ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಕಡಪುಡು ಕೊರೊಲು ದುಗ್ಗು. ಮಿರೆ ಪೇರ್ ಆಜಿದ್ಂಡ್, ಅಪ್ಪೆನ ಮಟ್ಟೆಲ್ಪ ಬೆಚ್ಚ ಬೆಗರ್‌ಡೇ ಸಿಕೆ ಆರಾವೊಂದು ಬೈದ ಮಂಜಣೆ, ಅಂಡ ಇನಿ ಪಿರಿದಾಂತೆ ಕಟ್ಟದ ನೀರ್ ಆಜಿಂಡ್‌ಂದ್ ಎನ್ನುವೆ. ಬರೆತಿ ಊರುನು ನಾಡೊಂದು ಪೋವರೆ ಯಾನ್ ದಾಯೆ ನರ್ಗುನು? ಪಂಡ್‌ದ್ ಎನ್ನುವೆ. ಅಪ್ಪೆನ ಪಾದ ಪರಡ್‌ ಅಭಯ ದೆತೊಂಡೆ. ಕನನೀರ್‌ಡ್ ಪಾದ ತೊರತೆ, ತಮ್ಮಲೆ ಬೆರಿಯೆ ತೆಲಾರಗುತ್ತುದ ಸಾದಿ ಪತಿಯೆ, ದಂಡ್‌ ಪೋಯಿನ ಅಡ್ಯಂತಾಯೆರ್ ಪಿರ ತಿರ ಬನ್ನಟ್ಟ ಗುತ್ತುಡು ಮಂಜಣ್ಣನನೇ ಗತ್, ಕಾರ್ ಬಾರ್, ಮಾಮಿನ ಕೈ ಬಲಸ್‌ದ ಉಣ್ಣು, ಎರ್ಕೆಲ್ ಬಂಜಿ, ಅಲ್ಲಿ ನಿಂದೆ ಮುನ್ನೊಂದೇ ಉನೊಂದಿತ್ತೆ. ಅರ್ಧ ಮುಡಿ ಅರಿತ್ತ ನುಪ್ಪುನು ಕೊಲ್ಪಂದೆ ಉನೊಂದಿತ್ತೆ. 12
