ಪುಟ:ಅಬ್ಬಗೆ – ದಾರಗೆ.pdf/೮

"ಅಚ್ಚರೇ ಈ ಬಾಲೆನ್ ಇರೆ ಕೈಟ್ ಪಾಡೊಡೂಂದು ಸತ್ಯನಾಪುರದ ಸತ್ಯದ ಮಗಲ್ ಸಿರಿ ಪಂತಲ್" ಉಂದು ಸಿರಿ ಪೆದ್ದಿನ ಬಾಲೆ. ಈ ಬಾಲೆಗ್ ಸಿರಿಯೇ 'ಸೊನ್ನೆ' ಪತ್ನಿ ಪುದರ್‌ ಪಾಡಲ್, ಇರೆ ಕೈಕ್ ಬಾಲೆನ್ ಕೊರುಡು ಪಂಡಿ ಸಿರಿ ಮಾಯಾತಲ್! ಬಾಲೆನ್ ಕಣ್ ಕಾವಲ್ ದೀದ್ ಈರ್ ತಾಂಕೊಡು. ಪಂಡಿನ ಸಾಮು ಸೊನ್ನೆನ್ ಅಜ್ಜೆರ ಕೈಟ್ ಕೊರಿಯಲ್ ಸಿರಿ ಪೆದ್ದು ಬೇನೆನ್ ಜಾರಾವೊಂದಿನಂಚ, ಸಾಮು ತುಂಬಿ ಪುದೆನ್ ಜಾರಾವೊಂಡಲ್! ಅಜ್ಜೆರ್ ಸೊನೈನ್ ಕೈ ನಿಲ್ಕೆ ಅರಾಪತೊಂಡೆರ್! ಮೈ ನಿದ್ರೆ ಮುತ್ತು ಕೊರಿಯರ್, ಸಾಮುನು ಬಾಮಿದ್, ಅಸರ್‌ಗ್ ಪೇರ್ ಕೊರಿಯೆರ್. ಬೇಸರ್ ಮಾಜುನ ಪಾತೆರ ಪಾತೆರೆ‌, ಸಾವು ಉಂತಂದೆ ಊರಂದ ಕಾನೊಟ್ಟುಡು ಪಿದಡ್ ಬತ್ತಲ್, ಕಾನ ಬೊಟ್ಟುದ ಅಚ್ಚೆರ್ ಸೊನ್ನೆಗ್ ಕಣ್ಣೆಡ್ ಕಣ್ ದೀದ್ ತೂಕಿಯೆರ್. ಅಪ್ಪೆದಾಂತಿ ಬಾಲೆ, ತಿರ್ತ್ ದೀಂಡ ಪಿಜಿನ್, ಮಿತ್ ಪತ್‌ಂಡ ಗಿಡಿ ಕೊನೋವು ಪನ್ನಿನಂಚ ಜೋಕೆ ಮೋಕೆಡ್ ತಾಂಕಿಯೆ‌. ಪೊರ್ತು. ಅಜ್ಜೆರೆ ತಾಂಕನೊಡು ಸೊನ್ನೆ ಬುಲೆದ್ ಬಲಿಕೆ ಆತಲ್. ಪೊಣ್ಣು ಪೋದು ಪೊಂಜೊವಾಪಿನ ಕಣ್ಣ ದುಂಬು ಬುಲೆಯಿನ ಸೊನ್ನೆನ್ ತೂದು- ನನಲಾ ಸೊನ್ನೆನ್ ಇಲ್ಲಡ್ ಕುಲ್ಲಾವುನ ಸಮ ಅತ್ತೆ. ಅಲೆಗೊಂಜಿ ಒಪ್ಪ ತಪ್ಪದ ಆಣ್ ಗೊತ್ತು ಮಲೊಡು ಪಂಡೆರ್, ಪೊದು ನಾಡಿಯೆರ್. ಕೆದಿಂಜೆವರಾಡಿ ಗುತ್ತು ಬಾರಿಕೆದ ಇಲ್ಫ್. ಅವುಲು ಜಾರು ಮಾರ್ಲನ ಮೆಗ್ಗೆ, ಉರ್ಕಿದೊಟ್ಟು ಗುರು ಮಾರ್ಲೆ, ಸೊನ್ನೆನ್ ಗುರು ಮಾರ್ಲಗ್ ಸಂಬಂದ ಪಾರ್ದ್ ಪೊದು ನಿಶ್ಚಯ ಮಿರ್. ಪದ್ದೆಯಿ ಅಜ್ಜೆರ್ ಸೊನ್ನೆಗ್ ಬೋಡುತ್ತಿನ ಪದ್ದೆ ಬಂಗಾರ್ ಮಲ್ಪಾಯೆರ್, ನೆಗ್ ನೆತ್ತಿ ಬೈತಲೆ, ಜಡೆಕ್ಟ್ ಜಡೆ ಗೊಂಡೆ, ಸೊಂಟೊಗು ಸೊಂಟ ಪಟ್ಟಿ, ಉರಿ ಗೆಜ್ಜೆ, ಕಾರ್‌ಗ್ ಕಾರ್‌ಂಗಿಲ, ಕೈಕ್ ಮುದ್ರೆದುಂಗಿಲ, ಕೆಕ್ಕಿಲ್‌ಗ್ ಮುತ್ತುದ ಕಂಠಿ, ಚಕ್ರಸರ, ಪವನ್ ಸರ, ಬಗೆ ಬಗೆ ಬಣ್ಣದ ಬಂಗಾರ್ ಪಾಡಿಯೆರ್. ಊರು ಪರ ಊರುಗು ಓಲೆ ಕಾಡಾಯ‌. ನೆರೆ ಕರೆ ಕೂಡಾಯ‌. ಒಕ್ಕೆಲ್ ಸಲ್ ಲೆಪ್ಪುಡಾಯ‌. 7