ಪುಟ:ಅಗೋಳಿ ಮಂಜನೆ.pdf/೧೦

ಕಳ್ಕೊಡುಗೆ, ದಾನ ಮಲ್ಪುನು ಪತ್ತೆ ಎಂಕಲ್ನ ಗಿರಾಗಿತ್ತಿ. ಅಗೋಳಿ ಮಂಜಣೆ ಪನ್ನಿನ ಪುದರ್ ಕೇಂಡಿನೇ ಎನ್ನ ಕೆಬಿ ಕೊಂಡೆ ಆಂಡ್. ದುಂಬೇ ಪುದರ್ ಕೇಂದೆ ಅಗೋಳಿ ಮಂಜಣೆ ಕಟ್ಟಡ್ ಪುಟುದಿನಿಂದ್, ಈ ಊರುನು ಇನಿ ತೂಯೆ, ಆಂಡ ಯಾನ್ ತೂನಗ ಪುಲ್ಯ ಆತ್‌ಂಡ್, ಆಂಡಲಾ ಮಲ್ಲೆ, ಆ ಊರುದ ನಿಜ ರೂಪ ಇನಿಕ್ ಮಾಜಿಂಡಲಾ ನನ ದುಂಬುದ ಜನೊಕುಲೆಗ್ ಅವೆನ್ ಉಡಲ್ ದಿಂಜಾವೊಡು. ಏನಿಕಾಲೊಡು ಮುಲ್ಪ ಒರಿ ಬೀರೆ ಬದ್‌ಕ್‌ದಿತ್ತೆ. ಪನ್ನಿನೆನ್ ತೆರಿಪಾವೊಡು, ಅಯ್ಯಾತ್ರ ಯಾನೊಂತೆ ತೆರಿಯೊನೊಡು, ಅಂಗಲಪ್ಪುಡು ಅಚ್ಚೆರಡನೇ ಕೇಂಡೆ. ಅರೆನ ಪುದರ್ ಬೆರ್ಮು ಪಂಡ್‌, ಯಾನ್ ಗಾಡಿನೆಕ್ಟ್ ಬೋಡಾದ್ ತಾರೆದ ಕಟ್ಟೆಡ್ ಕುಲೋಂದಿನಲ್ಪನೇ ಕತೆ ಪಂಡೆರ್, ಎರ್ಮಾಳ್ ಸುಲಿಗೆದ ಕತೆ, ಮಂಜಣೆ ಮಲ್ಲಿನ ಕತೆ, ತಾರೆ ಮಗ್‌ರಿನಡೆ ಪೋದು ಬತ್ತಿನ ಬೆರ್ಮು ಅಜ್ಜೆರನ ಒಟ್ಟುಗು ಯಾವ್‌ಲಾ ಅರೆನ ಇಲ್ಲಡೆ ಪೋಯೆ. 'ಅಗೋಳಿ ಮಂಜಣ'ಗಾತ್ರ ಆನಿದ ದಿನ ಸಾಲೆಗ್ ರಜೆ ಮಲ್ತ್ದ್ ಕಟ್ಟಡ ತಿರಿಯೆ, ಬೆರ್ಮು ಅಜ್ಜೆ‌ ಎನನ್ ಬೆರಿಯನೇ ಲೆತೊಂದು ಪೋಯೆರ್. ಮಲ್ಲ ಒಂಜಿ ಉಂಡ್ಯ ಇಲ್ಡ್, ಜಾಲ್ ನಿಲ್ಕೆ ಬೈಬಾರ್ ದಿಂಜಿದುಂಡು, ಸಿರಿತುಪ್ಪೆ, ಅರೆ ಬೆತ್ತ ಮುಟ್ಟೆ ತೋಜೊಂದುಂಡು, 'ಲಕ್ಕೆನ್ನಾಯೆ, ಲಕ್ಕೆನ್ನಾಯೆ' ಪನೊಂದು ಎನನ್ ಚಾವಡಿಗ್ ಲೆತೊಂದು ಪೋದು