ಪುಟ:ಅಗೋಳಿ ಮಂಜನೆ.pdf/೧೨

ಕಟ್ಟಗ್ ನಿರೆತ್ತ ಊರು ತೆಲಾರ್, ಮುಲ್ಪದ ಗುತ್ತುಡು ಬಗ್ಗಣ್ಣ ಅಡ್ಯಂತಾಯೆ‌ ಪನ್ನಿನಾ‌ ಗುರಾರ ಆದಿತ್ತೆರ್. ಅಪಗದ ದಿನೊಟ್ಟು ಅಂತುಗೊಂತು ದಾಂತಿನ ದೂರದ ಊರುಡ್ಡು ಪೊದು ಮಲ್ಪುನ ಕಿರ್ಮ ಇತ್‌ಜಿ. ಕೈ ಪತ್ತುನ ಪೊಣ್ಣನ ಪೊಲಬು ಬೋಡು. ಅಂಚ ಕಟ್ಟಿ ಬರ್ಕೆದ ನಾರಾಯಣ ಶೆಟ್ಟಿಗ್ ಮರಾದಿದ ಪೊದು ಮಲ್ಪರೆ ದುಂಬು ಬರ್ ಬಗ್ಗಣ್ಣ ಅಡ್ಯಂತಾಯೆರ್, ತನ್ನ ಮೋಕೆದ ತಂಗಡಿ ದುಗ್ಗುನು ನಾರಾಯಣ ಶೆಟ್ಟಿಗೆ ದಾರ ಮ ಕೊರಿಯೆರ್. ತೆಲಾರ ಗುತ್ತುದ ಪೊಣ್ಣು ಕಟ್ಟಿ ಬರ್ಕೆಡ್ ಸಂಸಾರ ಮಲ್ಪರೆ ಅನು ಆಪುಂಡು. ನಾರಾಯಣ ಶೆಟ್ಟಿಲಾ ದುಗ್ಗುಲಾ ದಾರೆದ ಮಣೆಕ್ಸ್ ಮಿತರಿಯರ್, ಪೂತ್ತವು ದೇವರ ಕಣ್ಣೆದುರುಡು ಊರು ಕೂಡುದಿ ಕಲಟ್ ಕೈಕ್ ಕೈ ಕೂಡಾದರ್. ಕಂಡನೆ ಬೊಡೆದಿ ಆದ್ ಏತೋ ವರ್ಸ ಕರೀಂಡ್. ಆಂಡ ದುಗ್ಗು ಬಂಜಿಡ್ ಒಂಜಿ ಪುರಿಲಾ ಕೂಡಿವುಜಿ, ಉಂದೆನ್ ತೂದು ಊರುದ ಜನಮಾನಿ ಕೋಂಗಿ ಕೋರೆ ಕಟ್ಟರೆ ಸುರು ಮಲ್ಲೆರ್, ಇಂಚ ಲೋಕದ ಕೋಂಗಿ ಕೋರ ಕೇಂದ್ ಉಡಲ್ ಕೊಪ್ಟೆಂಡ್, ಮನ ಕಡೀಂಡ್, ಕಂಡನೆ ಬೊಡೆದಿ ತರೆಕ್ ಮೈಕ್ ಮೀಯೆರ್, ಬಪ್ಪನಾಡ್‌ದ ಅಪ್ಪೆ, ದುರ್ಗೆಗ್ ಪಟ್ಟ ಪರಕೆ ಪನ್ನೆರ್, "ಪೋಯಿನಲ್ಪ ಬತ್ತಿನಲ್ಪ ಮಾನ ಮರಾದಿಡ್ ಪೆರ್ಚೊಡಾಯಿನ ಈ ತೆಲಾರ ಗುತ್ತುಡು ಪುಟಿನ ಎಂಕ್ ಇನಿ 'ಗೊಡ್ಡುಂದು' ಪತ್ನಿ ಕುಚ್ಚನದ ಪಾತೆರ ಕೇನೊಡಾಂಡ್.