ದೈವದ ಪಾಡ್ದನ
ದಾಸ್ವೆ ಗಟ್ಟತ ಮಿತ್ತ್‌ಡ್ದ್ ಏರಾಬಿ ದೇವೆರೆ ಪುದರ್
ನಟ್ಟೊನು ನಡತೊನು ಬರ್ಪೆಗೆ ದಕ್ಕಿಸ್ಸೆ ದಾಸ್ವೆ
ಬತ್ತೆಗೆ ಇಲ್ಲಾಡೆ ಪನ್ಪೆರೆಗೆ ಆಣಟ್ ಏನ್ ಎಡ್ಡೆತ್ತೋ
ಪೊಣ್ಣಟ್ ಈರ್ ಎಡ್ಡೆತ್ತೊ ದಟ್ಟಿಸ್ಸೆ
ಏನ್ ಗಟ್ಟಾಡ್ದ್ ಏರಾಬಿ ದೇಬೆರೆ ಪುದರ್
ಪಂಡೊನು ನಟ್ಟೊನು ಅಲ್ಪೊಂತು ಬರ್ಪುನೆ ಅಪಗ
ದಾಸ್ವೆ ದಕ್ಕಿಸ್ಸೆ ದಾಸ್ವೆ.
ಏನಾಂಟ ಪೊಣ್ಣಟ್ ಏನ್ ನನಾಂಟ ಬಿಕ್ಷೇನೇ ಕೊರ್ಲೆಂದ್ ಪನ್ಪೆಗೆ
ಅಯಿನ್ ನಟೊನು ಒಂಜೆಟ್ ದಿಂಜೊನು ಪೋಪೆಗೆ
ದಕ್ಕಿಸ್ಸೆ ದಾಸ್ವೆ
ಗಟ್ಟತ ಪಿತ್ತ್‌ಡ್ದ್ ಬತ್ತಿನ ದಾಸ್ವೆ. ದಕ್ಕಿಸೆ ದಾಸ್ವೆ
ಬತ್ತ್‌ದ್ ಬಲಿತ್ತೊಂದು ನಿರೆಕೆರೆ ಇಲ್ಲಗ್ ಪೋಪೆಗೆ
ಅವುಲು ನನ ಸೀತಕ್ಕನ ಇಲ್ಲಡೆಗ್ ಪೋಪೆರೆಗೆ
ಅಲ್ತಾಂಡ ಪನ್ಪೆಗೆ ಪೊಣ್ಣಟ್ ಈರ್ ಎಡ್ಡೆತ್ತೊ
ಆಣಡ್ ಏನ್ ಎಡ್ಡೆತ್ತೋ ಎಂಕೇನೆ ಬಿಕ್ಷೇನೇ ಕೊರುಡು
ಪನ್ಪೆಗೆ ಅಪಗ ಪನ್ಪೆರ್ ಮಾಯಿಪುದ ಸೂಡಿನೆ ಪತ್ತ್‌ದ್
ದಾಸ್ವೆ ಒಂಜಾಂಟ ಬಲಿಪುವೆಗೆ
ಏನ್ ನನಾಂಟ ಓಡೆಗ್ ಪೋವುಡು ಪನ್ಪೆಗೆ
ದಕ್ಕಿಸ್ಸೆ ದಾಸ್ವೆ
ದಕ್ಕಿಸ್ಸೆ ದಾಸ್ವೆ