ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಅಬ್ಬಗೆ - ದಾರಗೆ ಸತ್ಯದ ಸಿರಿ, ಕೈಪತಿ ಕಂಡನೆ ಕಾಂತು ಪೂಂಜನ ನೀತಿ ನಡತೆಗ್ ಬೆಂಗೊಂದು, ಕಂಡನಿಲ್ಲದ ಸಂಬಂದ ಕಡ್ದ್ ಬೈದಲ್, ತೆಟ್ಟಿನಾಯಗ್ ತೆನ್ಮಯಿ ರಾಜ್ಯಗೆ ಪನ್ನಿನ ಪಾತೆರ ತೆರಿನ ಸಿರಿ ಬೊಳನ್ ದಾಂಟ್‌ ಜೋಳದ ತಾದಿ ಪತ್‌ದಲ್. ಬೋಳದ ಅರಸುಲು ಸಿರಿನ್ ಎದ್‌ಕೊಂದು ಲೆತೊಂದು ಬತ್ತೆರ್. ಕರಿಯ ಕಾಸಿಂಗೆ - ಬೊಲ್ಯ ದೇಸಿಂಗ ಬೊಳದ ಕ್ಷತ್ರಿಯ ಅರಸುಲು ಸಿರಿನ್ ಒಪ್ಪ ಪುಟ್ಟಿ ತಂಗಡಿನಂಚ ತೂದು ಆಶ್ರಯ ಕೊರಿಯೆರ್. ಸಿರಿ ಪೆದ್ದಿನ ಕಡೀರ ಬಾಲೆ ಕುಮಾರನ್ ಬೋಳಗ್ ಬರೊಡ್ಡ ದುಂಬೆ ಸಿರಿ ಮಾಯ ಮಲ್ಬಲ್, ಅಲೆನ ಬೆರಿ ನಿರೆಲ್ ಆದಿತ್ತಿನ ದಾರುಗುಲ ಅಷ್ಟೇ ಸಾದಿ ತೋಜಾದಲ್. ಬೋಳದ ಅರಸುಲು ಸಿರಿನ್ ಕೊಟ್ಟರಾಡಿದ ಕೊಡೈರ ಆಳ್ವಗ್ ರಡ್ಡನೇ ಮದಿಮೆ ಮಲ್ತ್ ಕೊರಿಯೆರ್. ಕೊಡರ ಆಳ್ವನ ದುಂಬುದ ಬುಡೆದಿ ಸಾಮು, ಸಿರಿ ಕೊಟ್ಟರಾಡಿಗ್ ಬತ್ತ್ ಪೊಗ್ಗು ನಗ ಸಾಮುಗು ಸಿರಿ ಪಗೆಮಾನಿ, 3
