ಪುಟ:ಅಬ್ಬಗೆ – ದಾರಗೆ.pdf/೩೧

-> "ಅಯ್ಯಾ ಮಗಾ ಅಬ್ಬಗಾ - ನಿನ್ನ ತಂಗಡಿ ಸುರುತ್ತ ಆಟೊಡೇ ನಿನನ್ ಗೆಲ್. ಮಲ್ಲೆಜ್ಜಿ - ನನ ಒಂಜಾಟ ಗೊಬ್ಬಿ ಮಗಾ- ಐಟಾಂಡಲಾ ಈ ಗೆಲೊಡು" ಬೇದ ಪುಟ್ಟಾದ್ - ಪೇರ್‌ದಂಚಿನ ಅಕಲೆ ನಿರ್ಮಲ ಮನಸ್ಸಿಗ್ ಪುಳಿ ಪುಂಟಿಯ‌ ಆತ್ ಕೇಂಡಿನ ಅಬ್ಬಗ - ಚೆನ್ನೆದ ಮಣೆ ತಿರ್ಗಾದ್ ದೀಯಲ್, ಕಾಯಿನ್ ಪಟ್ಸ್ ಪಾಡಿಯಲ್. ಗೊಬ್ಬುಗು ಕೈ ಪಾಡಿಯೆರ್. ರಡನೇ ಗೊಬ್ಬುಡುಲಾ ತಂಗಡಿ ದಾರಗ - ಅಕ್ಕೆ ಅಬ್ಬಗ‍ ಸೋಲ್ಪಾಯೊಲು. "ಅಕ್ಕಾ - ರಡ್ಡಾಟ ಗೊಬ್ಬಿಯ. ರಡ್ಡೆನಾ ಯಾನೇ ಗೆಲೆ, ರಡ್ ಪೊರಿ ಯಾನೇ ಕೊರಿಯೆ, ಉಪ್ಪಡ್ ಸದ್ಯ ಮದಿಮೆ ಆದ್ ಕೈ ಮತ್ತು ಕಂಡನೆಗ್ ಬದಿ ಕೊರಿಯರೆಗಾಂಡ್ ಒಂಜಿ ಪೊರಿ, ನನೊಂಜಿ ಪೊರಿ - ಸಮ್ಮಾನದ ಒಣಸ್‌ಗ್ ಬನ್ನಗ ಉಡಿಗಿರ ಕೊರಿಯರೆಗಾಂಡ್" ಪಂಡಿನ ದಾರದ ಅಕ್ಕೆಗ್ ಕೊಂಗಿ ಕಟ್ಟಿಯಲ್ ಉಂದೆನ್ ಕೇಂಡಿನ ಬೆರಣೆ 'ದಾದ ಮಗಾ ಅಬ್ಬಗಾ? ತಂಗಡಿಡ ಸೊಲ್ಲಿನ ನಿಕ್ ನಾಚಿಕೆಲಾ ಆವಂದಾ?' ಪಂಡ್‌ದ್ ಅಬ್ಬಗನ್ ಕುಜೆತ್ತೆರ್, ಬೆರಣ ಪಾತೆರ ಕೇಂಡಿನಂಚೆನೇ ಅಬ್ಬಗನ ಕೈನಡ್‌ಗ್‌ಂಡ್. ಕೋಪೊಡು ಕೆಂಪಾಯೊಲು. ಕೂಲಿನ್ ತುಚ್ಚಿಯೊಲು. ಅಷ್ಟೇ ಬಂಗಾರ ಮಣೆ ದೆರ್ತ್‌ ತಂಗಡಿ ದಾರಗನ ನಡು ನೆತ್ತಿಗೆ ಬೀಸ್‌ದ್ ಹಾಕಿಯಲ್! ಬೂರಿ ಪೆಟ್ಟಿಗೆ ದಾರಗನ ನೆತ್ತಿ ಉಡೆದ್ ಪೋತುಂಡು, ನೆತ್ತೆರ್ ಮಿತ್ತೆ ರಟ್ರೆಂಡ್! ಥಟಾಲನೆ ನೆಲಕ್ಕೂ ಬೂರಿಯಲ್, ದಾರಗ ಜೀವ ಬುಡುದು ಕೈಲಾಸೊಗು ಸೇರಲ್. ಆತಾಂಡಲಾ ಬೆರಣೆ ಉಂತಿನಲ್ಪಡ್ಜ್‌ ಪಂದಂದೆ ಪಂಡೆರ್ - "ಅಯ್ಯಾ ಮಗಾ ಅಬ್ಬಗಾ? ಅಂಚಿಂಚಿ ತೂವಂದೆ ತಂಗಡಿನ್ ಕೆರಿಯನಾ? ನಿನ್ನ ಅಪ್ಪೆಮ್ಮೆ ಮದಿಮೆ ಲೆಪ್ಸರೆ ಪೋತಿನನ್ನು ಪಿರ ಬತ್ತ್ದ್ ಕೇನ್ನಗ ದಾನೆ ಪನುವಾ? ತೂಯಿನಕುಲು ದಾನೆ ಪನುವೆರ್? ಕೇಂಡಿನಕುಲು ದಾನ ತೆರಿವೆ‌? ಊರು ಇಲ್ಲದ ಕುರು ಕುಚ್ಚನೊಡು 30