ಪುಟ:ಅಬ್ಬಗೆ – ದಾರಗೆ.pdf/೩೫

ಆತಾನಗೆ ಅಚ್ಚೆರೆ ಕಣ್ಣಿಗ್ ಉಲ್ಕೆಲ್ಲ ಬಾಯಿ ಕಲ್ನೋಡಿತ್ತಿ ಬಚ್ಚಿರೆ ತೋಜಿ ಬಗ್ಲೆಂಡ್, ಬಚ್ಚಿರೆಡ್ ಬರತ್ತಿ ಓಲೆ ದೆತ್ತೆರ್, ಓಲೆಡ್ ಬರತ್ತಿ ಒಕ್ಕಣೆ ಓದಿಯೆರ್. ಅಬ್ಬಗ - ದಾರಗ ಉಸ್ಟೆಲ್‌ಗ್ ಬೂರಿನ ಸಂಗತಿ ತೆರಿಂಡ್. ಅಸ್ಟೆ‌ ತಡೆ ಬುಡಾರ ಮಲ್ಪಂದೆ ಉರ್ಕಿದೊಟ್ಟುದ ಬಂಗಾರ ಜಲ್ಲ ಕನಪಾಯೆರ್. ನೀಂದೊಂದಿತ್ತಿನ ಪಿಂಗಾರದ ರಡ್ ಪಾಲೆಲೆನ್ ಮಿತ್ತ್ ಗೆರ್, ಮಿತ್ ಬನ್ನಗ ಅವು ರಡ್ಡಲಾ ಅಬ್ಬಗ - ದಾರಗನ ಜೀವ ಪೋತಿನ ಪುನ ಆದ್ ತೋಜಿಂಡ್. ಪುನ ಉಲಯಿ ಕನತ್ತೆರ್, ಚಾವಡಿ ತನ್ನ ತರೆ ಬಡಕಯಿ ಕಾರ್ ಪಾಡ್ ಜೆಪುಡಾಯೆರ್. ಸೊನ್ನೆ ಮಾರ್ಲೆರ್ ಜೋಕುಲೆ ಪುನತ್ತ ಮಿತ್ತೇ ಬೂರು ತರೆಕ್ ತರೆ ದರ್ತೊಂಡೆ‌. ಬುಲಿತ್ ಬುಲಿತ್‌ ಮತಿ ಕೆಟ್ಟಿಯೆರ್. “ಓ ಬೆಮ್ಮೆರೇ ಅರ್ತಿಡ್ ಕೊರಿಯರ್, ಕುಡುದೇ ಕೊನೆಯರ್‌? ಪನ್ನಿ ಪರಕೆನ್ ಬಾಕಿ ದೀವೊಂದು ನಿಕಲೆ ಜೀವೊನು ಎಂಕಲೆ ಕೈಟೇ ದೆತ್ತನೆ ಮಗಾ? ಅಯ್ಯೋ ದೇವರೇ ಈ ಪೊರ್ಲುನು ಈ ಮರ್ಲಾಟಕದ ಗೊಬ್ಬುನು ನನ ಓಲು ತೂಪಿನಿ? ನಿಕಲೆ ತರೆಕ್ ರಡ್ಸ್ ಅರಿ ಪಾಡುನ ಪುಣ್ಯಲಾ ದಾಂತೆ ಪೋಂಡೆ ಮಗಾ? ♡ "ತೆಲಿತ್ ನಲಿಪುನ ಮದಿಮೆದ ಇಲ್ಲಿ ಮಸಣಾದ್ ಪೋಂಡೇ - ಓ ಅಜ್ಜೆರೇ ವಾ ಸುಕ್ಕು ನನ ಬದುಕೊಡು? ಒಟ್ಟೆನ್ ತೂದು? ಒವು ನೆನೆಪುಡು ಬದುಕೊಡು? ಅಜ್ಜೆರೇ ಎಂಕಲೆಗ್ ವಾ ಗತಿ? ವಾ ನಿರಲ್?" ಬುಲ್ಲಿ ಬುಲಿತ್‌ ಮತಿ ತತ್ತ್ದ್ ನೆಲಟ್ ಬೂರೆರ್ ಸೊನ್ನೆ ಮಾರ್ಲೆ, ಕೂಡ್ಲಿ ಊರ ಕುಲು ಕುಕ್ಕುದ ಮರ ಕಡೆ‌, ಸುಡ್ಕಲದ ಕಂಡೊಡು ಕಾಟ ಗೂರಿಯೆ‌. ಮಂಜೊಲು ನೀರ್ ಮೀಪಾಯೆರ್, ಸೊನ್ನೆ ಮಾರ್ಲೆರಡ ಪುನ ಬಾಯಿಗೆ ತುಳಸಿ ನೀ‌ ಕೊಪ್ಪಾಯೆರ್. ದೀಯೆರ್. ಜೋಡು ಪಲಯಿ ಕನರ್, ಸುಡಲದ ಕಂಡೊಗು ತುಂಬಿಯೆರ್, ಕಾಟೊಡು ಮತಿ ದಾಂತೆ, ಬಾಡಿ ಬಸಳೆದಂಚಾತಿನ ಸೊನ್ನೆ ಮಾರ್ಲೆರೆನ್ ಕೈ ಪತ್ಪ ಕಾಟೊಗು ಮೂಜಿ ಸುತ್ತು ಬಲಿ ಕನತ್ತೆ‌! ತೆನ್ನಾಯಿ ಮೋನೆ ಮಲ್ತ್‌ದ್ ಕಾಟೊಗು ತೂ ಕೊರಾಯೆ‌! 34