ಪುಟ:ಅಬ್ಬಗೆ – ದಾರಗೆ.pdf/೩೦

ಈತ್ ಕೇಂಡಿನ ದಾರು ಬಾಕಿಲ್ ಜತ್ತಲ್, ಪಾರೊಂದು ಬತ್ತಲ್. ಕಂಡ ನಿ ಕೈ ತಿನ್ನಿ ಕೈ ಕಂಜಿಲೆ ಗಿಡತೊಂದು ಕಂಡ ಸುತ್ತ ಪಾರಿಯಲ್. ಅವು ಬೀಲ ದೆರ್ತೊಂದು ಒರ್ಲ ಬಾರ ಕಾಡ್ ಪತಿಯ. ಉಂದೆನ್ ತೂವೊಂದಿತ್ತಿನ ಬೆರಣೆ ಕೈಟಿತ್ತಿ ತಂಬೂರಿ ಬಾರಿಸಾಯೆರ್. ತಾಳ ಪಾಡಿಯೆರ್. ಗೆಜ್ಜೆಗ್ ಸಮವಾಯಿನ ಪಜ್ಜೆ ದೀಯೆರ್. ನಲಿತೆರ್. ಜಾಲೊರ್ಮೆ. ತಂಬೂರಿದ ಸ್ವರ ಕೇಂಡಿ ಅಬ್ಬಗ - ದಾರಗ ಪಿದಯಿ ಬತ್ತೆರ್. ಬೆರಣನ್ ತೂಯೆ‌ "ದಾನೆ ತೂಪರ್? ದಾನೆ ಪನುವ‌? ಸೊನ್ನೆನ ಜೋಕುಲು ಅಬ್ಬಗ - ದಾರಗ ಅತ್ತ ಮಗಾ? ಚೆನ್ನೆಗೊಬ್ಬುಡು ಪುದರ್‌ ಪೋಯಿನ ಕುಲುಂದು ಪನ್ನಿನ ಕೇಂಡೆ - ಒಂಜಾಟ ಚೆನ್ನೆ ಗೊಬ್ಬಿ ಮಗಾ' ಬೆರಣೆ ಬಾಮಿದ್ ಪಂಡೆರ್. - ಉಂದೆನ್ ಕೇಂಡಿನ ಅಬ್ಬಗ - ದಾರಗ "ಎಂಕುಲು ಪೇರ ಮಂಜೊಲು ಪೂಜಿದಿ ಮದಿಮಾಲ್ ಪೊಣ್ಣುಲು, ಚೆನ್ನೆದ ಮಣೆನ್ ಎಂಕಲೆ ಅಪ್ಪೆ ಕಲ್ಲ ಕಲೆಂಬಿಡ್ ದೀತೆರ್, ಬೀಗ ಮುದ್ರಿಕೆ ಮಲ್ಪೆರ್, ಚೆನ್ನೈ ಗೊಬ್ಬುನಾಂಡಲ ಎಂಚ?" “ದಾಯೆ ಮಗಾ ಸುಳ್ಳು ಪನ್ಸರ್, ಕಪಟ ಗೊಬ್ಬುವ‌? ಚೆನ್ನೆದ ಮಣೆ ಕಲ್ಲ ಕಲೆಂಬಿದ ಮಿಕ್ಸ್‌ಡ್ ಉಂಡತ್ತಾ? ತಲೆ ಮಗಾ? ಅಲ್ಪನೇ ಉಂಡು. ಒಂಜಾಟ ಗೊಬ್ಬು ತೋಜಾಲ ಮಗಾ?” ಬೆರಣನ ಒತ್ತಾಯೊಗು ಅಬ್ಬಗ - ದಾರಗ ಉಲಯಿ ಪೋಯೆರ್. ಬಂಗಾರ ಚೆನ್ನೆದ ಮಣೆ ಕನತ್ತೆರ್, ಬೊಳ್ಳಿದ ಕಾಯಿ ಕವಡಿ ಕನತ್ತೆರ್. ತಿರ್ತ ಚಾವಡಿದ ಬಾಜಿರದ ಪಲಯಿಡ್ ಎದುರೆದುರಾದ್ ಕುದ್ದೆ‌! ಮಣೆಟ್ಸ್ ಸರಿ ಕಾಯಿ ಪೊಯ್ಕೆ‌! ಗೊಬ್ಬುಗು ಕೈ ಪಾಡಿಯೆ‌, ಒಂಜಾಟ ಮುಗಿಂಡ್. ಕೊರಲ್. ಸುರುತ್ತ ಗೊಬ್ಬುಡೇ ತಂಗಡಿ ದಾರಗ - ಅಕ್ಕೆ ಅಬ್ಬಗನ್ ಸೋಪಾದ್ 'ಪೊರಿ ಉಂದೆನ್ ತೂಯಿನ ಬೆರಣೆ- 29