ಅಂಡದ ಬಾಯಿನ೦ಡಲಾ ಕಟ್ಟೋಲಿಗೆ ದೊಂಡೆದ ಬಾಯಿನ್ ಕಟ್ಟರೆ ಆವಂ‌ಗೆ, ಇಂಚ ಎನನ್ ಊರುದ ನಾಲಯಿಡ್ ಪಾಡಿಯ‌ ದೇವರೇ ಎಂಕ್ ಬತ್ತಿ ಈ ಕುಚ್ಚನೂನು ಮಾಜಾದ್ ಕೊರೊಡು. ಎಂಕ್ ಸಂತಾನ ಕೂಡುದು ಬರೊಡು. ಆತ್ ಮಲ್ಲರ ಇರೆನ ಕಾರ ಮುದೆಲ್‌ಗ್ ದಂಬೆಕಲ್ ಒಪ್ಯಾವೆ" ಪಂಡ್‌ದ್ ಪರಕೆ ನೆನೆಪುವೊಲು ದುಗ್ಗು. 11 ಪಂಡಿ ನಾಲಯಿ' ದೊಂಡೆಡಾವೊಡ್ಡ ಜಾಗದ ಕಾರ್ನಿಕ ತೋಜಿದ್‌ಂಡ್. ತಿಂಗೊಲೊಂಜಿ ಪೊಡಾಂಡ ದುಗ್ಗುಗು ಗರ್ಭ ಉಂತುದುಂಡು, ಮೈ ನಿಲ್ಕ ಕಣ್ಣಾದ್ ಬೊಡೆದಿನ್ ಲಾಲನೆ ಪಾಲನೆ ಮತ್ತೆ ನಾರಾಯಣ ಶೆಟ್ಟಿ, ದುಗ್ಗುನ ಕಡೀರ ಬಂಜಿಗ್ ತಿಂಗೊಲಾಜಿ ದಿಂಜಂಡ್, ಪೂವೊಲುದ ಕಟ್ಟ ತಿರ್ ಬಂಜಿಡ್ ಮೂರೊಂದು ಬತ್ತ್ಂಡ್. ಏಲನೇ ತಿಂಗೊಲ್ಲು ಊರು ಲೆಪುಡಾದ್ ಬಾಯಿಕೆ ಪಾಡ್‌ದ್ ದುಗ್ಗುನು ತೆಲಾರ ಗುತ್ತುಗು ಕಡಪುಡುವೆ. ಅಪ್ಪೆ ಇಲ್ಲಾಯಿನ ತೆಲಾರ್‌ಡ್, ತಗೆ ಬಗ್ಗಣ್ಣ ಅಡ್ಯಂತಾಯೆರೆನ ಅಂಗೈ ನಿರೆಲ್ಸ್. ಪೂರ್ತೆಲ್ಲ ಬಂಜಿನಾಲ್ ದುಗ್ಗುಗು ತಿರ್ ಬಂಜಜಿಡ್ ಪುರು ಬೇನೆ ಪುಟೊಂದುಂಡು. ಪದ್ದೆತಿನಕುಲು ತರೆ ಮಿತ್ ಕುಲುದು ಪೆದ್ದು ಬೇನೆಗೆ ಕುದ್ದು ಬೇನೆ ಕೊರಿಯೆರ್, ತಲಾರ ಗುತ್ತುಡು ನೆಸರ್ ದೇವರ್ ಮೂಡಿನಂಚ ದುಗ್ಗು ಕಣ್ ಜಪ್ಪುವೊಲು, ಬಾಲೆ ಬುಲಿಪುಂಡು. ಪುಟಿನ ಬಾಲೆನ್ 'ಮಂಜಣೇಂ'ದ್‌ ಮೋಕೆಡ್ ಲೆಪ್ಪುವೆರ್ ಬಗ್ಗಣ್ಣ ಅಡ್ಯಂತಾಯ‌, ಕಂಡನೆ 10