ಪುಟ:ಅಗೋಳಿ ಮಂಜನೆ.pdf/೧೫

1 دن هـ ಅಗೊಳಿಡ್ ಪಾಡುನರ ಪತಿಯೆ, “ಅಗೋಳಿ ಮಂಜಣೆ" ಪನ್ನಿನ ಬರ್ದನ್ ದೆತೊಂಡೆ. ಉಪ್ಪಿನಂಚಿನ ಬೆನ್ನ, ತಲಾರ್‌ಡ್ ಅರತ್ತಾನ ಮಲ್ಪರೆ ಪತಿಯೆ, ಸುಡುಕಾಡ್‌ ಲೆಕ್ಕಂತಿನ ಊರುನು ಸೊರ್ಗದ ಪೂತ್ತ ಬಿತ್ತಿ ಲೆಕ್ಕ ಮತ್ತೆ ಕಾಡ್ ಕಡೆ ಗುಡ್ಡೆ ಜರೆ, ಕಂಡ ಮಲ್ಪೆ, ಕಾಟ್ ಕಟಿಯ ಕರ್ಬಾಸ್ ದತ್ತೆ. ಗಿಡವರು ಕಟಿಯೆ ಕಂಬುಲ ಗಿಡಾಯೆ, ಸುತ್ತಮುತ್ತದ ಅಂತುಗೊಂತುದ ಗುತ್ತು ಬರ್ಕೆಲೆಡ್ ತೆಲಾರಗುತ್ತುದ ಮಾನ್ನೊನು ಮೆರೆಪಾಯ, ಆಯನ ಕಾಲೊಡು ಬುಲೆ ಸಲೆ ದಿಂಜಿದಿತ್ತ್ಂಡ್, ಗುತ್ತುದ ಕುತ್ತಟ್ರೊಡು ಅರಿತ್ತ ಮುಡಿ ಅಡಿ ದೆತ್ತೊಂದಿತ್‌ಜಿ, ಕುಟ್ಟೆ ದೊರಿಯೊಂದಿತ್ತ್ಂಡ್. ಸುತ್ತಮುತ್ತದ ಗುತ್ತು ಡಿತ್ತಿನ ಕೊಟ್ಟೆ ಜವನೆ‌ ಮುಟ್ಟಿ ಪೊಲೀದಿನಂಚ ಆತರ್, ದೂರೊಡೇ ಮಚ್ಚರ ಕಟೊಂದು ಉಲ್ಲೆರ್, ದಡಿ ಬೊಟುದು ಗಲಿಯೆಡ ಪಿರ ತೂವಂದೆ ಬಲಿತೊಂದಿತ್ತೆರ್, ಉಂದೆನ್ ತೂದು ಕೆಂಚಿ ಮೀಸೆದುಲಯಿಡೇ ತೆಲಿತೊಂದುಲ್ಲೆ ಮಂಜಣೆ, ಕೊದಂಟಿ ದಾಂತೆನೇ ಅರಿತ್ತ ಮುಡಿ ಕಟಿಯೆ, ತಾರೆನ್ ಕುರ್ಕುದೇ ಬಣ್ಣಂಗಾಯಿ ತಲೆ. ಕೈಟ್ ಗುದುದು ಪೊಡಿ ಮಲ್ತ್ ತಿಂಡೆ. ಅಪ್ಪೆನ ಉಪ್ಪು ನುಪ್ಪುದ ಕುಂದಲ್, ಬಟ್ಟಲ್ ಸೀಂಟುನಂಚಿನ ಅಂಗಲಪ್ಪು, ಬಂಜಿಗಿಜ್ಜಿಡಲಾ ನಂಜಿ ಮಲ್ಪಯೆ, ಸತ್ಯ ಮದಪಯೆ. ಧರ್ಮ ಬುಡಯೆ, ನ್ಯಾಯೊಡು ನಡತ್‌ ತುಳು ಅಪ್ಪೆನ ಕಂಟೆಲ್ ಮುತ್ತುದ ಮಾಲೆ ಆದ್ ಪೋಯೆ. ತಡ್ಯ 5 ಅರಸು ಕಂಬುಲ ಮತ್ತೆ a ಮುಲೆ ಒರುಂಬ ಮಾಗಣೆಡ್ ಅಪಗ ಸಾಮಂತರಸುಲು ಅರತಾನ ಮಲ್ಲೊಂದಿತ್ತೆರ್. ಬೋಡುತ್ತಿನಾತ್ ಬೆನ್ನಿ ಬರೆ ಮಾಗಣೆಡ್ ಉಂಡು, ಜವನೆರೆಗ್, ಜನಮಾನಿಗ್ ದಾಲ ಕಡಮೆ ಇಜ್ಜಿ. ಬುಲೆಸಲೆ ಪೆರ್ಚೊಂದುಂಡು. ನಾಲ್ ಮೈಟ್ ತೂಂಡಲಾ ದೋಲು ದಗರ ಗಗ್ಗರದೆಚ್ಚಿ ಕೇನೊಂದುಂಡು, ದೇವ ದೇವಸ್ಥಾನ, ಭೂತ ಬೆರ್ಮಸ್ಥಾನ, ಕೋಲ ನೇಮ ಅಂಕ ಆಯನೊಗು ದಾಲಾ ಕಡಮೆಜ್ಜಿ, ಆಂಡ ಮಾಗಣೆದ ಜವನೆರೆಗೊಂಜಿ ಕುಂದೆಲ್ ಪಂಡ ನಮ್ಮ ಈ ಬಿರ್ದ್‌ ಒರುಂಬ ಮಾಗಣೆಡ್ ಕಂಬುಲ ಇಜ್ಜಿ, ತನ್ನುಲೆ ಜವನಾದಿಗೆನ್ ಮೆರೆಪಾವರೆ ಬೆನ್ನಿದ ಬಾಲೆಲೆಗ್ ಬೋಡುತ್ತಿನ ಗೊಬ್ಬು ಅವು. ಕೊಟ್ಟೆಗಟ್ಟಿದ ಗೋಣೆರು ಗಿಡಾದ್ ಪೊರ್ಲು ತೂಪಿನವು, ದಾದ ಮಲ್ಪುನುಂದು ಆಪಿ ಆಪಿನ ತರೆಕ್ಕುಲು ತರೆಕ್ಕೊಂಜಿ ಪಾತರೊಂದುಂಡು. ಮಂಡೆ ಮಂಡೆದ ಪಂಚಾತಿಗೆನ್ ಒಂಜಿ ದಿನ ಅರಸುಲೆಡ ಪಂಡೆರ್, ದುಗ್ಗಣ ಸಾವಂತೆರೆಗ್‌ಲಾ ಕಂಬುಲ ಬೋಡುಂದು ಅಂಗಲಪ್ಪು ಉಂಡು ಕಂಬುಲ ಬೋಡು ಅಂದ್ ಆಂಡ ಎಂಚ ಮಲ್ಲುನು ಪಂಡ್‌ದ್ ಅರಸುಲು ಅಲೇನಗ ಅಲ್ಪ ಸೇರಿಂಚೆ ತಂಕ ದರ್ಪುದ ಜವನ‌ ಇಂಚ ಪನ್ನೆ‌ "ಎಂಕುಲು ಪಣಂಬೂರುದ 13