ಪುಟ:ಅಬ್ಬಗೆ – ದಾರಗೆ.pdf/೧೯

"ಆವಡ್ ಅಜ್ಜೆರೆ! ಎನ್ನ ತಂಗಡಿನ ಎಣ್ಣೆ ಕಾರ್ಯೊಗು ಅಡ್ಡ ಬರಯೆ, ಎನಡ್ಡಾವರ ಅಲೆಗೊಂಜಿ ಕೋರೆ ಬರಿಯರೆ ಬಲ್ಲೆ, ಯಾನ್ ಪೋಪೆ, ಪಂಡಿನಾಲೇ ಸೊನ್ನೆ ತಂಗಡಿ ಕೈತಲೆ ಬತ್ತಲ್.... ತಂಗಡಿ ಗಿಂಡಿನ್ ತರ್ಕ್‌ದ್ ಪತಿಯಲ್! ಅಲೆ ಪುಗೆಲ್ಡ್ ಮೋನೆ ದೀದ್ ದುಃಖಿ ದುಃಖದ್ ಬುಲ್! "ಅಯ್ಯೋ ತಂಗಡಿ! ಎನ್ನ ಪೊರ್ಲು ಪೋಲೆ ತೂವೊಡುಂದು ಕಂಡನೆ ಪಾತೆರಲಾ ಮೀರ್ ಬತ್ತೆ" 3 ಮುಲ್ಪದ ಜನ ಎನಡ ರಡ್ ಎನ್ನಿಯೆರ್! ನಿನ್ನ ಎಡ್ಡೆ ಕೆಲಸೊಗು ಎನಡ್ ಅಡ್ಡ ಆವರೆ ಬಲ್ಲಿ, ಜಾತಿ ನೀತಿಗೆ ಕುಂದು ಬರಿಯರೆ ಬಲ್ಲಿ.... ಎನ ಕಂಡನೆ ಇಲ್ಲಿ ಜರ್ ಬನ್ನಗನೇ ಪನ್ನೆರ್, ಮಾನ ಪೋವು, ಅಪಮಾನ ಬರು. ಆ ಮೊನೆನ್ ಪಿರ ತಿರ್ಗಾವೊಂದು ಇಡೆ ಬತ್ತಡ ಬೇರಿ ಕೈ ಬೆರಿಕ್ ಬರು. ಇಲ್ಲದ ಗೌಡಿ ಚಾಕರಿ ಮಲ್ಲೊಂದು ದಿನ ಕರಿಪೊಡಾವು... ಆಂಡಲಾ ಬೇಸರ್ ಮಲ್ಪಂದೆ ಪೋಪೆ ತಂಗಡೀ, ಎಂಕ್ ವಾ ಕೋಟಲೆ ತಿಡ್ಕೊಂಡಲಾ, ಈ ಸುಖಟ್ಟುಪ್ಪುನವೇ ಎನ್ನ ಸಂತೋಷ.... ಯಾನಿತ್ತೆ ಕಾನೊಟ್ಟು ಜತ್ತ್ ಪೋಪೆ.... ಇಂಚ ಪಂಡಿನ ಸೊನ್ನೆ - ಅವುಲು ಕೂಡ್ಡಿನ ಪೊಣ್ಣು ಪೊಂಜೆವೆನ್ ಕಣ್ ದಿಂಜಿದ್ ತೂಯಲ್. 3 "ಓ ಕಾನಬೊಟ್ಟುದ ಮಾನ ಬೊಟ್ಟುದು ಪೊಂಜೆವೇ! ಎನಡ್ಡಾವರ ಕೂಡ್ಲಿ ನಿಕುಲು ಅಗಪ್ಪರೆ ಬಲ್ಲಿ. ನಿಕುಲು ತುಂಬೊಂದಿ ಮಾನ ಅವು ಜಾರ್ ಪೋವರೆ ಬಲ್ಲಿ. ನಿಕಲೆ ಮಾನೊಗು ಕೋರೆ ಆವರೆ ಬಲ್ಲಿ. ಮಲ್ಲು ಕೆಲಸ ಮಲ್ಟಿ, ಆಪಿ ಕೆಲಸೊಗು ಅಡ್ಡಿ ಮಲ್ಪಡೆ" ಪಂಡಿನ ಸೊನ್ನೆ ದಿಂಜಿದಿ ದುಃಖಡು ಮೆದಲೆದ ಕೊಡಿ ಒಮ್ದ್ ಕಣ್ಮರೆಸೊಂಡಲ್ ಬತ್ತೆ. ಕಾನ ಬೊಟ್ಟು ಜತ್ತಿನಾಲ್ ಆರ್ಗ್ ತೂವಂದೆ ಉರ್ಕಿದೊಟ್ಟುಗು ಬತ್ತಲ್ ಸೊನ್ನೆ ಬನ್ನಿ ತಾದಿ ತೂವೊಂದೇ ಇತ್ತಿನ ಗುರು ಮಾರ್ಲೆ ಚಾವಡಿ ಜತ್ತ್ದ್ ಮುಂದಿಲ್‌ಗ್ ಯಾನ್ ಪಂಡಿನಿ ದಾನೆ? ಇತ್ತೆ ಆಯಿನಿ ದಾನೆ ಸೊನ್ನೆ? ನಿನ ತಂಗಡಿನ ನೀರ ಪರ್ಬ ಮುಗಿದ್ ಪೋಂಡಾ? 18