ಪುಟ:ಅಬ್ಬಗೆ – ದಾರಗೆ.pdf/೩೩

ಎಂಕಲೆನ್ ಮಿತ್ತ್ ದೆಪ್ಪೋಡು, ಮಸಣದ ಕಂಡೊಡು ಕಾಟ ಗೂರೊಡು. ಭೂಮಿಗ್ ಬೊಣ್ಯ, ಆಕಾಸೊಗು ಪುಗೆ ಮಡು. ಓ ಅಪ್ಪಾ! ಓ ಅರೇ! ಪುಣ್ಯದ ಫಲ ಆದ್ ಪುಟ್ಟಿ ಜೋಕುಲೆಂಕುಲು, ನಿಕಲೆ ಕಣ್ಣಿಗ್ ಮಣ್ ಸುಣ್ಣ ಪಾಡಿಯ. ಅರ್ತಿಡ್ ತಾಂಕಿಯೆ‌, ಮೋಕೆಡ್ ತೂಯೆರ್. ಎಂಕಲೆ ತರ ನಾಲರಿ ಪಾಡೊಡು. ಎಂಕಲೆ ಪೊರ್ಲು ಪೊಲ್ಯ ತೂವೊಡುಂದು ಆಸೆ ಮಲ್ಕರ್. ಆಂಡ ಎಂಕುಲು ರುಣದಾಂತಿ ಜೋಕುಲು, ಪುಣ್ಯದಾಂತಿ ನಿಕಲೆಗ್ ಪುಟಿಯ. “ಓ ಅರೇ! ಓ ಅಪ್ಪಾ ನಿಕುಲು ದುಃಖ ಮಲ್ಪರೆ ಬಲ್ಲಿ. ಎಂಕಲೆನ್ ಬೆಮ್ಮೆರೇ ಕೊರಿಯೆರ್. ಆರೇ ಕೊನೆಯೆರ್‌ಂದ್ ನೆನೆಪುಲೆ, ಮತಿ ತಪ್ಪಡೆ. ಚಿಂತೆ ಮಲ್ಪಡೆ" ಅಬ್ಬಗ ಅಜ್ಜೆರೆಗ್ ಓಲೆ ಬರೆದ್, ಬೊಕ್ಕೊ ದಾರಗನ್ ಅರಾಪತ್‌ ಮೈ ನಿನ್ನೆ ಮುತ್ತು ಕೊರಿಯಲ್, ತಾಂಗ್ ತಡೆಪುದಾಂತೆ ಬಾಯಿ ಕೊರುದೇ ಬುಲಿತಲ್, ಕಣ್‌ಗ್ ಕತ್ತಲೆ ಬಲೆ ಕಟಲೆಕ್ಕಾಂಡ್, ದೆರ್ತ್ ಪತಿನ ತಂಗಡಿನ್ ಅಷ್ಟೇ ಉಗ್ಗೆಲ್‌ಗ್ ಪಾಡಿಯಲ್, ಅಲೆನ ಒಟ್ಟುಗೇ ತಾನ್ ಲಾಗಿಯಲ್..... ಇಂಚಿಡ್ಜ್, ಅಷ್ಟೇ ಪೊರ್ತುಗು ಬೀಲ ದೆರ್ತೊಂದು ಪಾರಿ ಕೈ ಕಂಜಿಲು ದಾರುನ ಕೈಕ್ ತಿಕ್ಕಿಯ. ಲೆಲ್. ಕೈ ಕಂಜಿಲೆ ದೇರೊಂದು ಬತ್ತಿನ ದಾರು ಉಲಯಿ ಬತ್ತ್ ನಾಲ್ ಅಬ್ಬಗ - ದಾರಗನ್ ಇಲ್ಲದುಲಯಿ ಮನಿ ಮಂಬುದಾಂತೆ ಮಸಣದಂಚಾತ್ಂಡ್, ತಿರ್ತ ಚಾವಡಿಡ್ ಬಿರ್ಕ್‌ ಪರಡ್‌ ಬೊಳ್ಳಿದ ಚೆನ್ನೆದ ಕಾಯಿ, ಬಂಗಾರ ಚೆನ್ನೈದ ಮಣೆ - ನೆತ್ತೆರ್ ಓಕುಳಿಡ್ ಮುರ್ಕುದು ಪೋತುಂಡು ದಾರು - ಇ ಸುತ್ತು ಸುತ್ತು ಬತ್ತಲ್, ಅಬ್ಬಗಾ - ದಾರಗಾ? ಲೆಲ್, ತರೆಕ್ ತರೆ ದರ್ತೊಂದು ಊರೋರೆ ನಾಡಿಯಲ್! ನಾಡಿಯಲ್ 32