ಪುಟ:ಅಗೋಳಿ ಮಂಜನೆ.pdf/೭

L.. ಪಂತದ ಕಿರ್ಮ, ಜವನ‌ ಮಾತ ಪುಂಡು ಬರುದೆರ್, ಗುಸು ಗುಸು ಮುನ್ನೊಂದುಲ್ಲೆರ್. ದೇವರೆ ಗುಂಡೊಡು ಬಲಿ ಪಿದಡರೆ ಅಟ್ಟಣೆ ಆವೊಂದುಂಡು, ಉರ್ಕು ಸುತ್ತುದ ಬಲಿಕ್ ತಯಾರಾಪರ್, ಬಾಕ್ಯಾರ್‌ಡ್ ಜನಮಾನಿ ದಿಂಜೊಂದುಂಡು. ಅಂಚಿತನ ಪೊರ್ತುಡು ಆಣ ಕಚ್ಚ ಪಾಡೊಂದು ಒರಿ ಆಂಕರದ ಜವನೆ ಬರೊಂದುಲ್ಲೆ. ತಿಗಲೆ ಮರತೊಂದು ಬರ್ಪೆ. ಕೆಂಚಿ ಮೀಸೆದ ಕೊಡಿನ್ ಪುರಿ ಮಲ್ಲೊಂದುಲ್ಲೆ ಕುಪುಲು ಕಣ್ಣನ್ ಕೆಸರಾದ್ ಮರತೊಂದುಲ್ಲೆ. ಕರುಂಬುದ ಕಟ್ಟದ ಸುತ್ತ ಪಂತದ ಕಲಟ್‌ ಸೇರಿಂಚಿ ಜನಮಾನಿ ಒರಾನೆ ಬೊಲ್ಟಿನಾಪರ್, ತರ ತೂವರೆ ಬಗ್ಗಿನ ಜವನ‌ ಅಂಚಿಂಚಿ ತಲಾವರ್, ಕೋರಿ ಕಂಡದ ಬಾವೆ ಮಣ್ಣಿನ್ ಕುರುಂಟು ಒಯ್ದ್ ಒಂದಾಯಿನ ಆಪುಂಡು, ಬೊಕ್ಕ ಕೆಲವೆರ್ ಗಾಳಿ ಬನ್ನಗ ಬೆಜೆಕ್ರೆ ರಾಯಿನ ಪಿರ ತೂವಂದೆ ಬಲಿತೊಂದುಲ್ಲೆರ್. ಕೆಲವೆರ್ ತೆಲಾರ ಗುತ್ತುದು ಮಂಜಣ್ಣಾ ಬರೊಂದುಲ್ಲೆಂದ್ ಪಾತೆರಿಯೆರ್, ಅಂದ್ ಬತ್ತಿನಾಯೆ ತೆಲಾರ ಗುತ್ತುದ ತಂಕದ ಬಂಟೆ ಅಗೋಳಿ ಮಂಜಣೆ, ಕೋಲ ನೇಮ ಅಂಕ ಆಯೆನದ ಕಲಟ್ ಪೋದು ಪೋಸ್ಕೊಂದು ಬನವು ಮಂಜಣಗೊಂಜಿ ಮರ್ಲ್, ಅಲ್ಪ ತಿಗಲೆ ತಾಂಟಾದ್ ಪೊರುಂಬುನ ಗೊಬ್ಬು ಇತ್ತ್ಂಡ ಆಯ ತಪ್ಪಂದೆ ಉಲ್ಲೆ. ಇನಿತ್ತ ಪಂತಲಾ ಅಂಚೆನೆ, ಮಂಜಣ್ಣನ ಲಟ್ಟೆದ ಬಲೂನು ಪೊಲಿಪರೆ ಎರ್ಮಾಳ್‌ದ ಜವನೆ‌ ಮಲ್ಲಿನ ಗೊಬ್ಬು ಉಂದು ಪಂಡ್‌ದ್ ಆಯ್‌‌ಲಾ ತೆರಿದಿನವು. ದಾದನೇ ಆವಡ್ ಅಮ್ ಪೋಡ್ಯುನಾಯೆ ಮಂಜಣೆ ಅತ್ತೆ ಮುಟ್ಟಿ ಬತ್ತೆ, ಕಂಬುಲ ತೂವರೆ ಉಂತಿನಲ್ಲಿ ಜನ ಉಂತುದ‌, ಅಕೆಲೆನ್ ಪುಂಡು ಬುಡ್ಡಾದ್ ವಂದಾಯೆ, ಸುತ್ತಮುತ್ತೊಡು ಕೊಡಿ ಕಾರ್‌ಡ್ ಉಂತುದಿನ ಜನೊಕುಲೆನ್ ಒರ ತಿರ ತೂಪೆ, ಕದೊಣಿದ ಸೊರ ಜೋರುಡು ಕೇನೊಂದುಂಡು. ದೇವೆರ್ ಉಲಯಿ ಅಂಗದೊಡ್ಡು ಪಿದಯಿ ಅಂಗಗು ಕಾರ್ ದೀತೆ‌, ಬಲಿ ಆವೊಂದುಂಡು. ಸೀಮೆ ಮುಚ್ಚಂದ ಸೇರಿಂಚಿ ಜನಮಾನಿ ತೂವೊಂದುಂಡು, ಪಂತದ ಕಲಕ್ ಜತ್ತಿನ ಮಂಜಣೆ ಕೈ ಜೋಡ್ಯಾದ್ ಪುಡಡ್ಡುವೆ. ಬರಿಟೆತ್ತಿನ ಕಡ ಕತ್ತಿನ್ ದೆತ್ತ್ ಬಾಯಿ ಪರ್ಲಾದ್ ತೂಪೆ. ಪಂತ ಕಟ್‌ದಿನ ಜವನೆರೆನ ರೋಮ ಕೊರೊಂದುಂಡು. ದೊಂಡೆದ ಪಸೆ ಆಜೊಂದುಂಡು. ಅಂಗಾರಡಿತ್ತ ಮಣ್ಣ ರಟೊಂದುಂಡು. ಕಂಡ ನಿಮ್ಮ ಜನ ಎಲ್ಲಿ ಮತ್ತೆ ಕಿನ್ನಿ ಕಿರ್ತಲೆ ಪನ್ನಿನಂಚ ತೂವೊಂದುಂಡು. ಅಪ್ಪ ದುಗ್ಗುನು ಮನಸ್‌ಡ್ ನೆನೆತೆ ಮಂಜಣೆ, ತನ್ನ ಪುಟ್ಟುದ ವಾಕ್‌ದ ಬಪ್ಪನಾಡ್‌ ದುರ್ಗನ್ ಸುಗಿತೊಂಡೆ. ಕಚ್ಚದ ಕುಚ್ಚಿನ್ ಕೈತ್ ತಿಕ್ಕಾಯೆ, ಬಲತ್ತ ಕಾರ್ ದುಂಬು ದೀದ್ ಕತ್ತಿ ದೆರೆ, ಕಣ್ ಮುಚ್ಚಿದ್ ಜಮ್ಮೊಡಾಂಡ ಪೆಟ್ಸ್ ಒಂಜಿ ತುಂಡು ರಡ್ ಆತ್‌ಂಡ್. ಕರುಂಬುದ ಕಟ್ಟದ ನಡುಟ್ಟಿತ್ತಿನ ಕರ್ಬದ ಪಾರೆಂಗಿ ಕಿಟಿ ರಟೊಂದು ಕಡೆ ಕೊಡಿ ಬೇತೆ ಆತ್‌ಂಡ್, ತನ್ನ ಕೊದಾಂಕರನು ಇರಿಪೊಡುಂದು ಮಲ್ಲಿನ ಮೋಸೋನು ಸೀದೊಡೇ ತೆರಿಯ ಪಂತೊಡು ಗಂದಿಯೆ, ಅಂಗಿದ ಕೈನ್ ಮಿಫ್ ಜಾರಾಯೆ, ಮತ್ತನ್ನಾದ್ ಮಲೇದ್ ತೂಯ್. ಗಗ್ಗೆಲುನ ಕೋರಿ ಮಂಡೆ ಕೊನೊಪಿನಂಚ ತೂವೊಂದಿತ್ತಿನ ಜವನ‌ ತೋಜುಜೆರ್, เอ ca 5