ಪುಟ:ಅಬ್ಬಗೆ – ದಾರಗೆ.pdf/೧೩

"ಆವುಯಾ ಚಲ್ಲಪ್ಪಾ! ಆವು ಪೋಡಿಗೆ ಬುಡು, ಪಾತೆರ ನಂಬು, ಈ ಬಾಸೆ ಕೊರಿನಂಚ ಪೆದ್ದಿ ಬಾಲೆನ್ ಪಿಲಿಕ್ಕೇ ಕೊರುವೆ. ಬಾಸೆ ಒರಿಪ್ಪಾನೆ” ಚಲ್ಲಪ್ಪ ತಂದೇವುದ ಇರೆನ್ ಚಂದ್ರಾವತಿ ಅಮ್ಮನ ಕೈಕ್ ಪಾಡುವೆ. ತಂದೇವುದ ಇರೆನ್ ತೂಯಿನ ಚಂದ್ರಾವತಿ, ಆಯಿನ ಪೋಯಿನೆನ್ ಮದಲ್, ನನರ ಪಾಡ್ಡಿನ ಅರಿನ್ ಕಲ್ಸ್‌ಗ್ ಪಾಡಿಯೆರ್. 3 ತಾನೇ ಕಡೆದ್ ತಂದೇವುದ ಗಟ್ಟಿ ಮರ್. ಬಾಯಿ ನಿಮ್ಮ ಗಟ್ಟಿ ತಿಂದೆ‌, ಬಂಜಿ ದಿಂಜಿದ್ ಆರಿಗೆ ದತ್ತೆರ್. ನಡು ರಾತ್ರಿ ಕರಿನಗ ಚಂದ್ರಾವತಿಗೆ ಪೆದ್ದುನ ಬೇನೆ. ನಿರೆತ್ತ ಪದೆತಿ ಪಾಚುನು ಲೆತ್ತೊಂಡರ್, ಪೊಣ್ಣು ಬಾಲೆನ್ ಪೆದ್‌ದ್ ಕಾರ್‌ಡ್‌ದ್ ಉಸುಲು ಬುಡಿಯೆರ್. ಪಿಲಿ ದಿನೊಕ್ಕರ ತಂದೇವುದ ಮರ ಮುದೆಲ್‌ಗ್ ಬತ್ತ್ ಪೋವೊಂದೇ ಉಂಡು. ಚಲ್ಲಪ್ಪೆ ಆ ಮರ್ಗಿಲ್‌ಗ್ ಮೋನೆ ಪಾಡ್ಜ್‌ ಲಾ ತೂತುಜೆ, ಚಂದ್ರಾವತಿಗೆ ಬಾಲೆದ ಪೊರ್ಲು ಪೋಲ್ಯ ತೂದೇ ನಡತಿ ಕತೆ ಮದತ್ತ್ ಪೋತುಂಡು. ದಿನ ದಿನ ಕರಿದ್, ತಿಂಗೊಲು ತಿಂಗೊಲೇ ಕಡತ್ಕಂಡ್, ಬಾಲೆ ಎಣ್ಣೆ ನೀರ್‌ಡ್ ಬಲಿರ್ದ್ ಬುಲೆದ್‌ಂಡ್. ಬಾಲೆದ ಮುಗುರು ತೆಲಿಕೆ, ಪಗ್‌‌ ಗೊಬ್ಬು ತೂವೊಂದೆ ಚಂದ್ರಾವತಿಗೆ ದಿನ ಕರಿದ್ ಪೋತಿನವೇ ತೆರಿಯಂದೆ ಪೋತುಂಡು, ಒಂಜಿ ದಿನ ಚಂದ್ರಾವತಿ ಅಟಿಲ್ ಅರೆಗಾನದ ಬೇಲೆಡುಪ್ಪುನ ಪೊರ್ತು, ಪಿದಯಿ ಚಾವಡಿಡ್ ಬಾಲೆ ಗೊಬ್ಬೊಂದು ಮುಖ ಮಂಟಪ ಜತ್ತೊಂದು ಬತ್ತ್ಂಡ್. ಅಂಗಾರ್ ಊರೊಂದು, ಬೂರಗ ಮರಂಪುನು ತೇತೊಂದು ಬಾಲೆ ಜಾಲ್‌ಗ್ ಜಯಿದ್‌ಂಡ್‌. ಈತಾನಗ ಓಲಾ ಕಾತೊಂದಿತ್ತಿನ ಪಿಲಿ ದೂರೊಡ್ಡ ಪಾರ್ ಬತ್ತ್ದ್ ಬಾಲೆನ್ ಪತೊಂದು ಕಾಡ್‌ಗ್ ಪೋಂಡು, ಅಷ್ಟೇ ತಂದೇವುದ ಮರತ್ತ ಮುದೆ, ಪುದೆಲ ಇಡೆ ಬಾಲೆನ್ ದೀದ್ ಮಾಯಕಾತ್ಂಡ್ ಪಿಲಿ. ತೋಜುಜಿ. ಚಂದ್ರಾವತಿ ಉಲಯಿ ಕೆಲಸ ಕೈ ಬುಡುದು, ಪಿದಯಿ ಚಾವಡಿಗ್ ಬನ್ನಗ ಬಾಲೆ 12