ಪುಟ:ಅಬ್ಬಗೆ – ದಾರಗೆ.pdf/೨೯

ಬೆರಣಿ ದಿಡ್ಕ ಲಕಿಯೆ‌, ಪಂಚಾಂಗದ ಕಟ್ಟೆ ಕಟಿಯೆರ್, ಆವಡಪ್ಪಾ! ಆವಡ್. ಎನ್ನ ಪಾತೆರದ ಸೋವುಕಲೆ ಮುರ್ತ ಲೆತ್ತ್ದ್ ಇಲ್ಡ್ ಪೊಗ್ಗುನಗನೇ ತೆರಿದ್ ಬರು, ಕಣ್ಣಿಗ್ ತೋಜಿನ ಕೈಕ್ ತಿಕ್ಕಂದೆ ಪೋವು" ಪಂಡಿನ ಬೆರಣೆ ಏಳ್ ಮುಟ್ಟ ದುಂಬು ಪೋತೆರ್. ಆತಾನಗ ಗುರು ಮಾರ್ಲೆರ್ ನಿದ್ರೆ ಬುಡುದು ದಿಡ ಲಕ್‌ದರ್, "ಏರಡ ಪಾತೆರೆಯಾ? ದಾದ ಕತೆ? ಕಣ್ಣಿಗ್ ತೋಜಿನ ಕೈಕ್ ತಿಕ್ಕಂದ್ ಪನ್ನೆರತ್ತಾ? ಏರವು? ಓಲವು?” ಪುಗೆಲ್‌ ಪತ್ನಿ ಶಾಲ್‌ಡ್ ಕಣ್ಣೀರಸೊಂದು ತೂನಗ ಬೆರಣೆ ದುಗುಡೊಡು ಪೋಪಿನ ತೋಜುಂಡು. ಸೊನ್ನೆ ನಡತಿ ಕತೆ ಪೂರಾ ಪಂಡಲ್, “ಅಯ್ಯೋ ಸೊನ್ನೆ! ಪಂಡಿ ಪರಕೆ ನಮ ಮದತ್ತ್ ಬುಡಿಯ, ಐಸ್ಲಾವರನೇ ಜೋಕುಲೆ ಮದಿಮೆಗ್ ಅಂಗಾರೆ ದಿನ ತಿಳಿದ್‌ಂಡ್. ಬೆರಣ ಶಾಪ ಸುಳ್ಳಾವಂದ್ ಪಂಡೆರ್ ಗುರು ಮಾರ್ಲೆ. ಎದುರು ತೂಂಡ ಬೆರಣೆ ಕಣ್‌ಗ್ ತೋಜುಜೆರ್‌, ಅಲ್ಡ್ ಬತ್ತಿನ ಬಟ್ ಉರ್ಕಿದೊಟ್ಟುದ ಜಾಲ್ ಜತ್ತೆರ್. ಅರಮನೆ, ಹೆಬ್ಬಾಕಿಲ್‌ಗ್ ಬತ್ತೆರ್. ಇಲ್ಲದುಂಬುಡು ಜನಮಾನಿ ತೋಜುಜಿ. ಸೀದಾ ಕಿದೆಕ್ ಬತ್ತೆರ್, ದಿಂಜಿದಿ ಕಿದೆಟ್ಟಿತ್ತಿ ಕಂಜಿ ಕೈಕಂಜಿಲೆ ಬಲ್ಡ್ ತಪ್ಪಾಯೆರ್. ಎದುರು ಬಾಕ್ಯಾರ್‌ಗ್ ಜಪುಡಾಯೆ‌. “ಬಂಜಿ ದಿಂಜಿ ತಿನಿ, ಮೈ ನಿಲಿಕೆ ಪೊರಡಿ, ದೇರಿಯರೆ ಬತ್ತೆರ ಕಣ್ಣಿಗ್ ತೋಜಿರ ಬರಡೆ, ಪತ್ತರೆ ಬತ್ತೆರ ಒರ್ಲ ಬಾರ ಕಾಡ್ ಪತಿ ಪಂಡಿನ ಬೆರಣೆ ಬಲ್ಲೆ. ಕೈಕ್ ತಿಕ್ಲ ತಿರ್‌ಗ್ ಜಾಲ್‌ಗ್ ಬತ್ತೆರ್, ಎದುರು ಮುಂದಿಲ ಬಾಕಿಲ್‌ಡ್ ಉಂತಿಯ‌! ಅಬ್ಬಗೆ - ದಾರಗೆನ ಚೆನ್ನೆದಾಟ ಇಲ್ಡ್ ಮುಂದಿಲ್‌ಗ್ ಬತ್ತಿ ಬೆರಣೆ- ಏರಪ್ಪಾ ಇಲ್ಲಡ್? ಕಂಜಿ ಕೈಕಂಜಿ ಸಾಲ್ ಕಟ್ನ ಬೆನ್ನಿ ಬುಳೆ ತಿಂದೊಂದು ಸುಡುಸುಕಾರಿ ಮಲ್ಲ - ಪಂಡ್ದ್ ಬಾಕಿಲ್ ಬೊಟ್ಟಿಯೆರ್. 28