ಪುಟ:ಅಬ್ಬಗೆ – ದಾರಗೆ.pdf/೧೨

! ಪಿಲಿ ಒರ ಮಿತ್ ಕಣ್ ಜತ್ ತೂಂಡು, "ಅಯ್ಯಾ ನರಮಾನಿಯೇ, ಎರೆಗ್ ಈ ಮರ, ಇರೆನ್ ಕೊನಪ್ಪನಾ? ಆ ಪೊಂಜುವು ಪೆದ್ದಿ ಬಾಲೆನ್ ಎಂಕ್ ಕನತ್ ಕೊರುವನಾ? ಆವುಡ ಆವು ಪನ್, ಇಷ್ಟಾ? ಮರತ್ತ ಇರೆ ಮುಟ್ಟರೆ ಬಲ್ಲಿ, ಗುರ್, ಪಂಡಿನ ಪಿಲಿ ಒರ ಕುರೆತ್‌ಂಡ್. ಉಂದೆಂಚಿನ ಮಾಯೆ? ಉಂದೆಂಚಿನ ಸೋಜಿಗ? "ಚಲ್ಲಪ್ಪೆ ದಿಕ್ಕಿ ಮುಖ ತೋಜಂದೆ" - "ಆವಡ್ ಪಿಲಿಯೇ. ಈ ಪಂಡಿನಂಚನೇ ಭಟ್ರೆ ಗುರ್ಕಾರ್ದಿಡ ಪನ್ನೆ. ಇರೆ ಕನವಂದೆ ಪಿರ ಬರಿಯರೆ ಬಲ್ಲಿ ಪಂತೆ‌, ಪಂಡಿ ಪಾತೆರ ತಪ್ಪಾಯೆರ್. ಪೆದ್ದಿ ಬಾಲೆನ್ ನಿಕ್ ಒಪ್ಪಿಸಾಲೆಂದ್ ಪನ್ಸೆ, ಎನನೊರ ಕೈ ಸೆರೆ ಬುಡು. ಚಲ್ಲಪ್ಪ ಪಿಲಿಟ್ಟ ನಟೊಂಡೆ. ಪಿಲಿ ಅಂಚಿಂಚಿ ತೊಂಡು, ಪಿರ ತಿರ್ಗ್‌ದ್ ಪೋಂಡು, ಚಲ್ಲಪ್ಪ ಮರ ಜತ್ತೆ. ಇಲ್ಲಗ್ ಪಾರ್ ಬತ್ತೆ. ಚಂದ್ರಾವತಿ ಚಲ್ಲಪ್ಪನ ತಾದಿ ತೂವೊಂದಿತ್ತೆರ್. ಇಲ್ಲ ಮುಂದಿಲ್ ಚಲ್ಲ ಪಾರ್ ಬನೆನ್ ತೂಯೆರ್. 11 ನೆಲತ್ತ ಮಣ್ ತರೆಕ್ಕಾನಂಗೆ ಚಲ್ಲ ಪಾರ್ ಬಿ, ಆಯನ್ ತೂದು ಚಂದ್ರಾವತಿ 'ದಾನ ಚಲ್ಲಪ್ಪಾ! ಇರೆ ಕನಜನಾ?" ಚಲ್ಲ ತೇಂಕೊಂದು, ನಡೆಗೊಂದು ನಡತ್ತಿ ಸಂಗತಿನ್ ಪೂರ ಪಂಡೆ. "ಈರ್ ಪೆದ್ದಿ ಬಾಲೆನ್ ಕನತ್ ಕೊರೊಡುಂದು ಪಿಲಿ ಅಂಕ ಕಟ್ಟಿದ್‌ಂಡ್, ನೆಲಕ್ಕರ ಪೊಯ್ಲೆಂಡ್, ಇರೆನ್ ನಂಬುದು ಯಾನ್ ಪಿಲಿಕ್ ಬಾಸೆ ಕೊರೆ, "ದಾನೆಮಾ ಬಾಲೆನ್ ಕೊರುವರಾ? ಅವು ಅಂಚಿಂಚಿನ ಪಿಲಿಯತ್, ದಾನ್ನೊ ಕಾರ್ನಿಕದಪಿಲಿ ಕೊರಿ ಪಾತೆರ ತಂಡ ಕೇಡ್ ಬರು, ಕುಲಕೆಟ್ಟು" ಪಂಡೆ ಚೆಲ್ಲಪ್ಪೆ, ಚಂದ್ರಾವತಿ ಒರ ಕಿಸಕ್ಕನೆ ತೆಲಿತೆರ್, "ಉಂದೆಂಚಿನ ಸೋಜಿಗ ಚೆಲ್ಲಪ್ಪಾ?" ಕೇಂಡೆರ್. ಸುಳ್ಳು ಪಾತೆರ ಪನಂದಿನ ಸ್ವಭಾವದ ಚಲ್ಲಪ್ಪನ ಪಾತೆರ ನಂಬೊಂಡೆ‌. 11