ಪುಟ:ಅಬ್ಬಗೆ – ದಾರಗೆ.pdf/೧೪

ಅಲ್ಪ ಮುಲ್ಪ ಚಾವಡಿ ಒರ್ಮ ತೂಯೆರ್, ಪಡ್ಡಾಯಿ ಅಂತರನಾಡಿಯರ್ ಜಾಲ್ ಜರ್, ಕಣ್ಮರೆ ತಿ‌ಗ್ ತೂಯೆರ್! ಬಾಲೆ ಕಣ್ಣ ಮದೆ ಆದ್ ಪೋತುಂಡು. ಅಯ್ಯೋ ದೇವರೇ! ಬಾಲೇ ಎನ ಬಾಲೆ ಒಡೆ ಪೋಂಡು? ಅರ್ ಮುರೆಡಿಯರ್. ಬಾಯಿ ಜತ್ ಬುಲಿತೆರ್, ಲೆತ್ತೆರ್. "ಅಯ್ಯೋ ದೇವರೇ! ಒಂಜಿ ಕೈಟ್ ಕೊರುದು, ನನೊಂಜಿ ಕೈಟ್ ಒಯ್ ದೆತ್ತರಾ? ಓ ಬೆಮ್ಮೆರೇ, ಎನ ಬಾಲೆಗ್ ದಾನೆ ಆಂಡ್, ಓಡೆ ಪೋಂಡು?” ಚಂದ್ರಾವತಿಗ್ ಚಲ್ಲಪ್ಪೆ ಆನಿ ಪನ್ನಿನ ಕತೆ ನೆಂಪು ಮಲ್ಗೊಂಡರ್..... ಕಣ್ಣೀರ್‌ಡ್ ಕೈ ದಕೊಂದು ನಿತ್ಯಲಾ ಕೊರಗ್‌ ಕರಗ್‌ ಪೋಯೆರ್! 3 ಅಷ್ಟೇ ದಿನ ಕಾನ ಬೊಟ್ಟದ ಅಚ್ಚೆ ಚಂದು ಬನ್ನಾರ್ ಒಕ್ಕೆಲ್ ಪಕ್ಕೆಲ್ಲ ಇಲ್ಲ ಮರ್ಗಿಲ್‌ಗ್ ಪೋಯಿನಾ‌, ಅವೇ ತಾದಿಡ್ ಪಿರ ಬತ್ತೆರ್. ಬರ್ಪಿ ಪೂರ್ತು ಮರ ಮುದೆಲ್ ಬಾಲೆ ಬುಲಿಪುನ ಸ್ವರ ಕೇನುಂಡು. ಅಜ್ಜೆರ್ ಕಣ್ ಜತ್ತ್ದ್ ಸುತ್ತ ತೂಯೆರ್, ಕೆಬಿಕ್ ಕೇನುಂಡು, ಕಣ್ಣಿಗ್ ತೋಜುಜಿ. ಅಜ್ಜೆರ್ ಕಲ್ಲಾದ್ ಉಂತಿಯೆರ್, ತಿರ್ಗ್ ತಿರ್ಗದ್ ತೂಯೆರ್. ಮರತ್ತ ಮುದೆಲ್ ಬಾಲೆ ಬುಲಿಪುನ ಸ್ವರ. ಪುದಲ್ಲ ಇರೆ ಮದ ಪಂದಾಯ‌, ಬಾಲೆನ್ ತೂಯೆರ್. ಬುಲಿಪು ಬಾಲೆನ್ ದೆರ್ತ್ ಪತಿಯೆರ್. ಮುತ್ತು ಕೊರಿಯೆರ್ ಕೊಂಡಾಟೊಡು ತರ್ಕ್ ಪತೊಂಡೆರ್. ಪುಗ್ಗೆಲ್ಲ ಶಾಲ್‌ನ್ ಒಮ್ಮೆರ್, ಬಾಲೆಗ್ ಮೈ ನಿಲೆ ಪುದೆತ್ತೆರ್, ಇಲ್ಲಗ್ ಬತ್ತೆರ್. ನಿರೆ ಕರೆ, ಪೂಂಜೆವೆನ್ ಲೆತ್ತೆರ್, ಬಾಲೆನ್ ಎಣ್ಣೆ ಸೀಗೆಡ್ ಮೀಪಾಯರ್. ಏರ್‌ಾ ದಾತ್‌ವಾರಿ ದಾಂತಿನ ಬಾಲೆನ್ ಕಣ್ ಡ್ ಕಣ್ ದೀದ್ ತಾಂಕಿಯರ್. 03. ಊರ ಜೋಯಿಸೆರೆನ್‌ ಲೆಪುಡಾಯರ್, ಬಾಲೆದ ಪುಟ್ಟಿ ಪುದರ್ ಕೇಂಡೆರ್. ಜೋಯಿಸರ್ ಪಂಡಿ ವೇಳೆ ಗಳಿಗೆ ಸರಿಯಾದ್ ಬಾಲೆನ್ 'ಗಿಂಡಿ' ಪತ್ನಿ ಪುದರ್ ದೀದ್ ಲೆತ್ತೆರ್. ಬಾಲೆ ಕಾನ ಬೊಟ್ಟುಡು ಪುಣ್ಣಮೆದ ಚಂದ್ರನಂಚನೇ ದಿಂಜಿದ್ ಬುಲೆಂಡ್, ದಿನ ಕರಿಂಡ್. ತಿಂಗೊಲು ದಾಂಟ್‌ಂಡ್ ವರ್ಸ ದಿಂಜಿಂಡ್, ಗಿಂಡಿಗ್ ವರ್ಸ ಪಾಡ್ ದಾಂಟ್ ಪೋತುಂಡು! 13