ಕಲೆಂಬಿದ ಮಿತ್ತ್ ಕುಲ್ಲಾಯೆರ್. ಅಸರ್‌ಗ್ ಬೆಲ್ಲ ನೀರ್ ಕೊಪ್ಪಾಯೆರ್, ಯಾನ್ ನೀರ್ ಪರಾದ್ ಅರೆನ ಮೋನೆ ತೂಯೆ, ಅರೆಗ್ ಅರ್ಥ ಆಂಡ್. ಬೊಳ್ಳಿ ಕಟ್ಟದ ಇಲ್ನೋಡಿ ಒಕ್ಕನೂಲುನು ಮಿತ್ತ ಜಾರವೊಂದು ಪಿದಡಿಯರ್, ಅರೆನ ಇಲ್ಲಡ್ ಪತ್, ಬಕ್ಕರ್ ನಡಪುನಗ ಒಂಜಿ ತಲಕಟ್ಸ್, ಪಿರಾಕ್‌ಡ್ ಈ ತಲಕಟ್ಟೋದ ಮಿತ್ತೇ ಆಗೋಳಿ ಮಂಜಣನ ಅಪ್ಪೆ ಅಮ್ಮನ ಇಲ್ಡ್ ಇತ್ತ್ಂಡ್‌ಗೆ, ಆ ಜಾಗ ಇತ್ತೆಲಾ ಮಂಜಣ ಬರ್ಕೆ ಪಂಡ್‌ದ್ ಪಸ್ಪೆರ್‌ಗೆ, ಅಲ್ಪನೇ ತಲಕಟ್ಟೋದ ಬರಿಟ್ಸ್ ಒಂಜಿ ಉಗೈಲ್, ಅಡೆಗ್ ಪೊಂಜೊವು ಪೋವರೆ ಬಲ್ಲಿಂದ್ ಪನ್ನೆರ್. ಅಲ್‌ಡ್ ಪತ್ತೆ ಮರು ಬನ್ನಗ ಒಂಜಿ ನೇಲ್ಯ ಚಪ್ಪಡಿ ಕಲ್ಡ್. ಸುಮಾರ್ ಅರ್ಧ ಮುಡಿ ಅರಿತ್ತ ಬಾರ್ ಪತ್‌ರೊಲಿ, ಉಂದು ಆಗೋಳಿ ಮಂಜಣೆ ಕುಂಟು ಆದ್ದರೆ ಪಾಡ್ಡಿನಗೆ ಈತನ್ ತೋಜಾಯಿನ ಬೆರ್ಮು ಅಜ್ಜೆರ್ "ಉಂದೆಡ್ ಮಿಫ್ ಎಂಕ್ ಗೊಂತುಜ್ಜಿ, ನನಲಾ ಇರೆಗ್ ತೆರಿಯೊಡಾಂಡ ಆಯ್ಕೆ ತಿ‌ದಿನ ಊರುಲೆನ್ ತಿರೊಡಾವು ತಲಾರ್, ಪಂಜ, ಮುಲ್ಕೆ, ಕಾರ್ಲ, ಕೊಡಿಂಜ, ಎರ್ಮಾಳ್, ಇಂಚಿತ್ತಿನ ಜಾಗೆಲೆನ್ ಅಜೆತ್ ತೂವೊಡು, ಅಪಗ ಇರೆಗ್ ಬೋಡಾಪಿನ ಸಂಗತ್ತಿಲು ತೆರಿಯೆರೆ ಸಾಧ್ಯ ಉಂಡು ಪಂಡ‌. _D 0 ಅನಿಡ್ ಬೊಕ್ಕ ಸುರುವಾಂಡ್ ಎನ್ನಲಾ ಅಗೋಳಿ ಮಂಜಣನಲಾ ತಪ್ಪಂಗಾಯಿದ ಗೊಬ್ಬು, ಆಯನ ಕಾರ ಮುಟ್ಟು ನಾಡೊಂದು ಕಟ್ಟಷ್ಟೇ ಪಿದಡಿಯೆ. ಆಯೆ ಕಾರ್ ಊರುದಿನ 8