಬಾಸೆ ಒಂಜಿ - ಇಂಚ ಆಯಿನೆಡ್ಡಾವರ ಏತೋ ತುಳುವರ್ ಸಾರ್ವಜನಿಕ ಸಂಸ್ಥೆಲೆಡ್ ತಂಕುಲ್ನ ಗ್ರಯಿಕೆನ್ ಪಣರೆಗಾವಂದೆ ಸೋಪುವೆರ್. ನೆಡ್ಡಾವರ ಏತೊ ಮಲ್ಲ ತಪ್ಪುಲು ಆ‌ಪೋಪ, ಸಾರ್ವಜನಿಕ ಸಂಸ್ಥೆಲೆಡ್ ಇಂಗ್ಲಿಷ್ ಇಜಿಂಡ ಕನ್ನಡೊಡು ಭಾಷಹೊಲೆನ್, ಚರ್ಚೆಲೆನ್ ಮಲ್ಪಾವುನೆಡ್ಡಾವರ ಏತೋ ಜನ ತುಳುವೆರೆಗ್ ಆರ್ತ ಆವಂದೆ ಪೋಪುಂಡು, ಮಾತಾ ಕನ್ನಡ ಕಲ್ಲಿನಗುಲತ್, ಒಂತೆ ಕಲ್ಲಿನಗಲೆಗ್ ತೆರಿಯುಜ್ಜಿ. ಇಂಚಾದ್, ತುಳುವೆರೆಗ್ ಆಪಿನ ಕಷ್ಟಲಾ ನಷ್ಟಲಾ ಆತೀತತ್. ಇಂಚಿನ ಸಂದರ್ಬೊಡು ತುಳು ಬಾಸೆಡ್ ಪಾತೆರಿನಲಾ ತಪ್ಪು ಇನ್ನಿನ ಕಲ್ಪನೆ ಮಸ್ತ್ ತುಳುವೆರೆಗ್ ಬೈದ್‌ಂಡ್. ಎಂಕಲ್ನ ದೇಲೊಡು ಕಾಂಗ್ರೆಸ್ ಒಂಜೆನ್ ಬುಡುಂಡ ಸಾರ್ವಜನಿಕ ಸಂಸ್ಥೆ ಬೇತೆ ಒವ್‌ಲಾ ಇಜ್ಜಿ. ಬೇಂಕ್ ಸೊಸೈಟಿಲೆನ್ ಬುಡುಂಡ ಜನೊಕುಲು ಒಂಜಿ ಕಡೆಟ್ ಒಟ್ಟಾವರೆ ಸಾಧ್ಯ ಇಜ್ಜಿ. ಕಾಂಗ್ರೆಸ್ ಚಳವಳ ಬಜೀ ರಾಜಕೀಯದ ಆದಿಪ್ಪುನೆಡ್ಡಾವರ, ಅಭಿಪ್ರಾಯಭೇದ ಬೊಕ್ಕ ಬೇತೆ ಕಾರಣಡ್ಡಾವರ ಮಾತಲ್ಲಾ ಒಟ್ಟಾಪುಜ್ಜೆ‌, ಅವು ಅತ್ತಾವಂದ, ಜಾತಿ ಸಂಸ್ಥೆಲು ಮಸ್ತ ಉಲ್ಲ. ಅ‌ಕುಲು ಮಾತಾ ತುಳುವೆರೆನ್ ಆಯಿನಾತ್ ಬೇತೆ ಬೇತೆ ಇಪ್ಪುಲಕ್ಕೆ ಮಲ್ಲೊಂದುಲ್ಲ. ತಂಕುಲು ಕರ್ನಾಟಕದಗುಲು ಇನ್ನಿನ ಗ್ರಯಿಕೆ ಸಾಧ್ಯ ಇಜ್ಜಂದಿನದ್ದಾವರ ತುಳುವೆರಾಜ್ ಒವೊಂಜಿ ಚಳವಳಿನ್ನಾ 10